Vikolwa 10:43 - KITABU KITAKATIFU

⁴³ Avaprofeti vosi va lolekidza uyu, ku lieta lilye vosi ava mu suuvira va la nyola lisamefwa lyobwoni.

Vikolwa 10:43 ပူးပေါင်းရင်းမြစ်များ

Isaya 53:11

A la lola ubululu bwelilumwa lyomwoyo gwigwe, na a la yanzidzwa: kigira lyemanya mwene mutumekiri mulungi wange, a la ha vanyingi ubulungi; naye a la ginga ubudamano bwavo.

Jeremia 31:34

Navo va la vula kwegidzana mundu sa mulala nowakye, kandi mundu sa mulala namwavo wewe, kuvola, Mu manye Yahova; kigira va la manya inze vosi, kutwula ku muke wavo kuduka ku munene wavo, Yahova a vola: kigira nda sameha ubudamano bwavo, nobwoni bwavo si nda bwidzulitsa kandi mba.

Danyeli 9:24

Masidza makumi gatano na gaviri ga lageywi ku avandu vovo noku lidala litakatifu lilvo, kutwekidza mahyolo, nokuheridza ubwoni, nokukola kyokukunika ubwoni, nokuleta ubulungi bwemihiga nemihiga, nokuvika muhuri ku malola noku buprofeti, noku vaka maguta hatakatifu hokuvita.

Mika 7:18

Ni bwaha a veye Nyasaye kuli ive, u samehanga ubudamano, na u vitanga ku mahyolo gavatigala vemiyandu gyigye? Si ya vihirirwa madiku gosi, kigira a yanza tsimbabasi.

Zekaria 13:1

Mu lidiku yilyo kisenukiru ki la senukira inyumba ya Daudi, nava menyi Yerusalemi, kigira ubwoni na kigira busamuku.

Malaki 4:2

Navutswa ku mwinye avatidzanga lieta lyange liuva lyobulungi li la mu kyera nelyobuhonnyi mu tsimbaha tsyalyo; na mu la twula, nokugoma kuli vimoli vi honganga hango.

Marko 16:16

U suuvira na a batidzwe a la honnywa; u vula kusuuvira a la kyaywa.

Luka 24:47

kandi lilwadzwa mu tsihiri tsyosi, lyeganira nelisameha lyobwoni ku lieta lilye, kutanga mu Yerusalemi.

Yohana 1:45

Filipu ya nyola Natanaeli, na a mu volera, Ku nyoye uyu wa Musa ya ng'oda kuye mu lilaga kandi avaprofeti, Yesu wa Nazareti, mwana wa Yosefa.

Yohana 20:31

navutswa yivi vi ng'odwa mu duke kusuuvira Yesu a veye Kristo, Mwana wa Nyasaye; kandi ku lisuuvira lyenyu mu ve nelivamwoyo mu lieta lilye.

Yohana 5:24

Ligali, ligali, mmu volera, U hulira likuva lyange, na a suuvire wa ntuma, a veye nelivamwoyo li ta hera mba, kandi si a li nyala kwingira mu likalagirwa, navutswa u mali kutwula mu likudza kuduka mu livamwoyo.

Vikolwa 15:9

si yavukanya kwinye navo, ni yogidza myoyo gyavo nelisuuvira,

Vikolwa 2:38

Petro ya va rolera, Mweganire, mu batdziwe mwosi mu lieta lya Yesu Kristo, mu nyole ubusamehi bwobwoni bwenyu; kandi mu la vugula kihaanwa kya Roho Mutakatifu.

Vikolwa 26:18

kuvakunula tsimoni tsyavo va twule mu kisundi va yeke ku buiavu, kandi va twule ku tsingulu tsya Setani va yeke ku Nyasaye, ni va nyola lisamefwa lyobwoni va vugule miyandu halala navo ava takaswa nelisuuvira li veye mu inze.

Vikolwa 26:22

Navutswa kigira nda nyola ubuhonnyi bwa twula ku Nyasaye, nsingira hano kuduka kali lero nokulolekidzira avakekeke navanene, kandi si mbola kindu, geng'ine ga vyavaprofeti na Musa va vola vi ladza;

Vikolwa 3:16

Kandi lieta lilye, ku lisuuvira ku lieta lilye, li mali kuha mundu uyu tsingulu, wa misuuvira lola nowa mu manya: ligali, lsuuvira li veye ku lieta lilye li mali kumuha ubulamu yibu ubwere imbiri wenyu mwosi.

Vikolwa 3:18

Navutswa vindu vya Nyasaye ya tanga kumannya mu minwa gyavaprofeti vosi, Kristo wewe a la saliridzwa, u mali kuviduliidza ndi.

Varumi 10:11

Kigira ma ng'oda ga vola, Ku vosi u mu suuvira si a li va soni.

Varumi 3:21

Navutswa kalunu ubulungi bwa Nyasaye bu mali kulang'aminywa bugira lilaga, nabwo bu lolekidzwa nelilaga navaprofeti;

Varumi 5:1

Kunangwa ku mali kulungekidzwa kigira lisuuvira, ku veye nemirembe na Nyasaye kigira Mwami wetu Yesu Kristo.

Varumi 6:23

Kigira madanyi gobwoni ni likudza; navutswa kihaanwa kya Nyasaye ki veye livamwoyo lyemihiga nemihiga mu Kristo Yesu Mwami wetu.

Varumi 8:1

Kunangwa kigira yaga kalunu si ha veye nelikalagirwa lidamano ku yavo ava veye mu Kristo Yesu, ava ta genda kuli liva lyomubiri, navutswa kuli liva lya Roho.

Varumi 8:34

uyu ni bwaha u kalaga likalaga lyobwoni? Ni Kristo Yesu wa kudza, yee ligali, uyu wa simugukidzwa kutwula mu vakudzu, u veye ha mukono mulungi gwa Nyasaye, kandi niye u ku saaliranga.

Vagalatia 3:22

Navutswa mang'oda ga boha vindu vyosi ku bwoni, ava suuvira va duke kuhebwa lisuuviridzwa li twulanga ku lisuuvira li veye ku Kristo.

Vafeso 1:7

muye ku nyoye libohololwa lyetu kigira masahi gege, lisamefwa lyelihyola lyetu, kuli ubutugi bwetsimbabasi tsitsye,

Vakolosai 1:14

wa ku veye mu nobuhonnyi bwetu, nobusamehi bwobwoni bwetu.

Vahebraina 13:20

Kalunu Nyasaye wemirembe wa leta mu vakudzu Mwayi Munene wamagondi, mu masahi gelilagana lyemihiga nemihiga, Mwami wetu Yesu,

1 Petro 1:11

venya i veye inyinga ki, kandi i veye inyinga yolugano ki ya Roho wa Kristo wa li muvo ya mannya, inyinga ya tanga kulang'aminya ubusaliri bwa Kristo, nobukumi bu li va ho inyima.

Likunula 19:10

Kandi nda gwa hasi ha virenge vivye kumusigamira. Naye ya mbolera, Henza, u ta kola mba; inze mbeye wakyo halala na ive navamwavo vovo ava gumira lilolekidza lya Yesu: U sigamire Nyasaye: kigira lilolekidza lya Yesu li veye roho gwobuprofeti.