Vahebraina 9:4 - KITABU KITAKATIFU

⁴ li veye nobwali bwekimuli bwethahabu, nelisanduku lyelilagana lya kunikwa ithahabu hosi, lya li mu nekikopo kyethahabu kya li mu namana, nempimbo ya Haruni ya sebukd, nevibao vyamalago;

Vahebraina 9:4 ပူးပေါင်းရင်းမြစ်များ

1 Avami 7:50

nevikombe, nevyokulomba tsitaya, netsimbaagu, nevivango, nevyanzaliru, vya li vyethahabu indahi; nevyokugumira miliango gyenyumba vyo mugati na ya hatakatifu, nemi liango gyenyumba, i veye litempeli, vya li vyethahabu.

1 Avami 8:21

Kandi nombi hange helisanduku, li veye mu namalago ga Yahova ya lagana na vaguga vetu, lwa ya va leta kutwula mu kivala kya Egepeti.

1 Avami 8:9

Si ha li nekindu mu lisanduku ni vi ta li vibao viviri vyamagina vya Musa ya vika mu lwa va li Horebu, ha Yahova ya lombera lilagana navana va Israeli, lwa va twula mkivala kya Egepeti.

2 Kyetsinyinga 5:10

Si ha li nekindu mu lisanduku, ni vi ta li vibao viviri vya Musa ya vikira mu ha Horebu, inyinga Yahova ya lomba lilagana navana va Israeli, lwa va twula Egepeti.

Kutwula 26:33

Na u la sunga ingubo yokukinga zana isi wevibohero, na u la leta lisanduku lyelilolekidza nokulivika mu inyima wengubo yokukinga: na ingubo yokukinga i la va kyokwavukanya hagati hobutakatifu na ha butakatifu hobutakatifu.

Kutwula 31:18

Na Yahova lwa ya mala kuvolerana na Musa mu kigulu kya Sinai ya mu ha vibao viviri vyelilolekidza vibao vya magina, vya Nyasaye ya ng'oda nekidete kikye.

Kutwula 32:15

Na Musa ya girunkana, na a sulunguta kutwula mu kigulu, na ya li nevibao viviri vyelilolekidza mu mukono gwigwe; vibao, ivya li ni vya ng'odwa tsimbega tsyavyo vyombi; vya ng'odwa ku luvega yilu noku lundi.

Kutwula 34:29

Na ga duka, lwa Musa ya sulunguta kutwula mu kigulu kya Sinai nz vibao viviri vyelilolekidza mu mukono gwa Musa, lwa ya sulunguta kutwula mu kigulu, Musa si ya manya ligodo lyomumoni mwime lya ng'ereng'ana kigira livolerana lilye naye.

Kutwula 37:25

Kandi ya lomba ubwali bwokuvuyidza kimuli bwomusala gwe kikuma: ubutambi bwabwo bwa li ligera lyomukono mulala, na ubugalamu bwabwo bwa li ligera lyomukono mulala, bwa li ubuleng'anu, na ubudiguluku bwabwo bwa li ligera lyamakono gaviri; na tsinziga tsyabwo tsya li tsyekindu kilala nabwo.

Kutwula 39:35

na lisanduku lyelilolekidza, na misala gyokuginga gyalyo, na intebe yetsimbabasi;

Kutwula 40:3

Na u la vika mu lisanduku lyelilolekidza, na u la kinga lisanduku nengubo yokukinga.

Kyavalevi 16:12

na a la vugula kituva kyethahabu kizula amanda gomuliru gwobwali bu veye imbiri wa Yahova, na makono gege gizula kimuli kinolu kyanyukwa na, a la vi hila muse mwengubo vokukinga:

Livalidza 17:10

Na Yahova ya volera Musa Vika kandi impimbo ya Haruni imbiri welilolekidza, i lindwe kuva kilolekidzu ku avana vobwebaali; u duke kuheridza limonya lyavo ku inze, va vule kukudza.

Livalidza 17:5

Na ga la duka, impimbo yomundu uyu wa nda tovola i la sebuka: na nda heridza imbiri wange, limonya lya avana va Israeli, lya va monyanga mwinye.

Livalidza 17:8

Kunangwa mugamba, Musa yingira mu lihema lyelilolekidza; na, henza, impimbo ya Haruni ya li ku inyumba ya Levi ya sebuka, na i kola visibu, nokulavidza vimuli, nokwama ububia bwetsinzoli.

Kwidzulitsa 9:11

Na ga duka ku kiheri kyelidiku li kola makumi gane ubudiku nombasu, Yahova ya mba vibao viviri zana vyamagina, navyo vi veye vyelilagana.

Kwidzulitsa 9:9

Lwa ndanegira mkigulu kuvugula vibao vyamagina, navyo vi veye vibao vyelilagana lya Yahova ya kola nemwinye, hene yaho nda menya mu kigulu madiku makumi gane, mbasu nobudiku; nda vula kulia vyokulia kinga kunwa madzi.

Likunula 11:19

Kandi litempeli lya Nyasaye li veye migulu ligulwa; kandi lisanduku lyamalago gege lya loleka mu litempeli lilye; kandi vya londa tsimpeni, nemyoyo, netsinkupa, nelidegera lyelirova, nembula yamagina manene.

Likunula 8:3

Kandi ingelosi wundi yadza na a singira imbiri wobwali, wekituva kyethahabu; kandi ya hebwa kimuli kinyingi a duke kumeda nakyo lisaala lyavatakatifu vosi ku bwali bwethahabu obwa li imbiri wentebe.