Vakalagi 4:11 - KITABU KITAKATIFU

¹¹ Na Heberi Mukeni yavukana kutwula ku Vakeni, kali kutwula ku avana va Hobabu mukwasi wa Musa, na yombaka lihema lilye ihale kuli ha kereremu kya Zaanaim, ki veye himbi Kedesh.

Vakalagi 4:11 ပူးပေါင်းရင်းမြစ်များ

Kutwula 18:1

Kunangwa Jethro, musalisi wa Midiani, navizala wa Musa ya hulira gosi ga Nyasaye ya kolera Musa, na Israeli avandu veve, kuli Yahova ya twulidza Israeli mu Egepeti.

Kutwula 2:18

Na lwa va duka ku Reueli dada wavo, ya vola, Mwa li ndi ni mu duka bwangu lero?

Kutwula 3:1

Kunangwa Musa yayanga kyayo kya Jethro navizala wewe, musalisi wa Midiani: naye yimirira kyayo kutsia ku luvega lwenyima mwigendinyama, na a duka ku kigulu kya Nyasaye, ha Horebu.

Livalidza 10:29

Na Musa ya volera Hobabu, mwana wa Reueli Mumidiani, navizala wa Musa, Kwinye ku gendanga kutsia ha Yahova ya vola makuva gaho ndi, Nda mu ha yaho: u tsie halala na kwinye, na ku la ku kolera bulahi; kigira Yahova ya vola bulahi ku Israeli.

Livalidza 10:32

Ga la va, nu u va nu u tsia halala na kwinye, yee, ga la va, ku bulahi bwosi bwa Yahova a la ku kolera, na kwinye ku la ku kolera ndiyo.

Livalidza 24:21

Na ya henza ku Vakeni, na a kupa lugano lwilwe, na a vola, Bumenyi bwubwo bu veye netsingulu, Na kiduku kikyo ki vikeywi mu lwanda.

Joshua 19:33

Na lwako lwavo lwa twula Helefu, kutwula Alloni kuduka Zaananim, na Adaminekebu, na Jabineeli kuduka Lakum; ne kiheri kyaiwo kya li ku mugera gwa Yordani;

Joshua 19:37

na Kedesh, na Edrei, na Enhazoru,

Vakalagi 1:16

Navana va Mukeni, mukwasi wa Musa, vanegira kutwula mu lidala lyamakindu halala navana va Yuda kuduka mwigendanyama lya Yuda, li veye kusini wa Aradi; ni va tsia kumenya halala navandu yava.

Vakalagi 4:12

Na va volera Sisera, Baraka mwana wa Abinoam u mali kwanegira mkigulu kya Taboru.

Vakalagi 4:6

Naye ya tuma mundu kulanga Baraka mwana wa Abinoam kutwula Kedesh-nafitali, na a mbolera, Yahova, Nyasaye wa Israeli, si ya haana munwa, na a vola, U tsie ku kigulu kya Taboru, na u hile halala nive avandu tsielfu likumi tsyavana va Nafitali natsyavana va Zebuloni?

1 Samweli 15:6

Na Saulo ya volera Vakeni, Mu singire, mu tsie, mu sulungute kutwula hagati ha Vaamaleki, gase ndononnya mwinye halala navo; kigira mwinye mwa kolera avana va Israeli vosi bulahi, lwa vanegira kutwula mkivala kya Egepeti. Ma Vakeni va twula hagati ha Vaamaleki.

1 Samweli 27:10

Na Akishi ya mu teva, Ive wa twuliye ibwaha lero? Na Daudi ya vola, Ku luvega lwa Kusini lwa Yuda, noku luvega lwa Kusini lwa Vajerahameeli, noku luvega lwa Kusini lwa Vakeni.