Vahebraina 9:28 - KITABU KITAKATIFU

²⁸ kandi ndiyo Kristo u mali kuhaanwa inyinga indala a duke kuhila ubwoni bwavandu vanyingi, inyinga ya kaviri a la loleka ku yavo ava mu lindirira nobwizamiri, kuduka ku buhonnyi, ni yelehi ubwoni.

Vahebraina 9:28 ပူးပေါင်းရင်းမြစ်များ

Isaya 25:9

Mu lidiku yilyo ga la volwa Henza, Uyu ni Nyasaye wetu; ku mu lindiriye, naye a la ku honnya: uyu ni Yahova; ku mu lindiriye, ku la lola bulahi nokusangalira ubuhonnyi bwibwe.

Kyavalevi 10:17

Kigira ki mu vuli kulia kihaanwa kyobwoni hango hatakatifu, kigira ki veye kitakatifu, Naye ya mu ha mu duke kuginga lihyolo lyelivugana, kuvalombera kyokukunika kyobwoni imbiri wa Yahova?

Zekaria 14:5

Na mwinye mu liruka mwivona lyevigulu vyange; kigira livona lyevigulu zana li la duka Azeli; yee, mu liruka, kuli mwiruka imbiri welidegera lyekivala mu madiku ga Uzia mwami wa Yuda; na Yahova Nyasaye wange a ladza, na vatakatifu vosi va la va halala nive.

Livalidza 18:1

Na Yahova ya volera Haruni, Ive na avana vovo na inyumba ya vaguga vovo halala na ive, mu la ginga ubudamano bwa hatakatifu; na ive na avana vovo halala na ive mu la ginga ubudamano bwobusalisi bwenvu.

Livalidza 18:23

Navutswa Avalevi va la tumika ubutumiki bwelihema lyokuvuganira mu, navo va la ginga ubudamano bwavo: yili li la va lilaga lyemihiga nemihiga mu visukululwi vyenyu vyosi; navo si va la va nemiyandu mu avana va Israeli.

Livalidza 7:33

nekimoli kilala kigiriki, neligondi lilala likole, nomwana weligondi mulala, mukole womuhiga mulala, kuva kihaanwa kyokusambwa;

Matayo 20:28

kuli Mwana wa Adamu si yadza kutumekirwa, navutswa kutumekira, nokuhaana liva mwoyo lilye li ve litungira lya vanyingi.

Matayo 25:31

Navutswa inyinga Mwana wa Adamu a lidza mu bukumi bwibwe, netsingelosi vosi halala naye, hene yaho a likala ku intebe yobukumi bwibwe.

Matayo 26:28

kigira yaga namasahi gange gelilagana, aga sundulirwa avanyingi kuduka ku busamehi bwobwoni.

Yohana 14:3

Kandi ni mba ni ntsia kumulombera ubugono, nzidza kandi, kandi nda mwingiridza inze mwene; ha mbeye inze, mwinye kandi mu ve ho.

Vikolwa 1:11

ni va va volera, Mwinye avandu ve Galilaya, kigira ki mu singira mu henza migulu? Yesu uyu wingeridzeywi migulu kutwula ku mwinye, a lirana kandi kuli mwinye mu mu loli na a tsia migulu.

Varumi 3:25

wa Nyasaye ya lang'a minya a ve kyokwisayasayira, ku lisuuvira mu masahi gege. Kigira yaga Nyasaye a lolekidza ubulung bwibwe ku litwulidza bwoni bwembiri ku mwoyo, mu bwikudziri bwibwe

Varumi 5:15

Navutswa kihaanwa si ki veye kuli lihyola lva li. Kigira avanyingi ni va kudza ndi ku lihyola lyomulala, ligali kuvita tsimbabasi tsya Nyasaye nekihaanwa mu tsimbabasi tsyomundu mulala, Yesu Kristo, ki la kira ku vanyingi.

Varumi 6:10

Kigira likudza lya ya kudza, ya gwa mukudzu ku bwoni lulala: navutswa livamwoyo lya a veye mwoyo, a veye mwoyo ku Nyasaye.

Varumi 8:23

Navutswa si ga li yaga geng'ine, navutswa kwinye kandi ava ku veye nobuhya bwa Roho, kali kwinye ku kenyanga avene, ku lindirira libugirirwa kuva avana, nalyo nobuhonnyi bwemibiri gyetu.

