Vikolwa 10:32 - KITABU KITAKATIFU

³² U tume avandu va tsie Yopa, u lange Simoni welieta lindi Petro, yadze ku ive; a veye mugeni mu inyumba ya Simoni, musidza wamasero, a himbi nenyanza.

Vikolwa 10:32 ပူးပေါင်းရင်းမြစ်များ

2 Kyetsinyinga 2:16

na kwinye ku la tema misala kutwula Lebanon, kuduka kuli we nyanga; ku ku letere ku lyereminya ku inyanza kuduka Yopa; na ive u la gyi hila Yerusalemi.

Mika 4:2

Na tsihiri tsinyingi va la tsia nokuvola, Hambi mwinye kwanegire ku kigulu kya Yahova noku inyumba ya Nyasaye wa Yakobo; naye a la kwegidza tsinzira tsitsye, na ku la genda mu tsinzira tsitsye. Kigira lilaga li la twula Zioni, na likuva lya Yahova li la twula Yerusalemi;

Yohana 18:28

Kunangwa va twulidza Yesu wa Kaiafa ni va mu hila mu inyumba ya Pretorio: gwa li mugamba tsuri. Navene si vingira mu Pretorio, va ta vikwa mu budamano, navutswa va duke kulia lipasaka.

Yohana 4:9

Ki gira yaga mukali wa Samaria ya mu volera, Ga veye ndi ive Muyuda u teva inze amadzi, na inze mbeye mukali wa Samaria? (Kigira Vayuda si va hambana na Vasamaria.)

Vikolwa 10:31

naye ya mbolera, Kornilyo, lisaala lilyo li hulirwa, netsisadaka tsitsyo tsidzulitswa imbiri wa Nyasaye.

Vikolwa 10:33

Nonoho nda tuma avandu ku ive; na ive u koli bulahi udzi. Kalunu kwinye kwosi ku veye hano imbiri wa Nyasaye, kuhulira gosi go Mwami a ku laga.

Vikolwa 10:5

Kalunu u tume avandu va tsie Yopa, va lange mulala u langura Simoni welieta lindi Petro:

Vikolwa 11:14

a la ku volera amakuva ga la ku honnya ive navenyumba yoyo vosi.

Vikolwa 11:3

va vola, Ive wingira ku vandu va ta kevwa, nu u lia halala navo.

Vikolwa 15:7

Inyinga ya ga li amateva manyingi, Petro ya singira na a vola. Avamitu, mu manya Nyasaye ya tovola kale ku kwinye, Tsihiri tsi hulire ku munwa gwange likuva lyevangeli, va suuvire.

Vikolwa 16:9

Liloto lya duka ku Paulo ubudiku: Mundu wa Makedonia u singiye na a mu goonya, na a vola, Wambuke udze mu Makedonia u ku konye.

Vikolwa 9:43

Ma Petro ya manya na a menya Yopa madiku manyingi halala nomulala ya langwa Simoni musidza wamasero.

Vikolwa 9:6

Navutswa vuka, wingire mu lidala, na ive u la volerwa amakuva ga ku dukira u kole.