Vikolwa 1:8 - KITABU KITAKATIFU

⁸ Navutswa mwinye mu la nyola tsingulu lwa Roho Mutakatifu a lidza ku mwinye: mu la va avalolekidzi vange mu Yerusalemi, kandi mu Buyuda bwosi kandi mu Samaria, kandi kuduka ku kiheri kyelirova.

Vikolwa 1:8 ပူးပေါင်းရင်းမြစ်များ

Zaburi 22:27

Viheri vyosi vyelirova vi lidzulitsa nokwirana ku Yahova; Kandi avetsinyumba tsyetsihiri tsyosi va la sigama imbiri wowo.

Zaburi 98:3

Yidzulitsi tsimbabasi tsitsye na ubusuuvirifu bwibwe ku inyumba ya Israeli: Tsindulu tsyosi tsyelirova tsi loli ubuhonnyi bwa Nyasaye wetu.

Isaya 42:10

Mwimbire Yahova lwimbu luhya, mwimbe lidzominywa lilye ku twula ku kiheri kyelirova; mwinye ava sulungutanga mu inyanza, na vyosi vi veye muyo, visulu, na vosi avamenyi muvyo.

Isaya 49:6

yee, a vola, I veye inkuva inyangu ku ive u duke kuva mutumekiri wange kuvukidza tsihiri tsya Yakobo, nokwirannya avalindwa va Israeli: nda haana ive u ve ubulavu bwetsihiri, u duke kuva ubuhonnyi bwange kuduka ku tsindulu tsyelirova.

Isaya 52:10

Yahova u vimbuye mukono gwigwe mutakatifu imbiri wetsimoni tsyetsihiri tsyosi; na tsindulu tsyosi tsyelirova tsi la lola ubuhonnyi bwa Nyasaye wetu.

Isaya 66:19

Nda vika kilolekidzu hagati havo na yavo va li hona mu avandu yavo nda va twulidza va tsie mu tsihiri, Tarshishi, na Puli, na Ludi, ava tumekiranga ubuta, na Tubali, na Javan, ku visulu vyehale ligali, vi kikiri kuhulira lidzominywa lyange, kinga kulola ubukumi bwange; va la landidza ubukumi bwange mu tsihiri.

Jeremia 16:19

O Yahova, tsingulu tsyange, impinga yange, na kyokwivisa mu kyange ku lidiku lyekivi, tsihiri tsi ladza ku ive kutwula ku tsintulu tsyelirova, na va la vola, Avaguga vetu si va nyola kindu mu miyandu navutswa ububehi bweng'ine, aga vutswa na vindu vi ta konya kindu.

Mika 3:8

Navutswa ku inze, ligali nzizuye tsingulu tsya Roho wa Yahova, nelikalaga, nobunyali, kwilwadzira Yakobo mahyolo gege, na Israeli ubwoni bwibwe.

Zekaria 4:6

Ma ya ntivulira, nokumbolera, na a vola, Yili ni likuva lya Yahova ku Zerubabeli, kuvola, Si ga veye kigira ubunyali, kinga kigira tsingulu, navutswa ga veye kigira Roho wange, Yahova wa mahe a vola.

Matayo 24:14

Kandi amakuva malahi yaga gobwami ga lilwadzwa mu lirova lyosi ga ve kilolekidzu ku tsihiri tsyosi; ma kiheri ki la duka.

Matayo 28:19

Kigira yaga mu tsie kukola avegidzwi ku tsihiri tsyosi, mu va batidze mu lieta lya Dada, nomu lyo Mwana, nomu Iva Roho Mtakatifu:

Marko 16:15

Ya va volera Gendi mu tsie mu lirova lyosi mwilwadze ivangeli ku vandu vosi.

Luka 1:35

Ingelosi ya tivula, na a mu volera, Roho Muta katifu a ladza ku ive, netsingulu tsya Uveye Igulu Ligali tsi la ku kinga kigira yaga Kitakatifu yikyo ki livulwa ku ive ki la langwa Mwana wa Nyasaye.

Luka 10:19

Henza, mmali kumuha tsingulu kuduvaga tsinzoka neng'e, kandi ku tsingulu tsyosi tsyomusigu: kandi si ha li nekindu ki li mwononnya kali hakuzu.

Luka 24:29

Va mu saala, ni va vola, U gona nekwinye; kigira i veye himbi ku mwama, kandi mbasu gu mali kuvita. Naye yingira na a gona yo.

Yohana 15:27

kandi mwinye mu la lolekidza, kigira mwinye mwa li halala ninze kutwula mu litanga.

Vikolwa 1:22

kutwula ku libatidza lya Yohana, kuduka inyinga ya yingiridzwa migulu kutwula ku kwinye nu bulahi mulala a veye mulolekidzi welisimuguka lilye, halala na kwinye

Vikolwa 1:5

kigira Yohana ya batidza na madzi; navutswa mwinye mu la batidzwa mu Roho Mutakatifu inyima ya madiku makekeke.

Vikolwa 13:31

naye ya loleka madiku manyingi ku yava avanegira kutsia Yerusalemi halala naye kutwula Galilaya, yava nivo avalolekidzi veve imbiri wavandu kalunu.

Vikolwa 2:32

Yesu uyu, Nyasaye ya mu simugukidza, kandi, ku yili kwinye kwosi ku veye avalolekidzi.

Vikolwa 22:15

Kigira u la va mulolekidzi wewe ku vandu vosi wevindu yivyo vya wa lola na vya wa hulira.

Vikolwa 3:15

kandi mwiita Munene welivamwoyo; wa Nyasaye ya simugukidza mu vakudzi; kwinye ku veye avaloli ku yaga.

Vikolwa 4:33

Navatumwa va twulidza netsingulu tsinene lilolekidza lyavo lyelisimuguka lyo Mwami Yesu: kandi tsimbabasi tsinene tsya li kuvo vosi.

Vikolwa 5:32

Kandi kwinye ku veye avaloli vamakuva yaga; kandi ndiyo Roho Mutakatifu, wa Nyasaye a mali kuha ava mu hulira.

Vikolwa 6:8

Stefano ya li ni yizula netsimbabasi netsingulu, ya kola vyokugenya nevilolekidzu vinene mu vandu.

Vikolwa 8:1

Tsindolo. Kandi Saulo ya bugirira likudza lilye. Ku lidiku yilyo lidambidzwa linene lya duka ku livugana lya li mu Yerusalemi; navo va salanywa vosi mu kivala kye Buyuda nekya Samaria, bugira avatumwa.

Varumi 10:18

Navutswa nteva, Si va hulira? Yee, ligali, Lwanga lwavo lwa twula nokuduka mu lirova lyosi, Kandi amakuva gavo ga duka ku tsindulu tsyelirova.

Varumi 15:19

mu tsingulu tsyevilolekidzu nevyokugenya, mu tsingulu tsya Roho Mutakatifu; kuduka kutwula Yerusalemi, netsimbega tsyosi kuduka Iluriko, nzilwadzi ivangeli ya Kristo ligali;

Vakolosai 1:23

ni mu va ni mu menya mu lisuuvira, nokuvikwa muse kuli vikongo, nokuva nobwidinyiridzi, kandi mu ta girunkanywa mu myoyo kuleka lisuuviridzwa lyevangeli lya mwa hulira, yilwadzwa mu vilombe vyosi vi veye musi mweligulu; ya inze Paulo nda kolwa mutumwa.