Vakalagi 2:18 - KITABU KITAKATIFU

¹⁸ Na lwa Yahova ya va singeridzira avakalagi, hene yaho Yahova ya li halala nomukalagi, na a va honnya ku mukono gwavasigu vavo madiku gosi agomukalagi uyu: kigira Yahova yeganira kigira likenya lyavo kigira yavo ava va kupidza kivi na va va dambidza.

Vakalagi 2:18 ပူးပေါင်းရင်းမြစ်များ

Litanga 6:6

Na Yahova yeganira ku lilomba mundu ku lirova, na a vereridzwa mmowyo gwigwe.

2 Avami 13:4

Jehoahazu ya saala Yahova, na Yahova ya mu hulira; kigira ya lola lidambidzwa lya Israeli, kuli mwami wa Siria ya va dambidza.

Zaburi 12:5

Kigira lidambidzwa lyavadedekere, na likenya lyavadaka, Yahova a vola, Kalunu nda singira Na nda mu vika ha buhonnyi bwa yenyanga.

Zaburi 90:13

Wirane, O Yahova; kuduka inyinga ki? U vererere avatumekiri vovo.

Kutwula 2:24

Na Nyasaye ya hulira likenya lyavo, na Nyasaye yidzulitsa lilagana lilye lya ya kola na Abrahamu, na Isaka, na Yakobo.

Kutwula 3:12

Naye ya vola, Ligali nda va halala na ive; na yili li la va lilolekidza ku ive, nku tumi: lwa u li mala kutwulidza avandu mu Egepeti mu la tumekira Nyasaye mu kigulu yiki.

Kutwula 32:14

Na Yahova yeganira ubudamano bwa ya vola a la kolera avandu veve.

Hosea 11:8

Inze nyala ndi kukuleka, Efiraim? Nyala ndi kukuta, Israeli? Nyala ndi kukukola kuli Adima? Nyala ndi ku kuvika u ve kuli Zeboim? Mwoyo gwange gu girunkanywa mu inze, tsimbabasi tsyange tsyaaki halala.

Jona 3:10

Na Nyasaye ya lola likola lyavo, kuli va girunkana nokuleka inzira yavo indamano; na Nyasaye yeganira ku kivi kya ya vola a la va kolera; na si ya ki kola mba.

Livalidza 10:9

Na lwa mu tsia mu bulwani mu kivala kyenyu ku avasigu venyu ava mu dambidza, hene yaho mu la kupa mwoyo gwelivukidza nevisiliva; na mu lidzulitswa imbiri wa Yahova Nyasaye wenyu, na mu la honywa ku avasigu venyu.

Kwidzulitsa 32:36

Kigira Yahova a la kalagira avandu veve, A la vererera avatumekiri veve; Inyinga a lola tsingulu tsyavo tsi twuli kuvo, Kandi si ha tigala nomundu, wa bofwa kinga wa bohololwa.

Joshua 1:5

Si ha la va nomundu ku vosi u nyala, kusingira imbiri wowo madiku gosi aga u va mwoyo: kuli nda li halala na Musa, ni ndiyo nda va halala nive; inze ligali si nda ku gehera mba, kandi si nda ku leka mba.

Vakalagi 10:16

Navo va twulidza vanyasaye vageni ava li hagati havo, na va tumekira Yahova: nomwoyo gwigwe gwa verera kigira kivi kya Israeli.

Vakalagi 11:32

Ma Jefetha ya vita kutsia ku avana va Amon kulwana navo; na Yahova ya va vika mmukono gwigwe.

Vakalagi 2:19

Navutswa ga duka, lwa mukalagi uyu ya kudza, va girunkana kutsia inyima, na va kola ubugadi kuvita vaguga vavo, mu lilonda avanyasaye vandi kuvatumekira, nokuvinamira: si va leka likola lyavo, nenzira yavo yobudinyu bwomwoyo.

Vakalagi 3:9

Na lwa avana va Israeli vanira Yahova, Yahova ya singeridzira avana va Israeli mukonyi, wa va konya, naye ni Othinieli, mwana wa Kenazu, amwavo muke wa Kalebu.

Vakalagi 6:12

Na ingelosi wa Yahova ya loleka kuye, na a mu volera, Yahova a veye halala nive, ive wetsingulu nobuluviriri.

Vakalagi 6:16

Yahova ya mu volera, Ligali inze nda va halala nive, na u la kuya Vamidiani kuli umundu mulala.