Vahebraina 9:14 - KITABU KITAKATIFU

¹⁴ nasindi masahi ga Kristo ga duka ndi, wehaana ku Roho wemihiga nemihiga, bugira kindu kuye, ni yeha Nyasaye, si ga la takasa myoyo gyenyu kuleka miyinzi mikudzu kuduka kutumekira Nyasaye welivamwoyo?

Vahebraina 9:14 ပူးပေါင်းရင်းမြစ်များ

2 Samweli 4:11

Nasindi, lwa avadamano viita mulungi mu inyumba yeye ku kitali kikye, inze nda vula kuvanza kisalya kyamasahi gege ku mukono gwenyu, nokutwulidza mwinye ku lirova?

2 Avami 19:16

Tegidza ugutu gugwo, O Yahova, u hulire; kunula tsimoni tsitsyo, O Yahova, u lole; u hulire makuva ga Senakeribu, aga ya mu tuma yadza nago kunyega Nyasaye u veye mwoyo.

Ayubu 15:16

Nasindi mulala wokuvihiriridza nomudamano, Mundu u nwedzanga budamano kuli a nwedzanga madzi

Zaburi 51:2

U nzogidze ligali ubudamano bwange Na u ndavidze ubwoni bwange.

Kutwula 12:5

Na mwana weligondi lyenyu li la va lidukanu, bugira kindu kidamano likole lyomuhiga mulala: mu la ii vugula mu magondi, kinga mu tsimbuli:

Isaya 42:1

Henza, mutumwa wange, wa ndiranga; mutovole wange, womwoyo gwange gu sangalira muye: nda vika kuye Roho wange; naye a la letera Avetsihiri likalaga.

Isaya 53:9

Va mu lombera kilindwa halala navadamano, kandi halala na mutugi mu likudza lilyekali ni ya vula kukola kirage, kandi si ha li nobugadi mmunwa gwigwe.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 61:1

Roho wo Mwami Nyasaye a veye ku inze; kigira Yahova u mbaki maguta nduke kwilwadzira avahokya makuva malahi; ya nduma kwahira avavunika mmyoyo, kulandidzira avahambe libohololwa lyavo, nokwigulirwa mu buhambe yavo avabofwa;

Jeremia 10:10

Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

Ezekieli 45:18

Mwami Nyasaye a vola ndi: Mu mueli gwokutanga, ku lidiku lyo kutanga lyomweli, u la vugula kimoli kigiriki kidukiru; na u la takasa hatakatifu.

Danyeli 6:26

Inze mbaana munwa, mu bwami bwange bwosi, avandu va degere nokutia imbiri wa Nyasaye wa Danyeli; kigira a veye Nyasaye u veye mwoyo, na a hindi ranga mihiga nemihiga, na ubwami bwibwe nibwo bu li vula kudividzwa; na ubwami bu la menya kuduka ku kiheri:

Kyavalevi 22:20

Navutswa ku mitugu gyosi yigu gu veye nobulema, mu ta gu leta mba: kigira si gu la bugirirwa ku mwinye mba.

Livalidza 28:11

Kandi mu butangiru bwemiyeli gyenyu mu la leta ku Yahova kihaanwa kvokusambwa: nakyo ki la va tsing'ombe tsigiriki tsiviri tsisoleli, na ligondi lilala likole, na vimeme vyamagondi vikole vitano na viviri vidukiru:

Livalidza 28:3

Na u la va volera, Yiki nikyo kihaanwa ki lombwa nomuliru, kya mu li letera Yahova: vimeme vyamagondi vikole vyomuhiga mulala vidukiru, viviri ku lidiku nelidiku, kuva kihaanwa kyokusambwa kya madiku gosi.

Livalidza 28:9

Na ku lidiku lya lisabato vimeme vyamagondi viviri vikole, vyomuhiga mulala vidukiru, halala na vidieli viviri vyelikumi vyefa yobusie bunyuki kuva kihaanwa kyobusie ki tsukanywa namaguta, na kihaanwa kyokunwa kyavyo:

Matayo 12:28

Navutswa inze ni ntwulidza amademone na Roho wa Nyasaye, kunangwa ubwami bwa Nyasaye bu duki ku mwinye.

Matayo 16:16

Simoni Petro ya tivula, na a vola, Ive u veye Kristo, Mwana wa Nyasaye weliva mwoyo.

Matayo 20:28

kuli Mwana wa Adamu si yadza kutumekirwa, navutswa kutumekira, nokuhaana liva mwoyo lilye li ve litungira lya vanyingi.

