Vahebraina 9:26 - KITABU KITAKATIFU

²⁶ kandi ga va ndiyo nkano ga mu dukira kusalira hali kanyingi kutwula inyinga lirova lya lombwa muse: navutswa kalunu u lang'aminyeywi inyinga indala, mu budukiru bwetsinyinga, kutwulidza ubwoni ku lyehaana mwene.

Vahebraina 9:26 ပူးပေါင်းရင်းမြစ်များ

2 Samweli 12:13

Na Daudi ya volera Nathan, Nkoleye Yahova ubwoni. Na Nathan ya volera Daudi, Yahova u twulidzi ubwoni bubwo; u la vula kukudza.

2 Samweli 24:10

Nomwoyo gwa Daudi gwa mu duya inyima wokuvalidza avandu. Daudi ya volera Yahova Inze nkoli ubwoni ligali kigira nkoli inkuva yiyi: navutswa kalunu O Yahova, nku goonya ligali, u twulidze budamano yibu ku mutumekiri wowo; kigira ligali nda kola gobusiru.

Ayubu 7:21

Kandi kigira ki u vula kusameha mahyolo gange, nokutwulidza budamano bwange? Kigira kalunu nda gona hasi mu lugukyi? Na ive u la nyenya ligali, navutswa si nda va ho mba.

Zaburi 103:12

Kuli ivugwe yavukani ihale ne madioli, Ni ndiyo yavukannyi ubudamano bwetu na kwinye.

Isaya 2:2

Mmadiku gekiheri, kigulu kyenyumba ya Yahova ki la singeridzwa ku tsisonga tsyevigulu, nokugingwa igulu kuvita vigulu; na tsihiri tsyosi tsi la tsia ku tsimbiru.

Danyeli 10:14

Kalunu nduki ku kumannya aga li gwira avandu vovo mu madiku gekiheri; kigira madiku ge lilola ga kikiri amanyingi.

Danyeli 9:24

Masidza makumi gatano na gaviri ga lageywi ku avandu vovo noku lidala litakatifu lilvo, kutwekidza mahyolo, nokuheridza ubwoni, nokukola kyokukunika ubwoni, nokuleta ubulungi bwemihiga nemihiga, nokuvika muhuri ku malola noku buprofeti, noku vaka maguta hatakatifu hokuvita.

Mika 4:1

Navutswa mu madiku gekiheri ga la va, kigulu kyenyumba ya Yahova ki la dinyeridzwa ku isonga yevigulu, na ki la nenehidzwa kuvita tugulu; navandu va la ng'unyana mukyo.

Matayo 13:39

na musigu wa ga midza ni Setani: na ligesa ni kiheri kyenyinga; na vagesi ni tsingelosi.

Matayo 13:40

Kuli mavanze ga vungidzwa halala ni ga sambwa mu muliru, ga la va ndiyo mu kiheri kyenyinga yiyi.

Matayo 25:34

Ma Mwami a la volera ava veye ku mkono mulungi, Mudze, avagasu va Dada wange, mu nyole miyandu gyo ubwami bwa mwa lomberwa kutwula inyinga yelirova lya lombwa:

Yohana 1:29

Mugamba ya lola Yesu yadza kuye, na a vola, Henza Mwana weligondi wa Nyasaye, u hila ubwoni bwavomkivala

Yohana 17:24

Yava ava wa mpa, Dada, ha mbeye inze nyenya yava va ve ho, va duke kulola ubukumi bwange, bwa wa mpa: kigira wa nyanza, lirova li kikiri kutemwa muse.

1 Vakorintho 10:11

Kunangwa vindu yivi vyosi vya va gwira vi ve viloleru; kandi vya ng'odwa kigira lyeganehidzwa lyetu, avekiheri kyenyinga ki dukira.

Vagalatia 4:1

Navutswa mbola, tsinyinga tsyosi wemiyandu na a veye ho mwana si a li nelyavukana nomutugwa kali na a veye mwami wa vosi;

Vafeso 1:10

kuduka lilohidza lyetsinyinga tsyobudukiru, kuvungidza vindu vyosi mu Kristo, vindu vyomigulu, kandi vya hasi; ryosi muye, mbola.

Vafeso 5:2

kandi mu gende mu buyanzi, kuli Kristo kandi ya mu yanza, na a haana livamwoyo lilye kigira kwinye, kihaanwa nesadaka ya Nyasaye i veye mwayu gwelifunya lilahi.

