Vikolwa 1:11 - KITABU KITAKATIFU

¹¹ ni va va volera, Mwinye avandu ve Galilaya, kigira ki mu singira mu henza migulu? Yesu uyu wingeridzeywi migulu kutwula ku mwinye, a lirana kandi kuli mwinye mu mu loli na a tsia migulu.

Vikolwa 1:11 ပူးပေါင်းရင်းမြစ်များ

Matayo 16:27

Kigira Mwana wa Adamu a la kadze nobukumi bwa Ise wewe halala netsingelosi veve; hene yaho a la ha vandu vosi kuli wa va kola.

Matayo 16:28

Ligali mmu volera, Avalala kuvo avasingira hano si va li lola likudza ligali, va kikiri kulola Mwana wa Adamu ni yadza mu bwami bwibwe.

Matayo 24:30

kunangwaheneyaho ki la lolekana migulu kilolekidzu kyo Mwana wa Adamu: ma tsihiri tsyosi tsyelirova tsi la lira, kandi va la lola Mwana wa Adamu yadza ku malesi gegulu netsingulu nobukumi bunene.

Matayo 25:31

Navutswa inyinga Mwana wa Adamu a lidza mu bukumi bwibwe, netsingelosi vosi halala naye, hene yaho a likala ku intebe yobukumi bwibwe.

Marko 13:26

Hene yaho va la lola Mwana wa Adamu ni yadza mu malesi netsingulu tsinene nobukumi.

Marko 14:70

Navutswa yambakana kandi. Inyima hakekeke ava singira himbi va volera Petro, Ligali ive nu mulala kuvo; kigira ive u veye Mugalilaya.

Marko 16:19

Ni ndiyo Mwami Yesu, lwa ya mala kuvolerana navo, yingiridzwa migulu ni yikala ha mukono mulungi gwa Nyasaye.

Luka 21:27

Hene yaho va la lola Mwana wa Adamu yadzira mu lilesi netsingulu nobukumi bunene.

Luka 24:5

lwa va tia ni vinaminya mitwe gyavo ni va kupa tsimoni hasi, va va volera, Kigira ki mwinye mwenya mu vakudzi, u veye mwoyo?

Yohana 14:3

Kandi ni mba ni ntsia kumulombera ubugono, nzidza kandi, kandi nda mwingiridza inze mwene; ha mbeye inze, mwinye kandi mu ve ho.

Vikolwa 1:2

kuduka ku lidiku lya yingiridzwa migulu, inyima ya ya mala kuheera avatumwa ava ya tovola, lilaga ku Roho Mutakatifu.

Vikolwa 1:22

kutwula ku libatidza lya Yohana, kuduka inyinga ya yingiridzwa migulu kutwula ku kwinye nu bulahi mulala a veye mulolekidzi welisimuguka lilye, halala na kwinye

Vikolwa 1:9

Kandi lwa ya mala kuvola yaga inyinga ya va henza, ya gingwa igulu: nelilesi lya mu vugula ni li mu twulidza mu tsimoni tsyavo.

Vikolwa 13:31

naye ya loleka madiku manyingi ku yava avanegira kutsia Yerusalemi halala naye kutwula Galilaya, yava nivo avalolekidzi veve imbiri wavandu kalunu.

Vikolwa 2:7

Kandi va huga nokugenya vosi, ni va vola, Henzi, yava vosi ava vola si va veye Vagalilaya?

Vikolwa 3:12

Petro lwa ya lola ya tivulira avandu, Mwinye avandu va Israeli, kigira ki mu genyira ku mundu uyu? Kandi kigira ki mu kwumika, kuli kwinye, netsingulu tsyetu naho nobutakatifu bwetu kwa mu kola a gende?

Vikolwa 3:21

wa ga dukira ligulu kumuvugula kuduka ku tsinyinga tsyokwirannya vindu vyosi, vya Nyasaye ya volera mu minwa gyavaprofeti veve vatakatifu kutwula kale.

1 Vatesalonike 1:10

no kulindirira Mwana wewe kutwula migulu wa ya simugukidza kutwula mu vakudzu naye ni Yesu, u honnya kwinye mu butima buudzanga.

1 Vatesalonike 4:16

Kigira Mwami mwene a liika kutwula migulu nomwoyo munene, kandi nomwoyo gwengelosi munene kandi nogwekisiliva kya Nyasaye, na yavo va kudza mu Kristo va la simuguka imbiri;

Vahebraina 9:28

kandi ndiyo Kristo u mali kuhaanwa inyinga indala a duke kuhila ubwoni bwavandu vanyingi, inyinga ya kaviri a la loleka ku yavo ava mu lindirira nobwizamiri, kuduka ku buhonnyi, ni yelehi ubwoni.

Likunula 1:7

Henza, yadza mu malesi; kandi tsimoni tsyosi tsi la mu lola, kandi ava mu tumita; kandi tsihiri tsyosi tsyelirova tsi la lira kuye. Yee, Amini.