Vahebraina 8:9 - KITABU KITAKATIFU

⁹ Si ga la va kuli lilagana lya nda kola halala navadada vavo Mu lidiku lya nda gumira amakono gavo kuvemirira va twule mu kivala kya Egepete; Kigira si va menya mu lilagana lyange, Na inze nda va lola si va veye kindu, Mwami a vola.

Vahebraina 8:9 ပူးပေါင်းရင်းမြစ်များ

Litanga 19:16

Navutswa ya lindagira; na avandu yavo va mu gumira mukono, nomukono gwomukali wewe, nomukono gwavakana veve vaviri; Yahova a mu vera tsimbabasi: na va mu twulidza, nokumuvika kyova welidala.

Ayubu 8:20

Henza, Nyasaye si a la ta mundu mudukiru, Kandi si a la dinyeridza ava kolanga budamano.

Zaburi 105:43

Naye ya twulidza avandu veve nelisangala Avatovole veve netsinyimbu.

Zaburi 77:20

Wimirira avandu vovo kuli mwimiriri wekyayo, Nomukono gwa Musa na Haruni.

Zaburi 78:57

Navutswa virana inyima, ni va kola nobugadi kuli avaguga vavo: Na va kyama kuli ubuta bu ta li nobusoga.

Kutwula 32:8

va girunkani bwangu kuleka inzira ya nda va laga: velombeye kifwananyi kyekimoli kyobunyinda, nokukisigamira, nokukiitira tsisadaka, na va voye, Yivi navanyasaye vovo, O Israeli, ava kwanegiridza kutwula mu kivala kya Egepeti.

Kutwula 34:10

Naye ya vola, Henza, nombanga lilagana: na nda kola vyokugenya imbiri wa avandu vovo vosi, kuli vi kikiri kukolwa mu lirova lyosi, kinga mu ihiri kali indala; na avandu vosi ava u veye hagati havo, va la lola miyinzi gya Yahova; kigira ni inkuva yokutihidza ya nkola ku ive.

Lwimbu lwa Solomoni 8:5

Ni bwaha uyu mukali wanegiranga kutwula mu kyangalangwi, Ni yesedemi ku muyanze wewe? Isi womuchungwa nda ku vukidza: Ha zana niho ha mama wowo ya lumirwa liluma lilyo Ni ho ha uyu wivula ive ya lumirwa.

Isaya 40:11

A laya kyayo kikye kuli mwayi, a la gumira avana vamagondi mmukono gwigwe, na a la va ginga ku kiritu kikye, na va nunanga a la vendereridza.

Isaya 41:13

Kigira inze, Yahova Nyasaye wowo, nda ku gumira mu kono gugwo mulungi, nokukuvolera, U ta tia mba; nda ku konya.

Isaya 51:18

Si ha veye nomulala mu vayai vosi ava wivula wa limirira; kandi si ha veye nomulala wa mu gumira mukono mu vayai vosi ava u leri.

Isaya 63:9

Mu lidambi dzwa lyavo lyosi uyu ya dambidzwa, na ingelosi yommoni mwimwe ya va honnya: mbuyanzi bwibwe na mu tsimbabasi tsitsye ya va tungira; na ya va ginga, na ya va hila madiku gosi ga kale.

Jeremia 31:32

si ga li ku londa lilagana lya nda kola navaguga vavo mu lidiku lya nda va gumira mukono nduke kuvaleta va twule mu kivala kya Egepeti; lilagana lyange lya vononnya, kali ni nda li musatsa kuvo, Yahova a vola.

Lisyoma lya Jeremia 4:16

Livihirirwa lya Yahova li va sundi ihale; si a la va henza kandi mba: Va vula kwelidza ku liva lya vasalisi, si va tovolannya ku vakulundu.

Ezekieli 16:59

Kigira Mwami Nyasaye a vola ndi: Nda ku kolera kuli wa kola, wa lega lyesuha ku lyononnya lilagana.

Ezekieli 16:8

Na lwa nda vita himbi nive, nokukwumika, na ive inyinga yoyo ya li inyinga yobuyanzi; na nda fuma ku ive kitweya kyange, kufuma kyahonyo kikyo: yee, nda kwisuhira, na nda lomba lilagana nive, Mwami Nyasaye a vola, na wa gwa wange.

Amosi 5:22

Yee, kali ni mu mbaanira vihaa nwa vyenyu vyokusambwa, nevihaanwa vyenyu vyobusie, si nda vi vugula; kandi si nda henza vihaanwa vyenyu vyemirembe vyetsinyama tsyenyu tsinolu.

Malaki 2:13

Kandi mu kolanga yaga: mu tonya maliga ku bwali bwa Yahova, halala nokulira, nokukenya, a luhe a vule kuhenza vihaanangwa kinga kuvibugirira mmakono genyu nomwoyo gwokuyanza.

Marko 8:23

Na a gumira mboku mkono, na a mu twulidza mu lidala; lwa ya ka tudza amate mu tsimoni, na a vika kuye makono, ya mu teva, U lola kindu?

Vikolwa 13:11

Kalunu henza mukono gwo Mwami gu veye ku ive na ive u la vakula, u ta lola liuva inyinga i duki. Nonoho amatsengeri nekisundi kya duka kuye, ni yenya avandu kumugumira mukono kumwimirira.

Vikolwa 7:36

Mundu uyu ya vimirira kutwula, inyima wa ya kola vyokugenya nevilolekidzu mu Egepeti, nomu Inyanza Inzakanyu, kandi mu kyangalangwi imihiga amakumi gane.

Vikolwa 9:8

Ma Saulo ya vuka hasi, navutswa tsimoni tsitsye lwa tsya kunulwa si ya lola kindu; ni va mu gendidzira mukono, ni va mu hila Damasko.

Vagalatia 4:24

Amakuva yaga ga veye lugano: kigira avakali vaviri yava va lolekidzwa kuva malagano gaviri Iilala li twula ku kigulu kya Sinai, livulanga avana ku butugwa, nalyo li veye Hagari.

Kwidzulitsa 29:1

Yaga namakuva gelilagana lya Yahova ya laga Musa a lombe navana va Israeli mu kivala kya Moabu, li medwa ku lilagana lya ya lomba navo mu Horebu.

Kwidzulitsa 29:12

u duke kwingira mu lilagana lya Yahova Nyasaye wowo, nelyesuha lilye, lya Yahova Nyasaye wowo a kolanga nive lero;

Kwidzulitsa 29:25

Hene yaho avandu va la vola Ga veye kigira va leka lilagana lya Yahova, Nyasaye wavaguga vavo, lya ya kola navo lwa ya va twulidza mu kivala kya Egepeti,