Varumi 8:3

Kigira agelilaga lya vula kunyala kukola, kigira lya li lidede kere kigira liva lyomubiri, Nyasaye ya tuma Mwana wewe ligali na a fwana mubiri gwobwoni, kandi kigira ubwoni, na a kalaga ubwoni mu mubiri:

1 Vakorintho 1:7

mwinye mu duke kuvula kugehera kihaanwa kali kilala; mwinye mu veye mu lilinda li lang'aminywa lyo Mwami wetu Yesu Kristo;

1 Vakorintho 15:54

Navutswa ubwoneku yibu lwa bu li mala kuvikwa livula kwoneka, ka ndi lihambana nelikudza lwa li la mala kuvikwa li vula kukudza, hene yaho li la duka livola lya ng'odwa yili, Likudza li mireywi mu liguutwa

1 Vatesalonike 1:10

no kulindirira Mwana wewe kutwula migulu wa ya simugukidza kutwula mu vakudzu naye ni Yesu, u honnya kwinye mu butima buudzanga.

2 Vatesalonike 2:1

Kalunu ku goonya mwinye, avamitu, ku makuva gelidza lyo Mwami wetu Yesu Kristo, noku livugannywa lyetu kuye;

2 Timoteo 4:8

Lwenyima mbikeywi itaji yobulungi, yo Mwami mukalagi wobulungi, a li mpa mu lidiku yilyo; navutswa si a li inze tsyeng'ine navutswa yava vosi ava yanza lilang'ama lilye.

Tito 2:13

ku henzerere lisuuviridzwa lyobugasu, nelilang'ama lyobukumi bwa Nyasaye munene no Muhonnyi wetu Yesu Kristo;

Vahebraina 1:14

Yavo vosi si va veye roho gyobutumwa, gyi tumangwa gyi duke kutumekira yava ava li lia miyandu gyobuhonnyi?

Vahebraina 10:10

Kigira ubulaliri bwibwe kwinye ku takaseywi ku kihaanwa kyomubiri gwa Yesu Kristo inyinga indala eng'ine.

Vahebraina 12:14

Navutswa mwenye kuva nemirembe ku vandu vosi, kandi mwenye ubutakatifu, mundu na a vula kuva nabwo, si a li lola Mwami mba:

Vahebraina 2:3

kwinye ku la hona ndi ni ku va ni ku legeridza ubuhonnyi ubunene ndi? Bwo Mwami ya tanga kuvola, kandi bwa yava ava bu hulira va bu kola bwetsingulu ku kwinye;

Vahebraina 4:15

Kigira si ku veye nomusalisi munene u ta nyala kuverera ku budedekere bwetu; navutswa uyu wa geridzwa mu vindu vyosi kuli kwinye, navutswa bugira ubwoni.

Vahebraina 5:9

lwa ya kolwa mudukiru ya gwa mulombi wobuhonnyi bwemihiga nemihiga, ku vosi ava mu huliranga,

Vahebraina 7:27

u ta li nelyenya kazozo, kuli avasalisi vanene yavo, va tange kwihaanira visyuviriru kigira ubwoni bwavo avene, na kandi kigira ubuoni bwavandu: kigira ya kola yili inyinga indala vutswa, lwa yehaana mwene.

Vahebraina 9:25

navutswa si ya li yehaana mwene hali kanyingi, kuli musalisi munene yingiranga mihiga gyosi mu hatakatifu, namasahi aga ta li agege;

1 Petro 2:24

Mwene ya ginga ubwoni bwetu mu mubiri gwigwe ku musala, kuduka kwinye ku mali kukudza ku bwoni, ku ve mwoyo ku bulungi; wa mwa honnyirwa ku likuywa lilye.

1 Petro 3:18

Kigira Kristo kandi ya salira kigira ubwoni inyinga indala, mulungi ya salirira ava ta li avalungi, a duke kukuleta ku Nyasaye; wiiteywi ku mubiri, nokukolwa mwoyo ku roho.

2 Petro 3:12

mu lindirire nokukayirwa ligali lidza lyelidiku lya Nyasaye, kigira yilyo ligulu li la timbululwa ku lyaaka muliru, nevindu vya kale vi li saluluka ku muliru munene?

1 Yohana 3:2

Avayanze, kalunu ku veye avana va Nyasaye, kandi ki kikiri kulolekidzwa kya ku la va, navutswa ku manya, lwa a li lolekidzwa ku la fwanana naye; kigira ku la mu lola kuli a veye.

1 Yohana 3:5

Kandi mu manya ya lolekidzwa kutwulidza ubwoni bwetu; kandi ubwoni si bu veye muye.

Yudasi 1:21

mwelinde mu buyanzi bwa Nyasaye, nokuhenzerera tsimbabasi tsyo Mwami Yesu Kristo kuduka ku livamwoyolyemihiganemihiga.

Likunula 1:7

Henza, yadza mu malesi; kandi tsimoni tsyosi tsi la mu lola, kandi ava mu tumita; kandi tsihiri tsyosi tsyelirova tsi la lira kuye. Yee, Amini.