Vakalagi 2:14 - KITABU KITAKATIFU

¹⁴ Nobutima bwa Yahova bwaaka ku Israeli, na ya va vika mmakono ga yavo ava va lanya; na ya va gulidza na ya va vika mmakono gavasigu vavo ava li ku tsimbega tsyavo, si va nyala kandi kusingira imbiri wavasigu vavo.

Vakalagi 2:14 ပူးပေါင်းရင်းမြစ်များ

2 Samweli 24:1

Inyima w a yaga ubutima bwa Yahova bwaaka ku Israeli, naye ya vukidza Daudi kuvo, na a vola, Tsia u validze Israeli na Yuda.

2 Samweli 7:11

kuli kutwula ku lidiku lya nda laga avakalagi va ve ku avandu vange Israeli; nda ku ha bwelemeridzi ku vasigu vovo vosi. Kuvita yaga Yahova a ku voleranga, Yahova a la ku lombere inyumba.

2 Avami 13:3

Ubutima bwa Yahova bwaaka ku Israeli, na a va vika mu mukono gwa Hazaeli mwami wa Siria, nommukono gwa Benhadadi mwana wa Hazaeli, madiku gosi.

2 Avami 17:20

Ma Yahova yambakana kisukululwi kyosi kya Israeli, na ya va dambidza, na ya va vika mu makono ga yavo ava va lanya, kuduka lwa ya mala kuvata va twule imbiri wewe.

2 Kyetsinyinga 15:5

Mu tsinyinga yitsyo si ya li nemirembe ku uyu wa twulanga, kinga ku uyu wingiranga; navutswa lidambidzwa linyingi lya li ku vosi ava menya mu vivala yivyo.

2 Kyetsinyinga 28:5

Kigira yaga Yahova Nyasaye wewe ya mu vika mmukono gwo mwami wa Siria; na va mu kuya, na va hila kiduma kinene kya va hambe ku vandu veve, na va tsia navo Damasko. Kandi mwene ya vikwa mmukono gwomwami wa Isra eli, ya mu kuya likuywa lyokwiitua linene.

2 Kyetsinyinga 36:16

navutswa va tindira avatumwa va Nyasaye, na va lega makuva gege, na va kolera vaprofeti veve kihenyihenyi, kuduka ubutima bwa Yahova bwa vuka ku avandu veve, kuduka ha vula kuva nekyoku honnya.

Nehemia 9:27

Kigira yaga wa va vika mmakono gavasigu vavo, ava va vika ku kivi: na inyinga yelinyankana lyavo, lwa vanira ive, wa va hulira mwigulu; na kuli tsimbabasi tsitsyo tsi veye tsinene ligali, wa va ha avahonnyi va va honnya ku makono ga vasigu vavo.

Zaburi 44:11

U ku haani kuli magondi ga livangwa, Na u ku salannyi mu tsihiri.

Zaburi 44:12

U gulidza avandu vovo bugira kunyola kindu, Si u medeki ubutugi bubwo ku kya wa va gulidza.

Isaya 42:24

Ni bwaha wa haana Yakobo a ve kilanye, ni bwaha wa vika Israeli ku vanuuli? Si a li Yahova u a kola? Wa kwinye ku mu koleye ubwoni, na va vula kubugirira ku genda mu tsinzira tsitsye, kandi si va hulira amalago gege.

Isaya 50:1

Yahova a vola ndi, I veye haliha ibaruwa yelikungwa lya mama wowo, ya nda mu kungira? Naho mu yavo avamagovi gange nu u li ha wa nda gulidza ive? Henza, mwa gulwa kigira budamano bwenyu, kandi mama wenyu ya kungwa kigira mahyolo genyu mwinye.

Jeremia 37:10

Kigira kali ni mwa kuya lihe lyosi lya Vakalidei li lwananga na mwinye, va tigala hagati havo avandu ava tumitwa veng'ine, kali nkano va ka wka, vosi sa mulala mu lihema lilye, nokusamba lidala yili nomuliru.

