Vakalagi 9:53 - KITABU KITAKATIFU

⁵³ Nomukali mulala ya gulula isyu ku mutwe gwa Abimeleku, na ya tanya kihanga kikye.

Vakalagi 9:53 ပူးပေါင်းရင်းမြစ်များ

2 Samweli 11:21

Ibwaha wa kuya Ahimeleku, mwana wa Jerubeshethu? Si a veye mukali wa sikisa isyu kuye kutwula ku lidigi, kuduka na a kudzira ha Thebezu? Kigira ki mwisunda himbi ku lidigi? Kene yaho u Ia vola, Mutumekiri wowo Uria Muhiti u kudzi kandi.

2 Samweli 20:21

Si ga veye kuli yaga: navutswa umundu mulala wekivala kyevigulu kya Efiraim, wa langwa Sheba mwana wa Bikiri, u gingi mukono gwigwe ku mwami, kali ku Daudi; u twulidze uyu yeng'ine, na nda twula kuleka lidala. Nomukali ya volera Joabu, Henza, mutwe gwigwe gu la sikiswa ku ive igulu welidigi.

Ayubu 31:3

Si vi veye kivi ku yavo ava ta li avalungi, Nobwoneku ku yavo ava kolanga budamano?

Jeremia 49:20

Kigira yaga mu hulire livola lya Yahova, lya ya kola ku Edom; nelisaavira lilye, lya a saaviye ku vamenyanga ha Teman: Ligali va la va twulidza nelikwesa, kali avakekeke vekyayo; ligali a la kola ubumenyo bwavo kuva vyanyi kuvo.

Jeremia 50:45

Kunangwa mu hulire livola lya Yahova, lya ya kola ku Babuloni, nelisaavira lilye lya ya saavira ku kivala kya Vakalidei: Lioali va la va kwesa va tsie navo, kali avakekeke vekyayo; ligali a la kola ubumenyo bwavo kuva vyanyi kuvo.

Vakalagi 4:9

Naye ya vola, Ligali inze nda tsia halala nive; navutswa, ulugenda lwa u tsitsanga ku si lu la ku ha ubukumi; kigira Yahova a la gulidza Sisera nokumuvika mu mukono gwomukali. Kunangwa Debora ya singira na a tsia Kedesh halala na Baraka.

Vakalagi 9:15

Nolutavati lwa volera misala zana, Ni mu va ni mu mbaka maguta mbe mwami ku mwinye ligali, hambi mu suuviri kiriri kyange; ni ga va ni ga ta veye ndiyo, umuliru gu twule mu lutavati, na gu sambe mitaragwa gya Lebanon.

Vakalagi 9:20

navutswa ni ga ta veye ndiyo, kandi ndiyo muliru gu twule mu Abimeleku nokusamba avasatsa va Shekem, nenyumba ya Milo; nomuliru gu twule mu va Shekem, nomunyumba ya Milo, nokusamba Abimeleku.

Vakalagi 9:52

Na Abimeleku yadza ku munara, nokulwana nagwo, na yisunda himbi ha kiliango kyomunara a duke kugusamba nomuliru.