Vakalagi 2:13 - KITABU KITAKATIFU

¹³ Na va leka Yahova, ni va tumekira Baal na Ashitarothu.

Vakalagi 2:13 ပူးပေါင်းရင်းမြစ်များ

1 Avami 11:33

kigira va mali kunzivirira, nokusigamira Ashitore thu nyasaye wekikali wa Vasidone, na Kemoshu nyasaye wa Vamoabu, na Milikom nyasaye wavana va Amon; na va vula kugenda ku tsinzira tsyange, nokukola ubulungi imbiri wange, nokuoumira amalago gange, nelikalaga lyange, kuli dada wewe Daudi ya kola.

1 Avami 11:5

Kigira Solomoni ya londa Ashitorethu munyasaye wekikali wa Vasidone, na Milikom livihiriridza lya Vaamori.

2 Avami 23:13

Na hadiguluku ha li imbiri wa Yerusalemi, ku luvega lwa mukono mulungi lwekigulu kyobwoneku, ha Solomoni mwami wa Israeli yombakira Ashitorethu livihiriridza lya Vasidon, na Kemoshu livihiriridza lya Vamoabu, na Milikom livihiri- ridza lyavana va Amon, mwami yononya ha zana.

2 Kyetsinyinga 12:2

Na ga duka mu muhiga gu kola gyitano gwo mwami Rehoboam, Shishaka mwami wa Egepeti yanegira kuduka Yerusalemi, kigira va hyola imbiri wa Yahova,

2 Kyetsinyinga 28:3

Ka ndi ya vuyidza vimuli mwivona lyavana va Hinom, na ya samba ava na veve mu muliru, kuli livihiridza lyetsihiri tsya Yahova ya ta kyova imbiri wavana va Israeli.

2 Kyetsinyinga 33:3

Kigira ya digulula hadiguluku ha dada wewe Hezekia ya sambula; na ya singeridzira Vabaal ubwali na ya lomba misala gyemisambwa, na ya sigamira lihe lyosi lyomigulu, na ya va tume kira.

2 Kyetsinyinga 7:22

Navo va la tivuia, Ga veye kigira va leka Yahova, Nyasaye wavaguga vavo, wa va twulidza mu kivala kya Ege peti, nokugumira avanyasaye vandi, kuvasigamira, nokuvatumekira: ki gira yaga ya leta kuvo ubudamano yibu bwosi.

Zaburi 106:36

Na va tumekira vifwananyi vyavo Vya gwa mitego kuvo.

Jeremia 16:11

Hene yaho u la va volera, Yahova a vola, Kigira avaguga venyu va ndeki, nokulonda avanyasaye vandi, nokuvatumekira, nokuvasigamira, nokuleka inze, va vule kugumira lilaga lyange;

Jeremia 2:20

Kigira inze mu madiku ga kale nda vunannya inira yoyo, nokukalanya vibohero vivyo; na ive wa vola, Si nda tumika mba; kigira winama, nokulonda ubuheyi ku kigulu sa kilala kitambi, na isi womusala sa mulala gwa matu mavisi.

Livalidza 25:3

Na Israeli vehambanya na Baal-peoru: na ubutima bwa Yahova bwaaka ku Israeli.

1 Vakorintho 8:5

Kigira ni va va ni va veye ho avalangangwa avanyasaye, ni va veye mu ligulu naho mu lirova; kuli va veye ho vanyasaye vanyingi, navami vanyingi;

Vakalagi 10:6

Navana va Israeli va kola ubudamano kandi imbiri wa Yahova, na va tumekira Vabaal, na Ashitarothu, navanyasaye va Siria, navanyasaye va Sidone, navanyasaye va Moabu, navanyasaye vavana va Amon, navanyasaye va Vafilisiti; na va leka Yahova, va vula kumutumekira.

Vakalagi 2:11

Navana va Israeli va kola budamano imbiri wa Yahova, na va tumekira Vabaal;

Vakalagi 3:7

Navana va Israeli va kola ubudamano imbiri wa Yahova, ni vivirira Yahova Nyasaye wavo, na va tumekira Vabaal na Ashitarothu.

1 Samweli 12:10

Na vanira ku Yahova, ni va vola, Kwinye ku koli ubwoni, kigira ku leki Yahova, na ku tumekiye yavo Vabaal na yavo Ashitarothu: navutswa u ku honnyi kalunu ku twule mmakono ga avasigu vetu, na ku la ku tumekira.

1 Samweli 31:10

Nevyuma vivye va vi vika mu inyumba ya Ashitarothu; nomubiri gwigwe va gu bamba ku lidigi lyelidala lya Bethshan.

1 Samweli 7:3

Na Samweli ya volera inyumba yosi ya Israeli, na a vola, Mwinye ni mu va ni mwirana ku Yahova nemyoyo gyenyu gyosi, hene yaho mu vike ihale ku mwinye avanyasave vageni, na Ashitarothu va veye hagati henyu, na mu yekidze myoyo gyenyu ku Yahova nokumutumekira yeng'ine; naye a la mu honnya ku makono ga Vafilisiti.