Vakalagi 4:3 - KITABU KITAKATIFU

³ Navana va Israeli vanira Yahova: kigira sisera ya li namagari tsimia tsitano na tsine gekivya; na ya kupidza avana va Israeli kivi kinene mihiga makumi gaviri.

Vakalagi 4:3 ပူးပေါင်းရင်းမြစ်များ

Zaburi 106:42

Avasigu vavo kandi va va dambidza, Na va legeridzwa ni va va isi wa makono gavo.

Zaburi 50:15

Na wanire inze ku lidiku lyekivi: Nda ku honnya, na ive u la nkuminya.

Zaburi 78:34

Lwa ya viita, ma va mwenya; Navo virana nokwenya Nyasaye ligali.

Kutwula 2:23

Kunangwa inyima wa madiku yago manyingi, mwami wa Egepeti ya kudza: na avana va Israeli va kenva kigira ubutugwa, na va lira na lilira lyavo lya duka imbiri wa Nyasaye kigira ubutugwa.

Kwidzulitsa 28:29

na u la havatidza inyinga yombasu hagati, kuli mboku a havatidzanga mkisundi, si u la gasidzwa ku tsinzira tsitsyo mba: madiku gosi u la dambidzwa nokulanywa, na si ha la va nomundu wokukuhonnya.

Kwidzulitsa 28:33

Makuyu gekivala kikyo, nelididikana lilyo lyosi, ihiri yindi ya u ta manya i la li lia; u la kupidzwa kivi nokushonolanywa kazozo;

Joshua 17:16

Na avana va Yosefa va vola, Kivala kyevigulu si ki duki kwinye mba: kandi Vakanani vosi avamenyi mu kivala kyelivona va veye na magari gevivya, ava veye mu Bethshean no mu madala galyo, navo ava veye mu livona lya Jezireel.

Vakalagi 1:19

Na Yahova ya li halala na Yuda; na ya kunga avamenyi mkivala kyevigulu; navutswa si ya nyala kukunga avamenyi mwivona, kigira va li namagari gekivya.

Vakalagi 10:10

Navana va Israeli vanira Yahova, ni va vola, Ku koli ubwoni ku ive, kigira ku leki Nyasaye wetu, nokuturnekira Vabaal.

Vakalagi 10:16

Navo va twulidza vanyasaye vageni ava li hagati havo, na va tumekira Yahova: nomwoyo gwigwe gwa verera kigira kivi kya Israeli.

Vakalagi 3:15

Navutswa lwa avana va Israeli vanira Yahova, Yahova ya va singeridzira muhonyi, naye ya li Ehudu mwana wa Gera, Mubenjamini, mundu ummosi. Navana va Israeli va hila bushutu ku Egilon mwami wa Moabu, mmukono gwa Ehudu.

Vakalagi 3:9

Na lwa avana va Israeli vanira Yahova, Yahova ya singeridzira avana va Israeli mukonyi, wa va konya, naye ni Othinieli, mwana wa Kenazu, amwavo muke wa Kalebu.

Vakalagi 4:13

Kunangwa Sisera ya vungidza magari gege gosi halala, amagari tsimia tsitano na tsine agekivya, navandu vosi ava li halala naye, kutwula Haroshethu lya Tsihiri, kuduka ku mugera gwa Kishon.

Vakalagi 4:4

Inyinga yeyo Debora, muprofeti, mukali wa Lapidothu, niye ya kalagira Israeli inyinga yeyo.

Vakalagi 5:8

Va tovola avanyasaye avahya; Hene yaho ha li nobulwani ha kiliango: Ingavo kinga litimu vya loleka Mu avandu tsielfu makumi gane tsya Israeli?

Vakalagi 6:6

Na Israeli ya gehidzwa ligali kigira Vamidiani; na avana va Israeli vanira Yahova.

1 Samweli 7:8

Navana va Israeli va volera Samweli, U ta leka kwanira Yahova Nyasaye wetu kigira kwinye, a duke kukuhonnya ku makono ga Vafilisiti.