Vakalagi 20:2 - KITABU KITAKATIFU

² Avanene vavandu yavo, va veye avanene vetsihiri tsyosi tsya Israeli, vevungidza avene mu livugana lyavandu va Nyasaye avasatsa tsielfu tsimia tsine ava genda nevirenge ava somola vivavi.

Vakalagi 20:2 ပူးပေါင်းရင်းမြစ်များ

2 Samweli 14:13

Mukali uyu ya vola, Kivune ki veye ki ive kuganagana kindu kuli yiki ku avandu va Nyasaye? Migira mu livola likuva yili mwami a veye kuli mulala u veye nelihyola, kigira mwami si a leta kandi uyu mulala wa kungwa.

2 Samweli 24:9

Na Joabu ya haana ku mwami livalidzwa lyosi lya validzwa ku avandu yavo: na va li mu Israeli avandu vetsingulu ku ava tumekira kivavi, tsielfu tsimia tsitano na tsivaka; navandu va Yuda va li tsielfu tsimia tsitano.

2 Avami 3:26

Na lwa mwami wa Moabu ya lola bulwani bu medi tsingulu, ya vugula avandu tsimia tsitano na tsiviri avevivavi halala naye, a duke kwatanya inzira, a duke ku mwami wa Edom; navutswa si va nyala mba.

Joshua 22:12

Navana va Israeli, lwa va hulira makuva yaga, livugana lyosi lyavana va Israeli vevungidza avene halala mu Shilo, va duke kwanegira kutsia kulwana navo.

Vakalagi 20:15

Navana va Benjamini va validzwa ku lidiku yili kutwula mu madala, avasatsa tsielfu makumi gaviri na tsitano na indala avevivavi, kuvita yava ava menya mu Gibea, ava validzwa avandu avasatsa avatovolwa tsimia tsitano na tsiviri.

Vakalagi 20:17

Navasatsa va Israeli, bugira Benjamini, va validzwa tsielfu tsimia tsine avevivavi: yavo vosi va li avandu vobulwani.

Vakalagi 20:3

(Navandu va Benjamini va hulira avana va Israeli vanegiye kutsia Mizipa.) Navana va Israeli va vola, U ku volere, ubudamano yibwo bwa kolwa ndi?

Vakalagi 8:10

Kalunu Zeba na Zalimuna va veye mu Karikori, namahe gavo ga veye halala navo, avasatsa ava duka kuli tsielfu likumi na tsitano, va veye vosi ava tigala ku lihe lyosi lyavana vevugwi; kigira va gwa avandu tsielfu mia na makumi gaviri ava tumekira kivavi.

1 Samweli 11:8

Na ya va validza mu Bezeki; navana va Israeli va duka tsielfu hali tsimia tsivaka, navandu va Yuda va duka tsielfu makumi gavaka.