Vakalagi 7:22 - KITABU KITAKATIFU

²² Va kupa visiliva tsimia tsivaka, na Yahova ya kola kivavi kyomundu sa mulala kuva ku wakye, noku lihe lyosi: nelihe liruka kuduka Beth-shita ku luvega lwa Zerera, kuduka ku lwako lwa Abelimehola, himbi Tabathu.

Vakalagi 7:22 ပူးပေါင်းရင်းမြစ်များ

1 Avami 19:16

na Jehu mwana wa Nimshi u la mu vaka maguta a ve mwami ku Israeli; na Elisha mwana wa Shafatu wa Abelimehola, u mu vake maguta a ve muprofeti mbugono bubwo.

1 Avami 4:12

Baana mwana wa Ahiludu, mu Taanaka na Megido, na hosi ha Bethshean kya li himbi Zarethan, isi wa Jezireeli, kutwu, la Bethshean kuduka Abelimehola, imbiri wa Jokimeam;

2 Kyetsinyinga 20:23

Kigira avana va Amon, na Moabu va vukira yavo ava menya mu kigulu kya Seiru, kuviita nokuvadividza ligali; na lwa va mala kudividza yavo avamenyi Seiru, va manya ni vekerukana avene sa mulala kudividza wakye.

Zaburi 83:9

U va kolere kuli wa kolera Midiani, Kuli ku Sisera, na kuli ku Jabin ha mugera gwa Kishon;

Isaya 19:2

Na nda vukidza Avaegepeti kuhing'ana na Avaegepeti: na va la lwana sa mulala namwavo wewe, sa mulala na wakye; lidala nelidala, ubwami nobwami.

Isaya 9:3

Ive u medi tsihiri u medi ubusangali bwavo: va sangala imbiri wowo kuli lisangala lyeligesa, kuli lisangala lyavasatsa mu ligavula vilanye.

Isaya 9:4

Kigira ive u mali kuvu nannya inira yomusigo gwigwe, nomu digiru gwomivega lilye, nempimbo ya uyu u dambidzanga, kuli ku lidiku lya Midiani.

Ezekieli 38:21

Na nda langa kivavi kidze mu vigulu vyange vyosi ku uyu, Mwami Nyasaye a vola: mundu sa mulala kivavi kikye ki la va ku avamwavo veve.

Habakuk 3:14

Wa hudula mitwe gya valuviriri veve nevisala vivye mwene: Vadza kuli kihudzudzi kusalannya inze; Liyanza lyavo lya li kuli kulia avadaka makiriri.

Haggai 2:22

na nda tung'aminya intebe yobwami, na nda dividza tsingulu tsyobwami bwetsihiri; na nda tung'aminya magari gobulwani, na yava avavikaye mugo; netsiparasi, na yava va ninanga kutsyo va la gwa hasi, sa mulala ku kivavi kyamwavo wewe.

Zekaria 14:13

Na ga la duka ku lidiku yilyo, kivi ki twula ku Yahova ki la va hagati havo; navo va la gumirana mukono sa mulaia no wakye, kandi sa mulala mukono gwigwe gu la gingwa igulu ku mukono gwo wakye.

2 Vakorintho 4:7

Navutswa ku veye na akiba yiyi mu viju vyobudohi, tsingulu tsinene ligali tsi duke kutwula ku Nyasaye, si tsi twula ku kwinye avene;

Joshua 3:16

hene yaho amadzi gikanga kutwula ku luvega lwolugulu ga singira, na ga diguluka na ga gwa kitumi ihale ligali, kuduka ha Adam, lidala li veye himbi Zarethan; na amadzi ga sulunguta kutsia ku luvega lwenyanza yekereremu, inyanza yo Munyu, ga kalika ligali: na avandu yavo vambuka kulungika Yeriko.

Joshua 6:16

Na ga duka kuva hali gatano na gaviri, lwa avasalisi va kupa visiliva Joshua ya volera avandu, Mu kupe luku; kigira Yahova u mali ku mu ha lidala yilyo.

Joshua 6:20

Kunangwa avandu va kupa luku, na auasalisi va kupa visiliva: ma ga duka, lwa avandu yava va hulira mwoyo gwevisiliva, hene yaho avandu va kupa luku nomwoyo munene ligali, lugaga lwelidala lwa gwa hasi ligali, kuduka avandu vanegira ni vingira mu lidala, mundu sa mulala ku lungika imbiri wewe, na va vugula lidala.

Joshua 6:4

Kandi avasalisi vatano na vaviri va la ginga visiliva vitano na viviri vyetsinziga tsyamagondi makole imbiri welisanduku: lidiku li kola gatano na gaviri mu la kumberidza lidala hali gatano na kaviri, na avasalisi va la kupa visiliva.

1 Samweli 18:19

Navutswa ga duka inyinga ya Meraba, mukana wa Saulo, yenya kuhebwa Daudi, Meraba ya kwebwa ku Adirieli Mumeholathu kuva mukali wewe.