Vakalagi 2:3 - KITABU KITAKATIFU

³ Kunangwa inze nda vola, Si nda va kunga imbiri wenyu; navutswa va la va kuli amafwa mu tsimbalu tsyenyu, navanyasaye vavo va la va mutego ku mwinye.

Vakalagi 2:3 ပူးပေါင်းရင်းမြစ်များ

Zaburi 106:36

Na va tumekira vifwananyi vyavo Vya gwa mitego kuvo.

Kutwula 23:33

Si va la menya mu kivala kikyo, gase va la ku kola kukolera inze ubwoni; kigira nu u va nu u tumekira avanyasaye vavo, ligali inkuva yiyi i la va mutego ku ive.

Kutwula 34:12

Welinde mwene, gase u la kola lilagana na avandu vekivala kya u tsia yo, gase li la va mutego hagati hoho:

Livalidza 33:55

Navutswa ni mu vula kukunga avomkivala va twule imbiri wenyu, hene yaho yavo ava mu leka kutigala va la va kuli tsisindani mu tsimoni tsyenyu, na kuli amafwa mu tsimbalu tsyenyu, na va la mu dambidza mu kivala kya mu menya mu.

Kwidzulitsa 7:16

Na u la dividza tsihiri tsyosi tsya Yahova Nyasaye wowo a ku ha; imoni yoyo i ta va vererera: kinga u ta tumekira vanyasaye vavo: kigira i la va mutego ku ive inkuva yiyi.

Joshua 23:13

mu manye ligali Yahova Nyasaye wenyu a la vula kukunga tsihiri yitsi tsi twule imbiri wetsimoni tsyenyu; navutswa tsi la va umbeto nomutego ku mwinye, nokuva lukova lwokukuya mmbalu mwenyu, namafwa mu tsimoni tsyenyu, kuduka mu dive kutwula ku kivala yiki kilahi kya Yahova Nyasaye wenyu ya mu ha.

Vakalagi 2:21

inze kandi kutwula kalunu, si nda kunga kandi imbiri wavo avetsihiri tsya Joshua ya leka lwa ya kudza;

Vakalagi 2:4

Ma, lwa ingelosi wa Yahova ya volera avana va Israeli vosi makuva yaga, hene yaho avandu va ginga myoyo gyavo, ni va lira.

Vakalagi 3:6

na va vugula vakana vavo kuva avakali vavo, navo va serera avakana vavo ku avayai vavo nokutumekira vanyasaye vavo.

Vakalagi 8:27

Na Gideoni ya lomba kisibao, na ya ki vika mu lidala lilye, lidala lya Ofira: ma Israeli vosi va kola ubuheyi mulilonda lyakyo; nakyo kya duka kuva mutego ku Gideoni noku inyumba yeye.