Vakalagi 9:4 - KITABU KITAKATIFU

⁴ Na va mu ha vidonye vyefetha makumi gatano na gaviri vya twula mu inyumba ya Baal-berithu, nakyo Abimeleku ya tunga avandu avoluyai navatamanyi, va mu londe.

Vakalagi 9:4 ပူးပေါင်းရင်းမြစ်များ

2 Samweli 6:20

Hene yaho Daudi yirana a duke kugasidza avandu venyumba yeye. Na Mikali mwana wa Saulo ya twula kwaganira Daudi, na ya vola, Umwami wa Israeli a veye nobukumi kuli ndi lero, ya navula ingubo yeye lero imbiri wetsimoni tsyavakana vatugwa vavatumekiri veve, kuli mulala ku avoluyai yenavulanga bugira tsisoni

2 Kyetsinyinga 13:7

Na va vugana kuye avandi vamakuva ga vutswa, avadamano, vekola netsingulu ku Rehoboam mwana wa Solomoni, lwa Rehoboam ya li mwana muyai nomwoyo mudoto, na si a nyala kuvagaya.

Ayubu 30:8

Va vene avana vavasiru, yee, avana vavadamano; Va kuywa netsinkova va twule mukivala yikyo.

Tsing'ano 12:11

Uyu u limanga mulimi gwigwe a la va nevyokulia vi duka; Navutswa uyu u londanga vandu va vutswa si a veye nelimanya.

Zefania 3:4

Avaprofeti veve va veye avavutswa, na va tumekira ubugadi; avasalisi veve vononnya hatakatifu, va koleye lilaga kirage.

Vikolwa 17:5

Navutswa Avayuda va kendeha, ni va vugula avalala avadamano kuvo ava gunza mu kitu, ni va vugannya kiduma, ni va kola kivihiri mu lidala; kandi va tsia mn inyumba ya Yasoni, ni venya kuvaleta kyova kuvavika mu makono gavandu.

Vakalagi 11:3

Ma Jefetha yiruka avamwavo veve, na ya menya mkivala kya Tobu: navandu avoluyai va tsia kuhambana na Jefetha, ni va samula halala naye.

Vakalagi 8:33

Na ga duka, lwa Gideoni ya kudza, nonoho avana va Israeli va girunkana kandi, nokukola ubuheyi mu lilonda Baal, na va kola Baalberithu a ve nyasaye vavo.

Vakalagi 9:27

Na va samula kutsia mmilimi, na va gera milimi gyavo gya mizabibu, na va mina muzabibu, ni va lomba lidiku linene, kandi vingira munyumba ya munyasaye wavo, ni va lia ni va nwa, nokulaama Abimeleku.

1 Samweli 22:2

Ku vosi wa li mu lidambidzwa, noku vosi va vanzwa magovi, noku vosi wa li nobululu mmwoyo, va vugana yo kuye; na ya duka kuva munyampara kuvo, navo va li halala naye avasatsa va duka kuli avandu tsimia tsine.