Matayo 7:11

Mwinye ava veye avadamano, ni mu manya kuha avana venyu vindu vilahi, nasindi Dada wenyu u veye migulu a la kira kuhaana vindu vilahi kuvo ava msaala?

Luka 1:74

Nokukuha ku honnywe ku twule mu makono gavasigu vetu, Ku nyale kumutumekira bugira ubutii,

Luka 12:24

Mu henze amajikolo, si ga midza, kandi si ga gesa; kandi ga ta li nekideera, kinga ligungi; navutswa Nyasaye a ga hedza vyokulia: na si ndi mwinye mu vita amanyonyi

Luka 12:28

Navutswa Nyasaye na a va ni yavala ubulimu bwomulimi bu veye ho lero, na mugamba bu tebwa mu kisambiru; na si ndi mwinye, mwinye avelisuuvira likekeke?

Luka 4:18

Roho wo Mwami a veye ku inze, Kigira ya mbaka maguta nzilwadzire avadaka amakuva malahi: Ya ntuma kuvolera avahambe lilakulwa lyavo Kandi likunulwa lyetsimoni tsyavaboku, Kandi kuboholola ava kindukidzwa,

Yohana 3:34

Kigira uyo wa Nyasaye ya tuma a vola amakuva ga Nyasaye: kigira Nyasaye si a mu ha Roho nekigero.

Vikolwa 1:2

kuduka ku lidiku lya yingiridzwa migulu, inyima ya ya mala kuheera avatumwa ava ya tovola, lilaga ku Roho Mutakatifu.

Vikolwa 10:38

Yesu wa Nazareti kuli Nyasaye ya mu vaka Roho Mutakatifu netsingulu: wa vodonkana na a kola bulahi, na a honnya vosi ava Setani a legerera, kigira Nyasaye ya li halala naye.

Vikolwa 14:15

ni va vola, Mwinye avasatsa, kigira ki mu kola vindu yivi? Kwinye ku veye avandu kuli mwinye, kwinye ku mwilwadzira amakuva malahi, mu leke vindu yivi vyavutswa, mu tumekire Nyasaye welivamwoyo, naye wa lomba ligulu nelirova nenyanza nevindu vyosi vi veye mu.

Vikolwa 15:9

si yavukanya kwinye navo, ni yogidza myoyo gyavo nelisuuvira,

Varumi 1:20

Kigira vindu vivye vi ta loleka kutwula inyinga yelirova lya lombwa, vi loleka ligali, kigira vi manyekana ku vyalombwa, navyo vi veye tsingulu tsitsye tsyemihiga nemihiga nobunyasaye bwibwe; va vule kuva nekya va tivula.

Varumi 1:4

kandi wa lang aminywa kuva Mwana wa Nyasaye netsingulu, ku lugano lwa roho wobutakatifu, nelisimuguka kutwula mu vakudzu; Yesu Kristo Mwami wetu.

Varumi 11:12

Kunangwa, ligwa lyavo ni li va ni li veye ubutugi bwelirova, kandi ubugeheru bwavo ni bu va ni bu veye ubutugi bwe Tsihiri nasindi ubuhinda bwavo bu la va ndi?

Varumi 11:24

Kigira ive nu u va nu u temagwa kutwulidzwa ku mzeituni gwomulitu gwa kale, nokuhambannywa ku mzeituni mu lahi ku miima gu ta li gwa kale; nasindi yitsi tsya kale tsyene tsi la vula ndi kuhambannywa?

Varumi 6:13

Kandi mu ta hila vivero vyenyu mu bwoni, kuli viju vyobwoneku; navutswa mwihile ku Nyasaye, kuli ava veye mwoyo kutwula mu vakudzu, ne vivero vyenyu vi ve kuli viju vyobulungi ku Nyasaye.

Varumi 6:22

Navutswa kalunu, ni mu mali kukolwa ndi avaboholole kutwula ku bwoni kugwa avatugwa va Nyasaye, mu veye namakuyu kuduka ku butakatifu, nekiheri ki veye livamwoyo lyemihiga nemihiga.

1 Vakorintho 15:45

Kandi ndiyo ga ng'odwa, Mundu wembiri Adamu ya gwa mwika gwelivamwoyo. Adamu wenyima ya gwa roho gu haana livamwoyo.