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

Vahebraina 1:2

kalunu mu madiku yaga, u voleye kwinye mu Mwana wewe, wa ya vika kuva wemiyandu gyevindu vyosi, kandi wa ya lomba naye tsinyinga tsyosi.

Vahebraina 10:10

Kigira ubulaliri bwibwe kwinye ku takaseywi ku kihaanwa kyomubiri gwa Yesu Kristo inyinga indala eng'ine.

Vahebraina 10:12

navutswa uyu, inyinga ya mala kuhaana kisyuviriru kilala kigira ubwoni kuduka mihiga gvosi yikala ha mukono mulungi gwa Nyasaye;

Vahebraina 10:26

Kigira ni ku va ni ku kola ubwoni ne litovola inyima wa ku vuguye limanya lyageligali, si ha tigala kisyuviriru kyobwoni,

Vahebraina 10:4

Kigira si ga nyalika amasahi getsigiriki na getsimbuli kutwulidza ubwoni.

Vahebraina 4:3

Kigira kwinye ava ku mali kusuuvira kwingiye mu bwelemeridzi zana; kuli wa ya vola Kuli ndisuha mu livihirirwa lyange, Si va lingira mu bwelemeridzi bwange: kali miyinzi gya twekidzwa kutwula lwa lirova lya lombwa muse.

Vahebraina 7:27

u ta li nelyenya kazozo, kuli avasalisi vanene yavo, va tange kwihaanira visyuviriru kigira ubwoni bwavo avene, na kandi kigira ubuoni bwavandu: kigira ya kola yili inyinga indala vutswa, lwa yehaana mwene.

Vahebraina 9:12

naho si li veye ku masahi getsimbuli nagevimoli, navutswa ku masahi gege mwene, yingira inyinga indala eng'ine hatakatifu, u nyoye ubutungiri bwemihiga nemihiga.

Vahebraina 9:14

nasindi masahi ga Kristo ga duka ndi, wehaana ku Roho wemihiga nemihiga, bugira kindu kuye, ni yeha Nyasaye, si ga la takasa myoyo gyenyu kuleka miyinzi mikudzu kuduka kutumekira Nyasaye welivamwoyo?

1 Petro 1:20

wa tanga kumanyekana ligali inyinga lirova lya li li kikiri kutemwa muse, navutswa ya lang'aminywa ku kiheri kyetsinyinga kigira mwinye,

1 Petro 2:24

Mwene ya ginga ubwoni bwetu mu mubiri gwigwe ku musala, kuduka kwinye ku mali kukudza ku bwoni, ku ve mwoyo ku bulungi; wa mwa honnyirwa ku likuywa lilye.

1 Petro 3:18

Kigira Kristo kandi ya salira kigira ubwoni inyinga indala, mulungi ya salirira ava ta li avalungi, a duke kukuleta ku Nyasaye; wiiteywi ku mubiri, nokukolwa mwoyo ku roho.

1 Petro 4:7

Navutswa kiheri kyevindu vyosi ki veye himbi: kigira yaga mu ve nobugeeri ubulamu, nokulindidza myoyo kuduka mu lisaala:

1 Yohana 3:5

Kandi mu manya ya lolekidzwa kutwulidza ubwoni bwetu; kandi ubwoni si bu veye muye.

1 Yohana 3:8

u kola ubwoni a twula ku Setani, kigira Setani a kola ubwoni kutwula mu litanga. Mwana wa Nyasaye ya lolekidzwa kigira yago, kwononnya miyinzi gya Setani.

Likunula 13:8

Navo vosi ava menya mu lirova va la gi sigamira vosi avameta gavo ga vula kung'odwa mu kitabu kyelivamwoyo kyo Mwana Weligondi wiitwa, kutwula lwelirova lya lombwa muse.

Likunula 17:8

Inyama ya wa lola ya li ho, si i veye ho; kandi i veye himbi kutwula mu bogo nokutsia mu lidiva. Kandi ava menya ku lirova va la genya, vava avelieta lyavo lya vula kung'odwa mu kitabu kyelivamwoyo kutwula inyinga lirova lya lombwa muse, inyinga va lola inyama, kuli wa ya li ho, kandi ai ya veye ho, kandi a la va ho.