Kandi u la lomba imeza yetsimbao tsye kikuma: ubutambi bwayo bu la va ligera lyamakono gaviri, nobugalamu bwayo bu la va ligera lyomukono mulala, nobudiguluku bu la va ligera lyomukono mulala na inusu.
Kandi u la lomba kinara kyetaya kyethahabu indahi: kinara kyetaya ki lombwe nemiyinzi gyokutuula, bwikaliru bwakyo, nomusala gwakyo; na tsitaya tsyakyo, na vikombe vyakyo, na vimuli vyakyo, vyosi vi la va vyekindu kilala:
Kandi u la lomba lihema li ve netsingubo tsyokukinga likumiu tsi lombe ku ingubo yekatani indahi, na yeligondo lya iblue, na kiforosadi, na inzakanyu, halala na vakerubi vemiyinzi gyomusidza ligali.
Na u la sunga ingubo yokukinga zana isi wevibohero, na u la leta lisanduku lyelilolekidza nokulivika mu inyima wengubo yokukinga: na ingubo yokukinga i la va kyokwavukanya hagati hobutakatifu na ha butakatifu hobutakatifu.
Na u la vika imeza imbiri wengubo yokukinga ku luvega lwekyova, na kinara kyetaya kuhenzana nemeza ku luvega lwelihema kukagata kusini: na u la vika imeza ku luvega lwekasikasini.