Vakalagi 3:12 - KITABU KITAKATIFU

¹² Navana va Israeli va kola ubwoni kandi imbiri wa Yahova: na Yahova ya ha Egilon mwami wa Moabu tsingulu ku Israeli, kigira va kola budamano imbiri wa Yahova

Vakalagi 3:12 ပူးပေါင်းရင်းမြစ်များ

2 Avami 5:1

Kunangwa Naaman, munene welihe lyomwami wa Siria, ya li mundu munene imbiri womunene wewe, nokwidzominywa, kigira Yahova ya li na a mali kuha Vasiria liguuta nomukono gwa uyu: kandi ya li mundu welihe wetsingulu, navutswa ya li wobugere.

Kutwula 9:16

navutswa na geligali nda singeridza ive kigira yaga, nduke kulang'aminya ku ive tsingulu tsyange, na kandi lieta lyange li landidzwe mu lirova lyosi.

Isaya 10:15

Imbadzi i liidzominya ku uyu u gi tumekiranga? Msameno gu liidzominya ku uyu u gu nyiranga? Kuli musala gu sung'usa yavo ava gu ginga, kinga kuli impimbo i ginga uyu u ta li musala.

Isaya 37:26

Si u huliye kuli nda kola vindu yivi ku matsyambiri, nokuvilomba mu madiku ga vita? Kalunu mbidukidzi, u duke kuva wokutung'aminya madala getsingaga, ga duke kuva vitumi vyeving'anye.

Ezekieli 38:16

u lanegira uudze ku ava ndu vange Israeli kulwana navo, kuli lilesi kukunika kivala; ga la va mu madiku gekiheri nda leta ive uudze kulwana nekivala kyange, tsihiri tsi duke kumanya inze, lwa ntakaswa mu ive, O Goga, imbiri wetsimoni tsyavo.

Danyeli 4:22

a veye ive O mwami, u viruki nokunyola tsingulu; kigira ubunene bubwo bu nenehi, na bu duki migulu, na ubwami bubwo bu duki ku kiheri kyelirova.

Danyeli 5:18

O ive mwami, Nyasaye Wegulu Ku Vyosi, ya ha Nebukadinezaru, dada wowo, ubwami, nobunene, nelidzominywa, nobukumi:

Hosea 6:4

O Efiraim, nda ku kolera ki? O Yuda, nda ku kolera ki? Kigira ububwenyu bu veye kuli lilesi lyomugamba, na kuli lime li kamanga mabwebwe.

Yohana 19:11

Yesu ya mu tivulira, Ive si u nyala kuva netsingulu ku inze kali hakuzu, nu u ta hebwa tsi twula migulu: kigira yaga u veye nobwoni bunene nu uyo wa mbika mu makono gogo.

Vakalagi 2:11

Navana va Israeli va kola budamano imbiri wa Yahova, na va tumekira Vabaal;

Vakalagi 2:14

Nobutima bwa Yahova bwaaka ku Israeli, na ya va vika mmakono ga yavo ava va lanya; na ya va gulidza na ya va vika mmakono gavasigu vavo ava li ku tsimbega tsyavo, si va nyala kandi kusingira imbiri wavasigu vavo.

Vakalagi 2:19

Navutswa ga duka, lwa mukalagi uyu ya kudza, va girunkana kutsia inyima, na va kola ubugadi kuvita vaguga vavo, mu lilonda avanyasaye vandi kuvatumekira, nokuvinamira: si va leka likola lyavo, nenzira yavo yobudinyu bwomwoyo.

Vakalagi 3:11

Na kivala kya sosa mihiga makumi gane. Na Othinieli mwana wa Kenazu ya kudza.

1 Samweli 12:9

Navutswa vivirira Yahova Nyasaye wavo; naye ya va gulidza na a va vika mmukono gwa Sisera, wa li munene welihe lya Hazoru, nommakono ga Vafilisiti, nommukono gwomwami wa Moabu; na va lwana navo.