2 Vakorintho 5:21

Uyu wa vula kumanya bwoni ya mu kola kuva ubwoni kigira kwinye; kwinye ku duke kuva ubulungi bwa Nyasaye.

2 Vakorintho 6:16

Kandi litempeli lya Nyasaye li veye nobuhambani ki nemisambwa? Kigira kwinye ku veye litempeli lya Nyasaye welivamwoyo; kuli Nyasaye ya vola, Nda menya muvo, kandi nda genda muvo; kandi nda va Nyasaye wavo, navo va la va avandu vange.

Vagalatia 2:19

Kigira nda gwa mukudzu ku lilaga kigira lilaga, nduke kuva mwoyo ku Nyasaye.

Vafeso 2:5

kali inyinga kwa li avakudzu kigira mahyolo getu, ya ku ha livamwoyo halala na Kristo (mu honnyeywi netsimbabasi),

Vafeso 5:2

kandi mu gende mu buyanzi, kuli Kristo kandi ya mu yanza, na a haana livamwoyo lilye kigira kwinye, kihaanwa nesadaka ya Nyasaye i veye mwayu gwelifunya lilahi.

Kwidzulitsa 15:21

Ni ki va ni ki veye kilema, kisegera, ki veye kiboku, kinga kyobulema budamano ku bwosi, u ta ki haana ku Yahova Nyasaye wowo mba.

Kwidzulitsa 17:1

U tiitira Yahova Nyasaye wowo ing'ombe, kinga ligondi, vi veye nobulema, kinga kindu kidamano kuvyo; kigira yili ni livihiriridza ku Yahova Nyasaye wowo.

Kwidzulitsa 31:27

Kigira mmanya ubutingu bubwo, neligoti lilyo lidinyu: henzi, inze nkikiri myoyo halala nemwinye lero mu gwiye avatingu ku Yahova, nasindi lwa mmala kukudza?

Kwidzulitsa 33:27

Nyasaye wemihiga nemihiga niye ubumenyo bubzoo, Namakono gemihiga nemihiga ga veye isi wowo. Naye ya twulidza musigu imbiri li wowo, Na a vola, Wononye.

Kwidzulitsa 5:26

Kigira ku mibiri gyosi, ni bwaha wa hulira mwoyo gwa Nyasaye u veye mwoyo, gu vola kutwula hagati ho muliru, kuli kwinye, na a vula kukudza?

1 Vatesalonike 1:9

Kigira avene va vola amakuva getu agolugano lwelingira lyetu ku mwinye; kandi kuli mwa vika ha mugongo misambwa, nokuyeka ku Nyasaye, nokutumekira Nyasaye u veye mwoyo kandi weligali,

1 Timoteo 1:17

Kalunu ku Mwami u ta hera mba, kandi u toneka, kandi u ta lolekanga, u veye Nyasaye mulala yeng'ine, lidzominywa nobukumi bu ve kuve mihiga nemihiga Amini.

1 Timoteo 3:15

navutswa ni mba nindagira, u duke kumanya kuli ga dukira avandu kwivika mu inyumba ya Nyasaye, nayo ni livugana lya Nyasaye welivamwoyo, itiru nomuse gwageligali.

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

Vahebraina 1:3

Uyu u veye bung'ering'anu bwobukumi bwibwe, nelifwana lyolugano lwilwe mwene, kandi u diranga vindu vyosi ku likuva lyetsingulu tsitsye, kandi lwa ya mala kulomba lyogidza lyobwoni, yikala ha mukono mulungi gwo Munene migulu;

Vahebraina 10:10

Kigira ubulaliri bwibwe kwinye ku takaseywi ku kihaanwa kyomubiri gwa Yesu Kristo inyinga indala eng'ine.

Vahebraina 10:12

navutswa uyu, inyinga ya mala kuhaana kisyuviriru kilala kigira ubwoni kuduka mihiga gvosi yikala ha mukono mulungi gwa Nyasaye;

Vahebraina 10:2

Ni ga ta veye ndiyo nkano si vya leka kuhaanwa? Kigira ava sigamiranga ni va mali kutakaswa inyinga indala nkano va vula kuva nomwoyo gwokumanya bwoni kandi.

Vahebraina 10:22

kwisunde himbi nomwoyo gweligali nomu lisuuvira lyobudukiru, ku veye nemyoyo gyetu gyuheywi kutwulidza mwoyo mudamano; nomubiri gwetu gwogidzwa namadzi malahi,

Vahebraina 11:21

Ku lisuuvira Yakobo, lwa iya kudzanga, ya gasidza avana va Yosefa sa mulala; na a sigama lwa yidira ku impimbo yeye.

