Vakalagi 7:20 - KITABU KITAKATIFU

²⁰ Na viduma vivaka vya kupa visiliva, nokwatannya tsinyingu, ni va gumira viyai mmakono gavo mamosi, nevisiliva mmakono gavo malungi va duke kuvikupa, na va hanzuka, ni va vola, Kivavi kya Yahova nekya Gideon.

Vakalagi 7:20 ပူးပေါင်းရင်းမြစ်များ

Isaya 27:13

Na ga la va mu lidiku yilyo, kisiliva kinene ki la kupwa; navo vetegeka kudiva mu kivala kya Asuria va ladza, na yavo ava kungwa mu kivala kya Egepeti; na va la sigamira Yahova mu kigulu kitakatifu ha Yerusalemi.

Jeremia 47:6

O ive kivavi kya Yahova, u la va na madiku ganga u luhe u sose? Wevike ive mwene mu Iwula: u sose, wehodzeridze.

1 Vakorintho 15:52

nonoho, kuli li vunavuna lyemoni, lwa ki li kupwa kisiliva kyekiheri: kigira kisiliva ki langirira, navakudzu va la simugukidzwa va ta li nobwoneku, na kwinye ku la girunkanywa.

2 Vakorintho 4:7

Navutswa ku veye na akiba yiyi mu viju vyobudohi, tsingulu tsinene ligali tsi duke kutwula ku Nyasaye, si tsi twula ku kwinye avene;

1 Vatesalonike 4:16

Kigira Mwami mwene a liika kutwula migulu nomwoyo munene, kandi nomwoyo gwengelosi munene kandi nogwekisiliva kya Nyasaye, na yavo va kudza mu Kristo va la simuguka imbiri;

Vahebraina 11:4

Ku lisuuvira Habili ya letera Nyasaye kisyuviriru kilahi kuvita kya Kaini, kya ya lolekidzirwa ku, ya li mulungi, Nyasaye ya lolekidza ku vihaanwa vivye: kulyo kali ni ya kudza, a ki vola.

Joshua 6:16

Na ga duka kuva hali gatano na gaviri, lwa avasalisi va kupa visiliva Joshua ya volera avandu, Mu kupe luku; kigira Yahova u mali ku mu ha lidala yilyo.

Joshua 6:20

Kunangwa avandu va kupa luku, na auasalisi va kupa visiliva: ma ga duka, lwa avandu yava va hulira mwoyo gwevisiliva, hene yaho avandu va kupa luku nomwoyo munene ligali, lugaga lwelidala lwa gwa hasi ligali, kuduka avandu vanegira ni vingira mu lidala, mundu sa mulala ku lungika imbiri wewe, na va vugula lidala.

Joshua 6:4

Kandi avasalisi vatano na vaviri va la ginga visiliva vitano na viviri vyetsinziga tsyamagondi makole imbiri welisanduku: lidiku li kola gatano na gaviri mu la kumberidza lidala hali gatano na kaviri, na avasalisi va la kupa visiliva.

2 Petro 1:15

Yee, nda kola ubugulu mwinye kazozo, inyima yelitsia lyange, mu duke kwidzulira vindu yivi.

Vakalagi 7:19

Kunangwa Gideoni, navandu mia va li halala naye, va duka ku kiheri kya hokusosa mu litanga lyobulindi bwa hagati ho budiku, lwa va tanga kugirunkannya bulindi: na va kupa visiliva, ni va tannya tsinyingu tsya li mmakono gavo.

Vakalagi 7:21

Na va singira sa mulala ha bugono hehe kukumberidza hokusosa hosi; nelihe lyosi liruka; navo va kupa luku, ni va va kunga.

1 Samweli 11:11

Kunangwa mugamba, Saulo ya gavula avandu viduma vivaka; na vingira hagati hamahema mu bulindi bwomugamba, na va kuya Vaamon kuduka inyinga yombasu gwa lula: na ga duka, yavo va tigala va salanywa, ga luha ga duka vaviri si va tigala halala mba.