Vakalagi 7:13 - KITABU KITAKATIFU

¹³ Kunangwa lwa Gideoni ya duka ha zana, henza, mundu mulala ya li ho wa volera wakye amakuva gamaloto ga ya lota; na ya vola, Henza, ndoli liloto; henza, ubukima bukekeke bwashairi bwa gwa mu hokusosa ha Midiani, ni bu duka ku lihema, ni bu li duya ni li gwa, ni bu li tung'aminya kuduka lihema ni li gona magalama.

Vakalagi 7:13 ပူးပေါင်းရင်းမြစ်များ

1 Vakorintho 1:27

navutswa Nyasaye ya tovola vindu vyobusiru ku vyelirova, a duke kulegannya avageeri, kandi Nyasaye ya tovola vindu videdekere ku vyelirova a duke kulegannya vindu vyetsingulu;

Vakalagi 3:15

Navutswa lwa avana va Israeli vanira Yahova, Yahova ya va singeridzira muhonyi, naye ya li Ehudu mwana wa Gera, Mubenjamini, mundu ummosi. Navana va Israeli va hila bushutu ku Egilon mwami wa Moabu, mmukono gwa Ehudu.

Vakalagi 3:31

Na inyima wa uyu ya li ho Shamigari, mwana wa Anathu, naye ya kuya ku Vafilisiti avandu tsimia tsitano na indala na makangu getsing'ombe, naye kandi ya honnya Israeli.

Vakalagi 4:21

Hene yaho Jaeli, mukali wa Heberi, ya vugula kivambo kilala, na a vugula inyundu mmukono gwigwe, na ya tsia kuye galaha, na ya mu kupira kivambo zana mu lunyanyiru, nahyo kya vita buvu ni kingira hasi; kigira ya li mu tsindolo tsinene kigira ya luha; ma ya kudza.

Vakalagi 4:9

Naye ya vola, Ligali inze nda tsia halala nive; navutswa, ulugenda lwa u tsitsanga ku si lu la ku ha ubukumi; kigira Yahova a la gulidza Sisera nokumuvika mu mukono gwomukali. Kunangwa Debora ya singira na a tsia Kedesh halala na Baraka.

Vakalagi 6:15

Naye ya mu volera, O, Mwami, inze nda honnya Israeli nekindu ki? Henza, aviko vange va veye avadaka ligali mu Manase, na inze mbeye mukekeke mu inyumba ya dada wange.

Vakalagi 7:12

Ma Vamidiani na Vaamaleki navana vesi vevugwi ava gona mwivona kuli tsisigi tsinyingi; netsing'amia tsyavo tsya vula kuvalika, kuli umuyeke gu veye ku luginga lwenyanza tsinyingi.

Vakalagi 7:14

Nowakye uyu ya tivula na a mu volera, Makuva yaga si ga veye kindu kindi navutswa ga veye kivavi kya Gideoni mwana wa Joashu, mundu wa Israeli: Nyasaye u viki Midiani nelihe lyosi mmukono gwigwe.

Vakalagi 8:10

Kalunu Zeba na Zalimuna va veye mu Karikori, namahe gavo ga veye halala navo, avasatsa ava duka kuli tsielfu likumi na tsitano, va veye vosi ava tigala ku lihe lyosi lyavana vevugwi; kigira va gwa avandu tsielfu mia na makumi gaviri ava tumekira kivavi.