Vahebraina 13:12

Kigira yaga Yesu kandi, a duke kutakasa avandu kigira masahi gege, ya salirira kyova wolugaga.

Vahebraina 3:12

Henzi, avamitu, gase mwoyo mudamano gwelivula kusuuvira gu la va mu mulala ku mwinye, ku ligirunkana nokuleka Nyasaye u veye mwoyo.

Vahebraina 6:1

Kigira yaga ku leke likuva lyokutanga lya Kristo, kwisunde imbiri kuduka ku budukiru; ku ta tema kandi muse gundi gwelyeganira kutwula ku miyinzi mikudzo, nogwelisuuvira ku Nyasaye,

Vahebraina 7:16

u vuli kukolerwa musalisi ku lugano lwomunwa gwelilaga lyomubiri, navutswa ku tsingulu tsyelivamwoyo li ta li nekiheri:

Vahebraina 7:27

u ta li nelyenya kazozo, kuli avasalisi vanene yavo, va tange kwihaanira visyuviriru kigira ubwoni bwavo avene, na kandi kigira ubuoni bwavandu: kigira ya kola yili inyinga indala vutswa, lwa yehaana mwene.

Vahebraina 9:12

naho si li veye ku masahi getsimbuli nagevimoli, navutswa ku masahi gege mwene, yingira inyinga indala eng'ine hatakatifu, u nyoye ubutungiri bwemihiga nemihiga.

Vahebraina 9:26

kandi ga va ndiyo nkano ga mu dukira kusalira hali kanyingi kutwula inyinga lirova lya lombwa muse: navutswa kalunu u lang'aminyeywi inyinga indala, mu budukiru bwetsinyinga, kutwulidza ubwoni ku lyehaana mwene.

Vahebraina 9:7

navutswa mu lihema lya kaviri, musalisi munene yingira yeng'ine, ku muhiga inyinga indala, si yingira bugira masahi, aga yehaanira mwene, na kigira mahyolo ga avandu.

Vahebraina 9:9

li veye lugano olwenyinga ya kalunu; mu lugano yilu tsisadaka nevisyuviriru vi haanangwa ivi ta nyala kukola mwoyo gwa u sigamiranga kuva mudukiru,

1 Petro 1:19

navutswa ku masahi malahi kuli agomwana weligondi, u ta li nekindu kuye kidamano, u ta li nembala, ga veye ga Kristo:

1 Petro 2:22

wa vula kukola ubwoni, kandi wa vula kunyoleka ubugadi mu munwa gwigwe:

1 Petro 2:24

Mwene ya ginga ubwoni bwetu mu mubiri gwigwe ku musala, kuduka kwinye ku mali kukudza ku bwoni, ku ve mwoyo ku bulungi; wa mwa honnyirwa ku likuywa lilye.

1 Petro 3:18

Kigira Kristo kandi ya salira kigira ubwoni inyinga indala, mulungi ya salirira ava ta li avalungi, a duke kukuleta ku Nyasaye; wiiteywi ku mubiri, nokukolwa mwoyo ku roho.

1 Petro 4:2

kunangwa kutwula kalunu tsinyinga tsyenyu tsi tigaye mu mubiri, mu ta menya mu likayirwa lyavandu, navutswa mu bulaliri bwa Nyasaye.

1 Yohana 1:7

navutswa ni ku genda mu bulavu kuli a veye mu bulavu, kwinye ku veye nelisanga avene na avene, kandi masahi ga Yesu Kristo Mwana wewe ga kwogidza ubwoni bwosi.

1 Yohana 3:5

Kandi mu manya ya lolekidzwa kutwulidza ubwoni bwetu; kandi ubwoni si bu veye muye.

Likunula 1:5

kandi gyi twulanga ku Yesu Kristo, u veye muloli musuuvirifu, nowa tanga kwivulwa wavakudzu, nomunene wavami velirova. Kuye u ku yanzanga, kandi ya ku boholola namasahi gege kutwula mu bwoni bwetu,

1 Samweli 17:26

Ma Daudi ya volerana navandu ava singira ifimbi, na a va teva, U nyala kwiita Mufilisiti uyu, a la kolerwa ki, na a twulidza linyegwa ku Israeli? Kigira ni bwaha uyu Mufilisiti musindi, a duke kulega amahe go Nyasaye u veye mwoyo?