Vikolwa 10:2 - KITABU KITAKATIFU

² ya li mulahi wa tia Nyasaye, halala navenyumba yeye vosi, na a ha avandu tsisadaka tsinyingi, na a saala Nyasaye madiku gosi.

Vikolwa 10:2 ပူးပေါင်းရင်းမြစ်များ

Litanga 18:19

Kigira inze mmu manyi, kuduka a lage avana veve nevenyumba yeye inyima wewe, va duke kugumira inzira ya Yahova, kukola ubulungi nelikalaga lilungi; Yahova a duke kuleta ku Abrahamu aga ya vola kuye.

1 Avami 8:43

u hulire migulu hobumenyo bu bwo, nokukola kuli vyosi vya a ku saala, mugeni uyu, avandu velirova lyosi va duke kumanya lieta lilyo, kutia ive, kuli avandu vovo Israeli va ku tidzanga, kandi va manye inyumba yiyi ya nda kwombakira i langwa lieta lilyo kuyo.

2 Kyetsinyinga 6:33

u hulire yaho mwigulu, ha bu menyi bubwo, na u kole kuli yosi ya mmenya a ku saalanga; kuduka ava ndu vosi ava veye ku lirova va manye lieta lilyo, nokutia ive, kuli avandu vovo Israeli va ku tidzanga, na inyu mba ya ndombaka yiyi va gi manye i langangwa lieta lilyo kuyo.

Ayubu 1:1

Ya li ho mundu mu kivala kya Uzu, wa langwa Ayubu; mundu uyu ya li mudukiru nomulungi, ya li mulala wa tia Nyasaye, nokwavukana nobudamano.

Ayubu 1:5

Na ga duka, lwa madiku gelilia lyavo ga kung'ana, Ayubu ya tuma nokuvatakasa, na a vuka mugamba tsuri, na a haana vihaanwa vyoku sambwa kuli livalidzwa lyavo vosi: kigira Ayubu ya vola, Namusya avana vange va koli ubwoni, nokunyega Nyasaye mmyoyo gyavo. Ayubu ya kola ndiyo kazozo.

Zaburi 102:15

Kunangwa avetsihiri va la tia lieta lya Yahova, Na avami vosi avelirova ra la tia ubukumi bubwo.

Zaburi 119:2

Va veye nobugasu yavo ava gumiranga lilolekidza lilye, Yavo ava mwenyanga nomwoyo gwosi.

Zaburi 25:5

U nzimirire mu ageligali gogo, na u nzegidze; Kigira u veye Nyasaye wobukonyi bwange; Nindirira ive mbasu pei.

Zaburi 41:1

A veye nobugasu uyu widzuli tsanga avadaka: Yahova a la mu honnya mu lidiku lyekivi.

Zaburi 55:17

Mgolova na mugamba na mbasu hagati, nda lira, na nda kenya; Naye a la hulira mwoyo gwange.

Zaburi 86:3

U mbere tsimbabasi, O Mwami; Kigira nzanira ive lidiku lyosi bei.

Zaburi 88:1

O Yahova, Nyasaye wobuhonnyi bwange, Nzaniye imbiri wowo mbasu no budiku

Kohelethu 7:18

Nobu lahi u gumire likuva yili; yee, u ta twulidza mukono gugwo ku likuva yili: kigira uyu u tidzanga Nyasaye a la twula mu yaga gosi.

Isaya 59:19

Ni ndiyo va li tia lieta lya Yahova kutwula madioli, nobukumi bwibwe kutwula butwuliru bweliuva; kigira lwa uyu musigu a ladza kuli mugera gwamadzi gwizuye, Roho wa Yahova a la singeridza ibendera kuye.

Danyeli 6:10

Na lwa Danyeli ya manya mang'oda ga vikeywi lieta, ya tsia mu inyumba yeye (nu u manyi madirisha gege ga li malamu mu inyumba yeye kuhenza ku luvega lwa Yerusalemi); naye y a sigama hali kavaka ku lidiku, na a saala, na a santidza imbiri wa Nyasaye wewe, kuli wa ya kolanga ku matsyambiri.

Danyeli 6:16

Ma mwami ya haana munwa, ni va leta Danyeli, ni va mu ta mu luhangaywa lweving'ang'a, Ma rnwami ya moloma na volera Danyeli, Nyasaye wowo wa u tumekiranga kazozo, a la ku honnya.

Danyeli 6:20

Na lwa yisunda himbi ha luhangaywa lwa Danyeli ya li mu, ya hanzuka nomwoyo gwobuvereri; mwami ya moloma na a volera Danyeli, O Danyeli, mutumekiri wa Nyasaye u veye mwoyo, Nyasaye wowo, wa u tumekira kazozo, a nyala kukuhonnya u twule mu ving'ang'a?

Danyeli 6:26

Inze mbaana munwa, mu bwami bwange bwosi, avandu va degere nokutia imbiri wa Nyasaye wa Danyeli; kigira a veye Nyasaye u veye mwoyo, na a hindi ranga mihiga nemihiga, na ubwami bwibwe nibwo bu li vula kudividzwa; na ubwami bu la menya kuduka ku kiheri:

Matayo 25:17

Kandi ndiyo uyo wa hebwa viviri ya nyola vindi viviri.

