Vikolwa 1:24 - KITABU KITAKATIFU

²⁴ Kandi va saala ni va vola, Ive, Mwami, u manya myoyo gyavandu vosi, u ku mannye wa u tovoye ku vandu vaviri yava,

Vikolwa 1:24 ပူးပေါင်းရင်းမြစ်များ

1 Avami 8:39

ma u hulire mi gulu ha bumenyo bubwo, u samehe, nokukola, nokutunga sa mulala kuli tsinzira tsitsye tsyosi, wa u manya mwoyo gwigwe; (kigira ni ive, ive weng'ine, u manyanga myoyo gya vandu vosi;)

1 Kyetsinyinga 28:9

Na ive, Solomoni mwana wange, u manye Nyasaye wa dada wowo, na u mu tumekire nomwoyo mudukiru, nomwoyo gwobulaliri; kigira Yahova yideranga myoyo gyosi, na a manyeri dzanga tsiganagani tsyosi tsyeligana gana. Nu u va nu u mwenya, a la loleka ku ive: navutswa nu u mu leka, a la ku syuva mihiga nemihiga.

1 Kyetsinyinga 29:17

Inze manya, O Nyasaye wange, ive u geridzanag mwoyo yigwo, na u sangaliranga ubulungi. Na mze, kigira bulungi bwomwoyo gwange mali kuhaana vindu yivi vyosi nomwoyo gwobulaliri: na kalunu ndoli nobusangali avandu vovo, ava veye hano, navo va haananga ku ive nomwoyo gwobulaliri.

Zaburi 44:21

Nkano Nyasaye si a lidera inkuva yiyi? Kigira a manya viviswa vyomwoyo.

Zaburi 7:9

Ubudamano bwa avadamano bu heridzwe, navutswa u dinyeridze avalungi: Kigira Nyasaye mulungi a geridza tsiganagani na myoyo.

Tsing'ano 15:11

Kihadisi na ubwoneku vi veye imbiri wa Yahova: Nasindi myoyo gyavana va avandu

Jeremia 11:20

Navutswa, O Yahova wa mahe, ive u kalaganga bulungi, ive u geridzanga kikenge nomwoyo, u mbe kulola kisalya kikyo kuvo: kigira nang'aminye likuva lyange ku ive.

Jeremia 17:10

Inze, Yahova nzidera mwoyo, ngeridza kikenge, nduke kuha sa mulala kuli tsinzira tsitsye, kuli amakuyu gelikola lilye.

Jeremia 20:12

Navutswa, O Yahova wa mahe, u geridzanga avalungi, u lolanga kikenge nomwoyo, u mbe ndole kisalya kikyo kuvo; kigira nda vuulira ive makuva gange.

Livalidza 27:16

Yahova, Nyasaye wemyoyo gyavandu vosi, a tovole mundu a ve munene welivugana,

Luka 16:15

Naye ya va volera, Mwinye mu veye avehedza ubulungi imbiri wavandu; navutswa Nyasaye a manya myoyo gyenyu: kigira kya vandu vidzominya ki veye kidamano ligali imbiri wa Nyasaye.

Yohana 21:17

Ya mu volera hali kavaka, Simoni wa Jona, U nyanza? Petro ya verera kigira ya mu teva hali kavaka, U nyanza? Ya mu volera, Mwami, ive u manya vindu vyosi; u manya nku yanza. Yesu ya mu volera, U lagiridze amagondi gange.

Vikolwa 14:23

Navo lwa va mala kuvika avakulundu mu mavugana gosi, kandi lwa va saala halala nelihonga lilia, va va vika ku Mwami wa va mala kumsuuvira.

Vikolwa 15:8

Kandi Nyasaye u manya myoyo, ya va lolekidza, na a va ha Roho Mutakatifu kuli ya ha kwinye;

Vikolwa 6:6

ni va va vika imbiri wa vatumwa, navo lwa va mala kusaala Nyasaye va vika mikono gyavo kuvo.

Varumi 8:27

Kandi uyu widera nga mu myoyo a manya tsiganagani tsya Roho, kigira a saalira vatakatifu kuli ubulaliri bwa Nyasaye.

Vahebraina 4:13

Kandi si ha li nekilombe ki ta li habulavu imbiri wewe: navutswa vindu vyosi vi veye kyahonyo nokulang'aminywa imbiri wetsimoni tsya uyu wa ku veye ku namakuva.

Likunula 2:23

Na inze ndiita avana veve nelikudza; kandi mavugano gosi ga la manya inze mbeye uyu u ligulanga mu vikenge nemyoyo: na inze nda ha mundu sa mulala ku mwinye kuli miyinzi gyenyu.

1 Samweli 14:41

Kigira yaga Saulo ya volera Yahova, Nyasaye wa Israeli, U lolekidze agobulungi. Na Jonathan na Saulo va vugulwa nekura; navutswa avandu va hona.

1 Samweli 16:7

Navutswa Yahova ya volera Samweli, U ta henza ligondo lilye, kinga ubutambi bweliduka lilye; kigira inze suye uyu: kigira Yahova si a lola kuli umundu a lola; mundu a henzanga ligondo lyegulu, navutswa Yahova a henzanga mwoyo.