Vakalagi 3:8 - KITABU KITAKATIFU

⁸ Kunangwa ubutima bwa Yahova bwaaka ku Israeli, naye ya va gulidza na a va vika mmakono ga Kushan-rishathaim mwami wa Mesopotamia: navana va Israeli va tumekira Kushan-rishathaim mihiga gyitano na gyivaka.

Vakalagi 3:8 ပူးပေါင်းရင်းမြစ်များ

Litanga 24:10

Kunangwa mutumekiri ya vugula tsing'amia likumi, ku tsing'amia tsyomwami wewe, na a tsia, kigira vindu vilahi vyosi vyomwami wewe vya li mmukono gwigwe: na ya twula, na a tsia Mesopotamia, ku lidala lya Nahoro.

Zaburi 106:41

Na a va vika mu makono gavetsihiri; Navo ava va dunyira vameha kuvo.

Zaburi 129:1

Hali kanyinga va nkupidzi kivi kutwula lwa nkikiri mwana Kalunu Avaisraeli va vole,

Zaburi 44:12

U gulidza avandu vovo bugira kunyola kindu, Si u medeki ubutugi bubwo ku kya wa va gulidza.

Zaburi 6:1

O Yahova u ta ng'ondokera mbutima bubwo, Kandi u ta ngerihidza mu budunyi bululu bubwo.

Zaburi 85:3

U twulidzi ubutima bubwo bwosi; Wetwulidzi mwene ku ubululu bwobutima bubwo.

Kutwula 22:24

nobutima bwange bu laaka muliru, na nda mwiita nekivavi; na avakali venyu va la va avakunzakali, na avana venyu avabisandu.

Isaya 50:1

Yahova a vola ndi, I veye haliha ibaruwa yelikungwa lya mama wowo, ya nda mu kungira? Naho mu yavo avamagovi gange nu u li ha wa nda gulidza ive? Henza, mwa gulwa kigira budamano bwenyu, kandi mama wenyu ya kungwa kigira mahyolo genyu mwinye.

Kyavalevi 26:17

Kandi nda vika mumoni mwange kuvukira mwinye, na mu la kuywa imbiri wa avasigu venyu: navo ava mu dunyira va lameha ku mwinye; na mu liruka inyinga ya a ta veye ho u mu kunganga.

Habakuk 3:7

Nda lola mahema ga Kushan mu kivi; Vyokukinga vyekivala kya Midiani vya degera.

Varumi 7:14

Kigira kwinye ku manya lilaga li veye yomu roho: navutswa inze mbeye weliva lyomubiri, inze ngamannywa kuduka mu bwoni.

Kwidzulitsa 29:20

Yahova si a li msameha, navutswa inyinga yeyo ubutima bwa Yahova nelikendeka lilye vi la vuya mwoki ku mundu uyu, nevilaamo vyosi vya ng'odwa mu kitabu yiki vi la menya kuye, na Yahova a leya lieta lilye isi weligulu.

Kwidzulitsa 32:30

Mulala a nyala ndi kukunga elfu N a vaviri va nyala ndi kukunga tsielfu likumi, Ni ga ta li Lwanda lwavo lwa va gulidza, Na Yahova ku va leka havulavu?

Vakalagi 2:14

Nobutima bwa Yahova bwaaka ku Israeli, na ya va vika mmakono ga yavo ava va lanya; na ya va gulidza na ya va vika mmakono gavasigu vavo ava li ku tsimbega tsyavo, si va nyala kandi kusingira imbiri wavasigu vavo.

Vakalagi 2:20

Nobutima bwa Yahova bwaaka ku Israeli; na ya vola, Kigira ihiri yiyi yononnyi lilagana lyange lya nda laga avaguga vavo, na si va hulira mwoyo gwange;

Vakalagi 3:10

Na Roho wa Yahova yadza kuye, na ya kalagira Israeli: na ya twula kutsia mbulwani, na Yahova ya vika Kushan-rishathaim mwami wa Mesopotamia mmukono gwigwe: nomukono gwigwe gwa guuta Kushan-rishathaim.

Vakalagi 3:7

Navana va Israeli va kola ubudamano imbiri wa Yahova, ni vivirira Yahova Nyasaye wavo, na va tumekira Vabaal na Ashitarothu.

Vakalagi 3:9

Na lwa avana va Israeli vanira Yahova, Yahova ya singeridzira avana va Israeli mukonyi, wa va konya, naye ni Othinieli, mwana wa Kenazu, amwavo muke wa Kalebu.

Vakalagi 4:9

Naye ya vola, Ligali inze nda tsia halala nive; navutswa, ulugenda lwa u tsitsanga ku si lu la ku ha ubukumi; kigira Yahova a la gulidza Sisera nokumuvika mu mukono gwomukali. Kunangwa Debora ya singira na a tsia Kedesh halala na Baraka.

1 Samweli 12:9

Navutswa vivirira Yahova Nyasaye wavo; naye ya va gulidza na a va vika mmukono gwa Sisera, wa li munene welihe lya Hazoru, nommakono ga Vafilisiti, nommukono gwomwami wa Moabu; na va lwana navo.