Kyavalevi 26:17

Kandi nda vika mumoni mwange kuvukira mwinye, na mu la kuywa imbiri wa avasigu venyu: navo ava mu dunyira va lameha ku mwinye; na mu liruka inyinga ya a ta veye ho u mu kunganga.

Kyavalevi 26:28

inze kandi nda genda nelihing'ana ku mwinye mu butima bwange; na kandi nda mu kupidza kivi hali katano na kaviri kigira ubwoni bwenyu.

Kyavalevi 26:37

Na va likigitala ku avene na avene, kuli ava veye imbiri wekivavi, inyinga ha ta veye nowa va kunganga: na si mu la va netsingulu kusingira imbiri wavasigu venyu.

Livalidza 32:13

Na ubutima bwa Yahova bwaaka ku Israeli, na a va kola kugendagenda yiyi na yiyi mu kyangalangwi tsinyinga tsyemihiga makumi gane, kuduka likula yili lyosi lya kola ubwoni imbiri wa Yahova, lya dividzwa.

Livalidza 32:14

Na, henza, mwinye mu singeye mu bugono bwavaguga venyu, limedeka lya avandu vobwoni, kumeda kandl ubutima bululu bwa Yahova ku Israeli.

Kwidzulitsa 28:20

Yahova a la leta ku ive vilaamo, nekivi, nelihebwa mageli, mu vyosi vya u vika ku mukono gugwo kukola, u luhe u dive, nokugota bwangu; kigira ubudamano bwelikola lilyo, lyagira ni u ndeka.

Kwidzulitsa 28:25

Yahova a la ku kola u duywe imbiri wavasigu vovo; u la va twulira ku inzira indala, u liruka imbiri wavo ku tsinzira tsitano na tsiviri: na u la sikiswa yiyi ne yiyi mu ubwami bwosi bwo mu lirova.

Kwidzulitsa 28:58

Nu u va nu u sula kulinda nokukola amakuva gosi agelilaga yili lya ng'odwa mu kitabu yiki, u duke kutia lieta yili lyobukumi nelyokutihidza, YAHOVA NYASAYE WOWO;

Kwidzulitsa 32:30

Mulala a nyala ndi kukunga elfu N a vaviri va nyala ndi kukunga tsielfu likumi, Ni ga ta li Lwanda lwavo lwa va gulidza, Na Yahova ku va leka havulavu?

Joshua 23:16

Lwa mwononya lilagano lya Yahova Nyasaye wenyu, ga ya mu laga, ni mu tsia kutumekira avanyasaye vandi, nokuvasigamira; hene yaho ubutima bwa Yahova bu laaka ku mwinye, na mu la diva bwangu mu twule mu kivala yiki kilahi kya ya mu ha.

Vakalagi 1:19

Na Yahova ya li halala na Yuda; na ya kunga avamenyi mkivala kyevigulu; navutswa si ya nyala kukunga avamenyi mwivona, kigira va li namagari gekivya.

Vakalagi 1:34

Na Vaamori va niga avana va Dan va tsie mkivala kyevigulu; kigira si va va bugirira va sulungute mwivona;

Vakalagi 10:7

Ubutima bwa Yahova bwaaka ku Israeli, na ya va gulidza na a va vika mmakono ga Vafilisiti, nomu makono n gavana va Amon.

Vakalagi 2:20

Nobutima bwa Yahova bwaaka ku Israeli; na ya vola, Kigira ihiri yiyi yononnyi lilagana lyange lya nda laga avaguga vavo, na si va hulira mwoyo gwange;

Vakalagi 3:12

Navana va Israeli va kola ubwoni kandi imbiri wa Yahova: na Yahova ya ha Egilon mwami wa Moabu tsingulu ku Israeli, kigira va kola budamano imbiri wa Yahova

Vakalagi 4:2

Na Yahova ya va gulidza na a va vika mmukono gwa Jabin mwami wa Kanani, wameha mu Hazoru; womunene welihe lilye ya li Sisera, wa menya mu Haroshethu lye Tsihiri.