Vakalagi 13:3 - KITABU KITAKATIFU

³ Na ingelosi wa Yahova ya loleka ku mukali uyu, na a mu volera, Henza, ive kalunu u veye mugumba, na wa vula kwivula arana; navutswa u la vereka, na u livula mwana muyai.

Vakalagi 13:3 ပူးပေါင်းရင်းမြစ်များ

Litanga 17:16

Na nda mu gasidza, kandi nda ku ha mwana kuye; yee, nda mu gasidza, na a la va mama wa tsihiri tsinyingi; avami vavandu va la twula kuye.

Litanga 18:10

Na ya vola, Ligali ndirana ku ive lwa tsinyinga tsi duka; na henza, Sara mukali wowo a livula mwana muyai. Na Sara ya hulira ha kiliango kyelihema, kya li inyima wewe.

Litanga 18:14

Ha veye nekindu ku vyosi ki nyala kutama Yahova? Ku inyinga ya lagwa ndirana ku ive, lwa tsinyinga tsi duka, na Sara a la nyola mwana muyai.

2 Avami 4:16

Elisha ya mu volera, Inyinga kuli yiyi, umuhiga gudzanga, u la va nomwana muyai mu makono gogo. Naye ya vola, Auwa, munene wange, ive mundu wa Nyasaye, u ta vehera inze mukana mutugwa wowo.

Luka 1:11

Ingelosi wo Mwami ya loleka kuye u singiye ku luvega lwomukono mulungi gwo bwali bwe kimuli.

Luka 1:13

Navutswa ingelosi ya mu volera, U ta tia, Zekaria: kigira lisaala lilyo li huleywi, kandi mukali wowo Elisabeti a la kwivulira mwana muyai, lieta lilye, u la mu gulika Yohana.

Vakalagi 13:10

Kunangwa mukali uyu ya tsia bwangu, tsimbiru, na a volera musatsa wewe, na a vola, Henza, mundu musatsa u loleki ku inze, uyu wa duki ku inze ku lidiku li viti.

Vakalagi 13:15

Ma Manoa ya volera ingelosi wa Yahova, nku goonya, ku ku lindidze ku duke kukulombera kimeme kyembuli.

Vakalagi 13:6

Hene yaho mukali zana ya tsia kuvolera musatsa wewe, na a vola, Mundu wa Nyasaye ya duka ku inze, neligondo lilye lya li kuli ligondo lyengelosi wa Nyasaye, lya li lyokutihidza ligali; na si nda li kumuteva wa a twula, kinga si ya mbolera lieta lilye mba:

Vakalagi 13:8

Hene yaho Manoa ya saala Yahova, na a vola, O, Mwami Nyasaye, nku goonya, ngano mundu wa Nyasaye uyu wa wa tuma, u duke ku kwinye kandi, nokukwegidza aga ku dukiranga ku kolere umwana u livulwa.

Vakalagi 2:1

Ma, ingelosi wa Yahova yanegira kutwula Gilgali kutsia Bokim. Naye ya vola, Nda mwanegiridza kutwula mkivala kya Egepeti, na mali kumuleta kuduka mu kivala kya ndisuhira avaguga venyu; nda vola, Ligali si ndononnya lilagana lyange lya nda lagana nemwinye, mihiga nemihiga:

Vakalagi 6:14

Na Yahova ya mu henza, na a mu volera, U tsie netsingulu tsitsyo yitsi, kuhonnya Israeli ku mukono gwa Vamidiani: inze si nda ku tuma?

1 Samweli 1:20

na ga duka, lwa inyinga ya duka, Hana ya vereka, na yivula mwana muyai; na ya mu gulika lieta lilye Samweli, ya vola, Kigira nda mu saalira ku Yahova.