Vikolwa 10:3 - KITABU KITAKATIFU

³ Ya lola mu maloto habulavu, kuli isaa i kola tsitanu na tsine tsyombasu, ingelosi wa Nyasaye yadza kuye na a mu volera, Kornilyo.

Vikolwa 10:3 ပူးပေါင်းရင်းမြစ်များ

Zaburi 55:17

Mgolova na mugamba na mbasu hagati, nda lira, na nda kenya; Naye a la hulira mwoyo gwange.

Kutwula 33:17

Na Yahova ya volera Musa Nda kola yaga kandi ga u voye, kigira u nyoye liverererwa imbiri wange, na nda ku manya lieta lilyo.

Isaya 45:4

Kigira Yakobo mutumekiri wange, kandi kigira Israeli mutovole wange, nku langi ku lieta lilyo: nku guliki lieta lilyo, kali ive u kikiri kumanya inze.

Matayo 27:46

Lwa yenya kuduka isaa yetsitanu na tsine, Yesu ya hanzuka nomwoyo munene, na a vola, Eli Eli, lama sabakithani? Ii veye kuvola, Nyasaye wange, Nyasaye wange, kigira ki u ndeki?

Luka 1:11

Ingelosi wo Mwami ya loleka kuye u singiye ku luvega lwomukono mulungi gwo bwali bwe kimuli.

Luka 2:13

Nonoho ndi va li ho halala nengelosi kiduma kyelihe lya igulu, vidzominya Nyasaye, ni va vola.

Vikolwa 10:17

Petro lwa ya ganagana munonono mu mwoyo gwigwe kivune kyamaloto ga ya lola, ni kindu ki henza avandu yavo ava Kornilyo ya tuma, va mala kuteva inyumba ya Simoni, va singira ha kiribwa,

Vikolwa 10:19

Kandi Petro lwa ya ganagana maloto, Roho ya mu volera, Henza, avandu vavaka va kwenya.

Vikolwa 10:30

Kornilyo ya mu tivulira, Nda li ni nsaala mu inyumba yange, isaa i kola tsitanu na tsine, kutwula inyinga yeyo lero ni kane, henza, mundu ya singira imbiri wange wiviki tsingubo tsing'ereng'anu,

Vikolwa 10:9

Mugamba lwa va li mu lugendo lwavo, va li venya kuduka mu lidala, Petro ya nina ku inyurnba igulu a saale, kuli isaa i kola tsitanu na indala.

Vikolwa 11:13

kandi ya ku volera kuli wa ya lola ingelosi na a singiye mu inyumba yeye, na a mu volera, U tume avandu va tsie Yopa, va lange Simoni welieta lindi Petro;

Vikolwa 27:23

Kigira ubudiku yibu lero ya li ninze a himbi ingelosi wa Nyasaye, wa inze mbeye mundu wewe kandi wa ntumekira,

Vikolwa 3:1

Petro na Yohana va li ni vanegira kutsia mu litempeli inyinga yokusaala, isaa i kola tsitanu na tsine.

Vikolwa 5:19

navutswa ingelosi wo Mwami yigula kiliango kyenyumba yava hambe ubudiku, na a va twulidza, na a vola,

Vikolwa 9:10

Ya li yo mu Damasko mwegidzwi mulala wa langwa Anania. Na Mwami ya mu volera mu maloto, Anania. Naye ya bugira, Yo, mbeye hano, Mwami.

Vikolwa 9:4

na a gwa hasi na a hulira mwoyo gu mu volera, Saulo, Saulo, kigira ki u ndambidza?

Vahebraina 1:14

Yavo vosi si va veye roho gyobutumwa, gyi tumangwa gyi duke kutumekira yava ava li lia miyandu gyobuhonnyi?

Vahebraina 1:4

wa gwa munene kuvita tsingelosi, kigira ne miyandu ya nyola lieta lya vita lyavo.