Vakalagi 5:18 - KITABU KITAKATIFU

¹⁸ Zebuloni va li avandu ava vika livamwoyo lyavo mbuhimwa kuduka ku likudza Na Nafitali, ha diguiuku ho mulimi.

Vakalagi 5:18 ပူးပေါင်းရင်းမြစ်များ

Litanga 35:23

avana va Leah: va li Rubeni, munene wa Yakobo, na Simeoni, na Levi, na Yuda, na Isakari, na Zebuloni;

Litanga 35:25

na avana va Bilha, mukana mutugwa wa Raheli: Dan na Nafitali;

Esther 4:16

Tsia, u vungidze Avayuda vosi ava veye ha Shushan, mu honge lilia kigira inze, mu vule kulia kinga kunwa kuduka madiku gavaka, ubudiku kinga mbasu: na inze navatugwa vange ku la honga lilia ndiyo; na ndiyo ndingira ku mwami, i veye inkuva i ta li kuli malago: ni mba ni ndiva, ndive.

Zaburi 68:27

A veye ho, muke Benjamini mwamehi wavo, Avanene va Yuda na kina kyavo Avanene va Zebuloni, na avanene va Nafitali.

Vikolwa 20:24

Navutswa si mbalidza livamwoyo lyange kuva kindu ku inze, nyole kudukidza ulugendo lwange, nobutumekiri bwa nda vugula ku Mwami Yesu, kulolekidza ivangeli yetsimbabasi tsya Nyasaye.

1 Yohana 3:16

Ku manya ndiyo ubuyanzi, kigira ya haana livamwoyo lilye kigira kwinye: nu bulahi kwinye ku haane livamwoyo lyetu kigira avamitu.

Likunula 12:11

Navo va mu guutira masahi go Mwana Weligondi, kandi kigira likuva lyelilolekidza lyavo; kandi si va yanza livamwoyo lyavo kuduka kali likudza.

Vakalagi 4:10

Na Baraka ya vugannya halala avandu va Zebuloni na Nafitali va tsia Kedesh; navandu tsielfu likumi vanegira ha virenge vivye: na Debora yanegira halala naye.

Vakalagi 4:14

Na Debora ya volera Baraka, Vuka; kigira ku lidiku yili Yahova u viki Sisera mmukono a gugwo: Yahova si ya tsia imbiri wowo? Kunangwa Baraka ya sulunguta kutwula mu kigulu kya Taboru, navandu tsielfu likumi va mu londa.

Vakalagi 4:6

Naye ya tuma mundu kulanga Baraka mwana wa Abinoam kutwula Kedesh-nafitali, na a mbolera, Yahova, Nyasaye wa Israeli, si ya haana munwa, na a vola, U tsie ku kigulu kya Taboru, na u hile halala nive avandu tsielfu likumi tsyavana va Nafitali natsyavana va Zebuloni?

Vakalagi 6:35

Ma ya tuma avatumwa va tsie Manase hosi, navo kandi va vugana halala inyima wewe: ma ya tuma avatumwa va tsie ku Asheri, noku Zebuloni, noku Nafitali; navo vanegira kuvugana naye.