Vakalagi 3:10 - KITABU KITAKATIFU

¹⁰ Na Roho wa Yahova yadza kuye, na ya kalagira Israeli: na ya twula kutsia mbulwani, na Yahova ya vika Kushan-rishathaim mwami wa Mesopotamia mmukono gwigwe: nomukono gwigwe gwa guuta Kushan-rishathaim.

Vakalagi 3:10 ပူးပေါင်းရင်းမြစ်များ

1 Kyetsinyinga 12:18

Ma Roho ya duka ku Amasai, wa li munene wa yavo makumi gavaka, na a vola, Ku veye avovo, ive Daudi, ku veye ku luvega lulwo, ive mwana wa Jesse: mirembe, mirembe, ku ive, nemirembe gyi ve ku va konyanga ive; kigira Nyasaye wowo a konyanga ive. Hene yaho Daudi ya va bugirira, na a va kola avanyampara vekiduma.

2 Kyetsinyinga 15:1

Na Roho wa Nyasaye ya duka ku Azaria mwana wa Odedi:

2 Kyetsinyinga 20:14

Hene yaho Roho wa Yahova ya duka ku Jahazieli, mwana wa Zekaria, mwana wa Benaia, mwana wa Jeieli, mwana wa Matania, Mu levi, ku avana va Asafu, hagati ha livugana;

Zaburi 51:11

U ta nsyuva ntwule imbiri wowo; Kandi u ta twulidza ku inze Roho Mutakatifu wowo.

Livalidza 11:17

Na inze ndika nokuvolerana nive ha zana: na nda vugula ku Roho u veye ku ive, nokuvika kuvo, navo va Ia ginga musigo gwa avandu halala nive, ive u vule kuguginga weng'ine.

Livalidza 11:25

Na Yahova yika mu lilesi, na a mu volera, na a vugula ku Roho wa li ku Musa, na a mu vika ku avakulundu makumi gatano na gaviri: na ga duka, lwa Roho yika kuvo, va profeta, navutswa si va kola ndiyo kandi.

Livalidza 11:29

Na Musa ya mu volera, U veye nelikendeka kigira inze? Nkano avandu vosi va Yahova va veye avaprofeti, nkano a vike Roho wewe kuvo

Livalidza 24:2

Na Balaam ya ginga tsimoni tsyitsye, na a lola Israeli va menyanga kuli tsihiri tsyavo; na Roho wa Nyasaye ya duka kuye.

Livalidza 27:18

Na Yahova ya volera Musa, U lete Joshua mwana wa Nuni, nundu wa Roho a veye muye, na u vike kuye mukono gugwo;

Vahebraina 6:4

Kigira ku yavo ava lavidzeywi lulala, nokutsatsama kihaanwa kyomigulu, nokukolwa avasangi ku Roho Mutakatifu,

Vakalagi 11:29

Hene yaho Roho wa Yahova yadza ku Jefetha, naye ya vita mu Gileadi na Manase, na ya vita mu Mizipa ya Gileadi, nokutwula ha Mizipa ya Gileadi ya vita kutsia ku avana va Amon.

Vakalagi 11:32

Ma Jefetha ya vita kutsia ku avana va Amon kulwana navo; na Yahova ya va vika mmukono gwigwe.

Vakalagi 13:25

Na Roho wa Yahova ya tanga kumuvukidza mu Mahanedan, hagati ha Zora na Eshitaoli.

Vakalagi 14:19

Roho wa Yahova ya duka kuye netsingulu, na ya sulunguta Ashikelon, na ya kuya avandu makumi gavaka mu avandu yavo, na a vugula vilanye vyavo, na a ha ava vuula lugano tsingubo. Nobutima bwibwe bwaaka, na yanegira kutsia ku inyumba ya dada wewe.

Vakalagi 14:6

Roho wa Yahova ya duka ku Samsoni netsingulu, na ya tandula king'ang'a kuli a tandula kimeme; na si ya li nekindu mu mukono gwigwe mba; navutswa si ya volera dada wewe na mama wewe ga ya kola.

Vakalagi 15:14

Lwa ya duka Lehi, Vafilisiti va hanzuka lwa va vugana naye: na Roho wa Yahova ya duka kuye netsingulu, nemigoye gya li ku makono gege gya gwa kuli katani yomuliru gu sambi, na vikundikiru vyagyo vya twula ku makono gege.

Vakalagi 3:11

Na kivala kya sosa mihiga makumi gane. Na Othinieli mwana wa Kenazu ya kudza.

Vakalagi 3:8

Kunangwa ubutima bwa Yahova bwaaka ku Israeli, naye ya va gulidza na a va vika mmakono ga Kushan-rishathaim mwami wa Mesopotamia: navana va Israeli va tumekira Kushan-rishathaim mihiga gyitano na gyivaka.

Vakalagi 6:34

Navutswa Roho wa Yahova yadza ku Gideoni; na ya kupa kisiliva: na Abiezeru va vugana halala inyima wewe.

1 Samweli 10:10

Na lwa va duka ha kigulu, henza, avaprofeti va vugana naye; na Roho wa Nyasaye ya duka kuye netsingulu, na ya profeta hagati havo.

1 Samweli 10:6

na Roho wa Yahova a ladza ku ive netsingulu, na ive u la profeta halala navo, na u la girunkanywa kuva umundu wundi.

1 Samweli 11:6

Nonoho lwa ya hulira amakuva yaga Roho wa Nyasaye ya duka ku Saulo netsingulu, nobutima bwibwe bwaaka ligali.

1 Samweli 16:13

Kunangwa Samweli ya vugula lwiga lwamaguta, na a mbakira hagati ha vamwavo veve: Roho wa Yahova yadza ku Daudi netsingulu kutwula lidiku yilyo. Ma Samweli ya singira na a tsia Rama.