Vikolwa 10:36 - KITABU KITAKATIFU

³⁶ Likuva lya ya hilira avana va Israeli, ni yilwadza ivangeli yemirembe i twula ku Yesu Kristo, (naye ni Mwami wa vosi)

Vikolwa 10:36 ပူးပေါင်းရင်းမြစ်များ

Zaburi 45:11

Ku yaga mwami a lenya ubulahi bubwo; Kigira a veye mwami wowo; na ive u mu sigamire.

Zaburi 45:6

Intebe yoyo yobwami, O Nyasaye, i hindiraga mihiga nemihiga: Impimbo yobulungi i veye impimbo yobwami bubwo.

Zaburi 72:7

Mu madiku gege avalungi va la gasidzwa, Na mirembe minyingi kuduka mweli gu fweye.

Isaya 55:12

Kigira mu la twula nobuyanzi, nokwimirirwa nemirembe: vigulu notugulu vi laleta tsinyimbu nokwimba imbiri wenyu, nemisala gyosi gyommilimi gyi la kong'onda mikono.

Isaya 57:19

Inze mbeye mulombi wa makuyu geminwa: Mirembe, mirembe, ku uyu u veye ihale noku uyu u veye ahimbi, Yahova a vola; nda mu honnya.

Isaya 7:14

Ki gira yaga Yahova mwene a la mu ha kilolekidzu; henza, mukana mugima a la vereka, na a livula mwana muyai, na a la mu gulika lieta lilye Imanueli.

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Hosea 1:7

Navutswa nda vererera inyumba ya Yuda, nda va honnya ku Yahova Nyasaye wavo, na si nda va honnya nobuta, kinga nekivavi, kinga nobulwani, kinga netsiparasi, kinga navanina ku tsiparasi.

Mika 5:2

Navutswa ive, Beth-lehemu Efaratha, u veye mukekeke mu tsielfu tsya Yuda, mulala a la twula ku ive a ladza ku inze u li duka kuva welyameha mu Israeli; litwula lilye ni lya kale, kutwula mihiga nemihiga.

Malaki 3:1

Henza, ntuma mutumwa wange naye a la lungikidza inzira mbir; wange: na Yahova wa mwenyanga, a ladza ku litempeli lilye nonoho; nomutumwa welilagana, wa mwenyanga, henza, yadzanga, Yahova wa mahe a vola.

Matayo 10:6

navutswa mu tsie ku magondi aga goti genyumba ya Israeli.

Matayo 11:27

Dada wange u mbeye vindu vyosi: kandi si ha veye wa manya Mwana, navutswa Dada; kandi si ha veye wa manya Dada, navutswa Mwana, naye wo Mwana a yanza kumuvuulira.

Matayo 28:18

Yesu yadza na a volerana navo, na a vola, Mbebeywi tsingulu tsyosi mu ligulu nomu lirova.

Luka 1:79

Bu ng'ereng'ane kuvo ava menya mu kisundi nomu kiriri kyelikudza. Kwimirira virenge vyetu ku inzira yemirembe.

Luka 24:47

kandi lilwadzwa mu tsihiri tsyosi, lyeganira nelisameha lyobwoni ku lieta lilye, kutanga mu Yerusalemi.

Vikolwa 10:37

inkuva yiyi mwinye avene mu manya, ya landidzwa mu Buyuda bwosi, ya tanga kutwula Galilaya, inyima yelibatidza lya Yohana yilwadza;

Vikolwa 11:19

Kunangwa yava va salanywa kigira lidambidzwa lya twulira ku Stefano, va tsia kuduka kali Foinike na Kuporo, na Antiokia, si va volera mundu likuva navutswa Avayuda veng'ine.

Vikolwa 13:32

Kandi kwinye ku letera mwinye amakuva malahi, agelisuuviridza lya vaguga va hebwa,

Vikolwa 13:46

Paulo na Baranaba va luvirira ni va vola, Li nigwa likuva lya Nyasaye li tanga kuvolwa ku mwinye, navutswa kigi ra mu li luguta ihale, kandi si mwelola mu veye avalahi kuduka livamwoyo li ta hera mba, mu henze, kwinye ku girunkanira Tsihiri.

Vikolwa 2:36

Kigira yaga avenyumba yosi ya Israeli va manye ligali, Nyasaye u mali kukola Yesu uyu wa mwa bamba, a ve Mwami kandi a ve Kristo.

Vikolwa 5:31

Uyu Nyasaye u mali kumukuminya nomukono gwigwe mulungi a ve Mwami no Muhonnyi, a duke kuha Israeli lyeganira nobusamehi bwo bwoni.

Varumi 14:9

Kigira Kristo ya kudza na simuguka kandi, a duke kuva Mwami wetsing'ano tsyombi avakudzu kandi wa va veye mwoyo.

Varumi 5:1

Kunangwa ku mali kulungekidzwa kigira lisuuvira, ku veye nemirembe na Nyasaye kigira Mwami wetu Yesu Kristo.

1 Vakorintho 15:27

Kigira ya vika vindu vyosi isi wetsinduvatiru tsitsye. Navutswa lwa a vola, Vindu vyosi vi vikeywi isi, vi loleka uyu wa vi vika isi si a veye isi.

1 Vakorintho 15:47

Mundu wembiri ya twula mu lirova, a veye wamarova: mundu wa kaviri ya twula migulu.

Vafilipi 2:11

kandi tsinimi tsyosi tsi duke kweyama Yesu Kristo a veye Mwami, kuduka ku bukumi bwa Nyasaye Dada.

Vakolosai 1:20

nokuleta vindu vyosi kuhambana kuye mwene kigira uyu, lwa a mali kuletera mirenmbe ku masahi gege agomusalaba gwigwe; yee, kigira uyu, ni vi veye vindu vya hasi, kinga vyomigulu.

Vahebraina 1:2

kalunu mu madiku yaga, u voleye kwinye mu Mwana wewe, wa ya vika kuva wemiyandu gyevindu vyosi, kandi wa ya lomba naye tsinyinga tsyosi.

Vahebraina 13:20

Kalunu Nyasaye wemirembe wa leta mu vakudzu Mwayi Munene wamagondi, mu masahi gelilagana lyemihiga nemihiga, Mwami wetu Yesu,

1 Petro 3:22

u veye ha mukono mulungi gwa Nyasaye, kigira u viti kutsia kuduka migulu; vi mali kukolwa vikekeke kuye, tsingelosi, navobunene, navetsingulu.

Likunula 1:18

na Uveye Mwoyo; kandi na li mukudzu, kandi henza, mbeye mwoyo mihiga nemihiga, kandi mbeye netsifunguo tsyelikudza netsye Kihadisi.

Likunula 1:5

kandi gyi twulanga ku Yesu Kristo, u veye muloli musuuvirifu, nowa tanga kwivulwa wavakudzu, nomunene wavami velirova. Kuye u ku yanzanga, kandi ya ku boholola namasahi gege kutwula mu bwoni bwetu,

Likunula 17:14

Yava va la kolera Mwana Weligondi ubulwani, kandi Mwana Weligondi a la va guuta, kigira a veye Munene wavanene kandi Mwami wavami; kandi ava veye halala naye, ava langwa, navatovole, navasuuvirilu.

Likunula 19:16

Kandi a veye nelieta li ng'odeywi ku ingubo yeye nokwitango lilye, MWAMI WAVAMI NOMUNENE WAVANENE.