Luka 18:1

Ya va kupa lugano va duke kulola nu bulahi va saala tsinyinga tsyosi, va ta luha mba;

Luka 2:25

Henza, ya li ho mu Yerusalemi mundu, wa langwa lieta lilye Simeoni; mundu uyu ya li mulungi wa tia Nyasaye, wa linda lihodzeridzwa lya Israeli: kandi Roho Mutakatifu ya li kuye.

Vikolwa 10:22

Ni va vola, Kornilyo, munyampara, mundu mulungi, wa tia Nyasaye, kandi u veye nelidzominywa ku ihiri yosi ya Vayuda, wa Nyasaye ya mannya nengelosi mutakatifu a tume kulanga ive u tsie mu inyumba yeye, a duke kuhulira amakuva ku ive.

Vikolwa 10:31

naye ya mbolera, Kornilyo, lisaala lilyo li hulirwa, netsisadaka tsitsyo tsidzulitswa imbiri wa Nyasaye.

Vikolwa 10:35

navutswa mu tsihiri tsyosi wa mu tia na a kola bulungi a mu bugirira.

Vikolwa 10:4

Naye ya mwumika tsimoni tsitsye na a tia na a vola, Ni kindu ki, Mwamii Na a mu volera, Lisaala lilyo netsisadaka tsitsyo vi duki igulu vi ve kyokwidzulitsa imbiri wa Nyasaye.

Vikolwa 10:7

Ingelosi wa volerana naye lwa ya mala kutsia, ya langa avatumekiri veve vaviri venyumba nomusikari mulala wa tia Nyasaye, kuvo va mu linda kazozo

Vikolwa 11:14

a la ku volera amakuva ga la ku honnya ive navenyumba yoyo vosi.

Vikolwa 13:16

Paulo ya singira na a va sima nomukono na a vola. Avasatsa va Israeli, na mwinye ava tia Nyasaye, mu huliridze:

Vikolwa 13:26

Mwinye avamitu, avana velikula lya Abrahamu, navo ku mwinye ava tia Nyasaye, likuva lyobuhonnyi yibu li letwa ku kwinye.

Vikolwa 13:50

Navutswa Avayuda va gemehidza avakali ava tia Nyasaye navalahi, kandi avasatsa avanene velidala, na va vukidza lidambidza ku Paulo na Baranaba ni va va kunga mu tsinzako tsyavo.

Vikolwa 18:8

Kandi Krispo, munene welisomero, ya suuvira Mwami, halala navenyumba yeye vosi; kandi avanyingi ku Vakorintho va hulira ni va suuvira, ni va batidzwa.

Vikolwa 2:5

Ha li ho Vayuda ava tia Nyasaye, va menya mu Yerusalemi, va twula mu tsihiri tsyosi isi weligulu.

Vikolwa 22:12

Kandi mulala u la ngwa Anania, wa tia Nyasaye kuli lilaga, wa Vayuda vosi va menya yo, va lolekidza kuva mulahi,

Vikolwa 8:2

Avandu avatia Nyasaye va ta Stefano, ni va mu lirira neliverera linene.

Vikolwa 9:11

Na Mwami ya mu volera, Vuka, u tsie ku inzira i langwa Inungi; u teve mulala u langwa Saulo wa Tariso, mu inyumba ya Yuda: kigira a saala;

Vikolwa 9:31

Kunangwa mavugana mu Buyuda, na Galilaya, na Samaria ga li nemirembe ni lyombakwa; ni ga genda mu butii bwo Mwami, nomu lileminywa lya Roho Mutakatifu, ni li dasika.

Vikolwa 9:36

Ya li mu Yopa mwegidzwi mulala wa langwa Tabitha, ligirunkanywa lyalyo ni Dorkasi, naho Kisusu: mukali uyu ya li ni yizula miyinzi milahi na gyetsimbabasi ya kola halala nokukonya vadaka.

Vakolosai 4:2

Mu menye ligali mu lisaala mu hongere mulyo nomu lisantidza,

1 Vatesalonike 5:17

mu saale Nyasaye bugira kuleka;

Yakobo 1:5

Navutswa mulala ku mwinye na a va na a daki ubugeeri, a saale Nyasaye, u hedzanga avandu vosi nobuhaani kandi si a vunzulanga: naye a la hebwa.

Joshua 24:15

Litumekira Yahova ni li va ni li loleka kuva ku mwinye lidamano, mu tovole lero wa mu tumekira; ni va va ni va veye avanyasaye va vaguga venyu va tumekira lwa va li engereka va Mugera, kinga ni va va avanyasaye va Vaamori, ava mu menya mkivala kyavo: navutswa inze nenyumba yange, ku la tumekira Yahova.

Likunula 15:4

Ibwaha u vula kutia, O Mwami, nokwidzominya lieta lilyo? Kigira ive u veye mutakatifu weng'ine; kigira tsihiri tsyosi tsi ladza nokusigama imbiri wowo; kigira vikolwa vivyo vilungi vi lang'aminyeywi.