Vakalagi 13:5 - KITABU KITAKATIFU

⁵ kigira, henza u la vereka, na u livula mwana muyai; nolugembe lu vule kuduka ku mutwe gwigwe ligali; kigira mwana uyu a la va Munazari wa Nyasaye kutwula munda: naye a la tanga kuhonnya Israeli kutwula mukono gwa Vafilisiti.

Vakalagi 13:5 ပူးပေါင်းရင်းမြစ်များ

2 Samweli 8:1

Na ga duka inyima wa yaga Daudi ya lwana na Vafilisiti, na a va guuta: na Daudi ya vugula lijamu lyelidala linenel ku mukono gwa Vafilisiti.

1 Kyetsinyinga 18:1

Inyima wa yaga, Daudi ya kuya Vafilisiti, nokuvagehidza, na ya vugula Gathu na madala galyo ku twula mmakono ga Vafilisiti.

Amosi 2:11

Na nda vukidza avaprofeti ku avana vovo noku vasoleli vovo Vanazari. Si ga va ndiyo ligali, O mwinye avana va Israeli? Yahova a vola.

Livalidza 6:5

Madiku gosi gelilagana lilye lyokweyahula, ulugembe lu ta duka ku mutwe gwigwe: kuduka lwa madiku ga dukidzwa, aga yeyahula kuva wa Yahova, a la va mutakatifu; a la leka lisu lilye li viruke kuva litambi.

Luka 1:15

Kigira a la va munene imbiri wo Mwami, si a li nwa iwaini namalwa mba; a lizula Roho Mtaka tifu, kutwula munda mwa mama wewe.

Vakalagi 16:17

Naye ya mu volera gosi aga li mu mwoyo gwigwe, na a mu volera, Lugembe si lwa duka ku mutwe gwange; kigira inze mbeye Munaziri wa Nyasaye kutwula munda mwa mama wange: ni mba ni mbegwa, hene yaho tsingulu tsyange tsi la ndeka, na nda va mudedekere, nda leng'ana nomundu wundi.

1 Samweli 1:11

Na ya vika lilagana, na a vola, O Yahova wamahe, ive nu u va nu u henza ligali ubuvereri bwomukana mutugwa wowo a veye nabwo, nokunzidzulira, na u vule kunzivirira inze mukana mutugwa wowo, na u haane ku inze mukana mutugwa wowo umwana muyai, hene yaho inze nda mu haana ku Yahova madiku gosi gelimenya lilye, nolugembe lu la vula kuduka ku mutwe gwigwe ligali.

1 Samweli 7:13

Ni ndiyo Vafilisiti va guutwa, navo si vingira kandi mu tsinzako tsya Israeli: nomukono gwa Yahova gwa li ku Vafilisiti madiku gosi ga Samweli.