Vakalagi 2:10 - KITABU KITAKATIFU

¹⁰ Na avandu velikula yilyo vosi va vungidzwa ku vaguga vavo: nelikula lindi lya singira inyima wavo, lya vula kumanya Yahova, kandi si va manya likola lya ya kolera Israeli.

Vakalagi 2:10 ပူးပေါင်းရင်းမြစ်များ

Litanga 15:15

Navutswa ive u la tsia ku vadada vovo nemirembe; na ive u la tebwa mu buhindiri bulahi.

Litanga 25:17

Yigyi ni mihiga gyobuhindiri bwa Ishmaeli, gya li mihiga mia namakumi gavaka na gyitano na gyiviri: na mwoyo gwa twula kuye, na a kudza, na a vungidzwa ku aviko veve.

Litanga 25:8

Na Abrahamu, mwoyo gwa twula kuye, na a kudza mu lihindira lilahi, musakulu, wizula mihiga, na a vungidzwa ku aviko veve.

Litanga 49:33

Na lwa Yakobo ya mala kulaga avana veve, ya ginga virenge vivye na a vi vika mu kitali, na mwoyo gwigwe gwa twula kuye, na a vungidzwa kuva halala na avandu veve.

2 Samweli 7:12

Madiku gogo lwa ga duka ku ive kugona na vaguga vovo, nda singeridza ku visukululwi vivyo inyima wowo, vi li twula mmunda munwo, na nda dinyeridza bwami bwibwe.

1 Kyetsinyinga 28:9

Na ive, Solomoni mwana wange, u manye Nyasaye wa dada wowo, na u mu tumekire nomwoyo mudukiru, nomwoyo gwobulaliri; kigira Yahova yideranga myoyo gyosi, na a manyeri dzanga tsiganagani tsyosi tsyeligana gana. Nu u va nu u mwenya, a la loleka ku ive: navutswa nu u mu leka, a la ku syuva mihiga nemihiga.

Ayubu 21:14

Va volera Nyasaye, Twula ku kwinye; Kigira si kwenya limanya lyetsinzira tsitsyo.

Kutwula 1:6

Na Yosefa ya kudza, na avamwavo veve vosi, na vosi velikula zana.

Kutwula 1:8

Kunangwa mwami muhya ya singira ku kivala kya Egepeti, wa vula kumanya Yosefa.

Kutwula 5:2

Na Farao ya vola, Yahova ni bwaha, inze nduke kuhulira mwoyo gwigwe, nokuha Israeli munwa kutsia? Inze si mmanya Yahova, na kandi si nda a ha Israeli munwa kutsia.

Isaya 5:12

Nobukana, nolu kugi, nekindu ku lugano lwesuguti, nelilere, newaini, vi veye mu lilia lyavo; navutswa si va ganagana likola lya Yahova, kandi si va ganagananga miyinzi gyamakono gege.

Jeremia 22:16

Ya kalaga makuva gomudaka nomudambi; kunangwa bwa li bulahi. Inkuva yiyi si i veye limanya inze? Yahova a vola.

Jeremia 31:34

Navo va la vula kwegidzana mundu sa mulala nowakye, kandi mundu sa mulala namwavo wewe, kuvola, Mu manye Yahova; kigira va la manya inze vosi, kutwula ku muke wavo kuduka ku munene wavo, Yahova a vola: kigira nda sameha ubudamano bwavo, nobwoni bwavo si nda bwidzulitsa kandi mba.

Jeremia 9:2

Nkano mbeye na hokugona mu kyangalangwi ku avandu ve tsing'endo, nduke kuleka avandu vange, ntwule kuvo kigira va veye avaheyi vosi, li veye livugana lya vasatsa vagadi.

Jeremia 9:3

Va hingiranga tsinimi tsyavo, kuli ubuta, va duke kuvola bubehi; va gwiye avetsingulu mu kivala, navutswa si ga li ku geligali mba: kigira va tsitsagil'langa kutwula ku budamano kuduka ku budamano, si va manya inze, Yahova a vola.

Jeremia 9:5

Va la gadana sa mulala nowakye, si va la vola geligali mba: va mali kwegidza tsinimi tsyavo kuvola makuva gobubehi; veluhidze avene kuduka kukola ubudamano.

Livalidza 27:13

Na lwa u ki loli, u la vungidzwa ku avandu vovo, kuli Haruni amwavo wowo ya vungidzwa;

Luka 20:32

Lwanyima kandi mukali mwene ya kudza.

Vikolwa 13:36

Kigira Daudi, lwa ya mala kutumekira mu likula lilye ku makuva ga Nyasaye, ya gona tsindolo, na a daswa ku vaguga veve na a lola ubwoneku:

Kwidzulitsa 31:16

Na Yahova ya volera Musa, Henza, ive u la gona navaguga vovo; navandu yava va la vuka, nokukola ubuheyi ku lilonda vanyasaye vageni avekivala, kya va tsitsanga yo kuva hagati havo, va la ndeka, nokwononya lilagana lyange lya nda kola halala navo.

2 Vatesalonike 1:8

a la va tunga kisalya ava vula kumanya Nyasaye, nokuvula kuhulira ivangeli yo Mwami wetu Yesu:

Tito 1:16

Veyamanga va manya Nyasaye; navutswa ku miyinzi gyavo va mweyambakana, avokuvihiriridza, nava ta hulira kandi ava ta dukana ku miyinzi gyosi milahi.

Joshua 24:31

Na Israeli va tumekira Yahova madiku gosi ga Joshua, na madiku gosi aga vakulundu va hindira kuvita Joshua, ava manya miyinzi gyosi gya Yahova, ga ya kolera Israeli.

1 Samweli 2:12

Navana va Eli va li vadamano; si va manya Yahova.