Vikolwa 1:12 - KITABU KITAKATIFU

¹² Kunangwa virana Yerusalemi kutwula mu kigulu kya langwa Mizeituni, kya li himbi ne Yerusalemi, ulugendo lwelidiku lyelisabato.

Vikolwa 1:12 ပူးပေါင်းရင်းမြစ်များ

Zekaria 14:4

Kandi mu lidiku yilyo virenge vivye vi la singira ku kigulu kya Muzeituni, ki henza Yerusalemi ku luvega lwevugwe; kigulu kya Mu zeituni zana ki ladika hagati hakyo, kuhenza ivugwe ne madioli, livona li la va ho linene ligali; na luvega lulala lwekigulu lu la twula kutsia kasikasini, na luvega lundi kutsia kusini.

Matayo 21:1

Lwa va duka himbi ne Yerusalemi, ni va duka Bethfage, mu kigulu kya Mizeituni, hene yaho Yesu ya tuma avegidzwi veve vaviri,

Matayo 24:20

Navutswa mu saale liruka lyenyu li ta va inyinga yobukindu, kandi ku lidiku lyelisabato:

Matayo 24:3

Lwa yikala mu kigulu kya Mizeituni, avegidzwi vadza makiriri, ni va vola U ku volere vindu yivi vi la va inyinga ki? Kandi kilolekidzu kyeliduka lilyo ki la va ndi, kandi kyelihera lyenyinga yiyi?

Matayo 26:30

Lwa va mala kwimba lwimbu, va twula ni va tsia mu kigulu kya Mizeituni

Luka 19:29

Lwa ya duka himbi Bethfage na Betani, mu kigulu kya langwa Mizeituni, ya tuma avegidzwi vaviri,

Luka 21:37

Madiku gosi mbasu ya li ni yegidza mu litempeli; namadiku gosi ubudiku ya twula na a tsia kugona mu kigulu kya langwa Mizeituni.

Luka 24:50

Yimira na a tsia navo kuduka himbi Betani, kandi ya ginga makono gege na a va gasidza.

Luka 24:52

Navo va mu sigamira, ni virana Yerusalemi nobuyanzi ubunene:

Yohana 11:18

Betani lya li himbi ne Yerusalemi, mbula tsimaili tsiviri;