Vahebraina 7:26 - KITABU KITAKATIFU

²⁶ Kigira musalisi kuli uyu a duka kwinye, mutakatifu, u ta li nobudamano, u ta veye nekigugunyu, wahulwa ku voni, wa vikwa weligulu;

Vahebraina 7:26 ပူးပေါင်းရင်းမြစ်များ

Zaburi 68:18

Ive u nini migulu, u lanyi avahambe; U vuguliye avandu vihaanwa Yee, kali vya avatinguha, Yahova Nyasaye a menye ho.

Kutwula 28:36

Kandi u la Imnba kibale kyethahabu indahi, na u la vadza ku kuli muhuri, makuva yaga, MUTAKATIFU KU YAHOVA.

Isaya 53:9

Va mu lombera kilindwa halala navadamano, kandi halala na mutugi mu likudza lilyekali ni ya vula kukola kirage, kandi si ha li nobugadi mmunwa gwigwe.

Ezekieli 44:27

Noku lidiku lya yingira hatakatifu, mu mugidzi gwomugati, kutumika hatakatifu, a la haana kihaanwa kikye kyobwoni, Mwami Nyasaye a vola.

Livalidza 29:26

Na ku lidiku lya gatano mu la leta tsigiriki tsitano na tsine, na magondi makole gaviri, na vimeme vyamagondi vikole vyomuhiga mulala likumi na vine vidukiru;

Matayo 27:18

Kigira ya manya va mu yala kumbodoka yavo.

Marko 16:19

Ni ndiyo Mwami Yesu, lwa ya mala kuvolerana navo, yingiridzwa migulu ni yikala ha mukono mulungi gwa Nyasaye.

Luka 1:35

Ingelosi ya tivula, na a mu volera, Roho Muta katifu a ladza ku ive, netsingulu tsya Uveye Igulu Ligali tsi la ku kinga kigira yaga Kitakatifu yikyo ki livulwa ku ive ki la langwa Mwana wa Nyasaye.

Luka 23:22

Naye ya va volera hali kavaka, Kigira ki? Mundu uyu a kola ubudamano ki? Si ndola kindu kuye ki dukana nelikudza: kigira yaga nda mu kuya ma mmu boholole.

Luka 23:41

Na ligali ga ku dukira kwinye; kigira kwinye ku koleywi ki dukana nemi yinzi gyetu: navutswa mundu uyu si ya kola kindu kidamano mba.

Luka 23:47

Munyampara, lwa a lola aga kolwa, yidzominya Nyasaye, na a vola, Ligali uyu ya li mundu mulungi.

Luka 24:26

Si bu li bulahi Kristo a saliridzwe vindu yivi vyosi nokwingira mu bukumi bwibwe?

Luka 24:46

ka ndi ya va volera, Ga ng'odwa ndiyo, Kristo a la saliridzwa, nokusimuguka mu vakudzi ku lidiku lya kavaka;

Yohana 14:30

Si nda mu volera manyingi kandi, kigira munene wavomkivala yadza: kandi si a veye nekindu mu inze;

Yohana 8:29

Kandi wa ntuma a veye halala ninze; si ya ndeka tsyeng'ine; kigira inze kazozo nkolanga vindu vya a yanza.

Vikolwa 3:14

Navutswa mwinye mwambakana uyu Mutakatifu no Mulungi, kandi mwinye mwenya mu hebwe mulumindi,

Vikolwa 4:27

Kigira ligali Herodi na Pontio Pilatu, halala ne Tsihiri navandu va Israeli, va vugana halala mu lidala yili kuhing'ana na Yesu Mutumekiri wowo mutakatifu, wa wa vaka maguta.

2 Vakorintho 5:21

Uyu wa vula kumanya bwoni ya mu kola kuva ubwoni kigira kwinye; kwinye ku duke kuva ubulungi bwa Nyasaye.

Vahebraina 1:3

Uyu u veye bung'ering'anu bwobukumi bwibwe, nelifwana lyolugano lwilwe mwene, kandi u diranga vindu vyosi ku likuva lyetsingulu tsitsye, kandi lwa ya mala kulomba lyogidza lyobwoni, yikala ha mukono mulungi gwo Munene migulu;

Vahebraina 12:2

ni ku henza ku Yesu mwimiri nomudukidzi welisuuvira lyetu, uyu kigira ubusangali bwa vikwa imbiri wewe, yekudzira ku musalaba, na a lega tsisoni, ni yikala ku mukono mulungi gwentebeyobwami ya Nyasaye.

Vahebraina 2:10

Kigira bwa li bulahi kuye, wa lomberwa vindu vyosi kandi wevindu vyosi vyadzira kuye mu lileta avana vanyingi va duke mu bukumi, ma a mu kole mudukiru kigira ubusaliri, uyu munene wobuhonnyi bwavo.

Vahebraina 2:17

Kunangwa ga mu dukira kufwananywa navamwavo veve mu vindu vyosi, a duke kuva musalisi munene wetsimbabasi, musuuvirifu mu vindu vya Nyasaye, a lombe kyokwisayasayira kyobwoni bwavandu.

Vahebraina 3:1

Kunangwa, avamitu avatakatifu, avasangi mu lilangwa lyomigulu, mu ganagane uyu Mutumwa, Musalisi Munene welyeyama lyetu, naye ni Yesu;

Vahebraina 7:11

Kunangwa niva ubudukiru bwa nyolekira ku busalisi bwa Levi (kigira avandu va nyoye lilaga kubwo), ha veye nelyenya ki kandi musalisi wundi a singire ku lugano lwa Melikizedeki, u vula kuvolwa ku lugano lwa Haruni?

Vahebraina 8:1

Kalunu mu yaga aga ku volanga likuva linene ni yili: Ku veye nomusalisi munene lugano yilu, uyu wikalanga ha mukono mulungi gwekisako kyo Munene migulu,

Vahebraina 9:14

nasindi masahi ga Kristo ga duka ndi, wehaana ku Roho wemihiga nemihiga, bugira kindu kuye, ni yeha Nyasaye, si ga la takasa myoyo gyenyu kuleka miyinzi mikudzu kuduka kutumekira Nyasaye welivamwoyo?

1 Petro 1:19

navutswa ku masahi malahi kuli agomwana weligondi, u ta li nekindu kuye kidamano, u ta li nembala, ga veye ga Kristo:

1 Petro 2:22

wa vula kukola ubwoni, kandi wa vula kunyoleka ubugadi mu munwa gwigwe:

1 Petro 3:22

u veye ha mukono mulungi gwa Nyasaye, kigira u viti kutsia kuduka migulu; vi mali kukolwa vikekeke kuye, tsingelosi, navobunene, navetsingulu.

1 Yohana 2:2

a veve kyowisayasayira ku bwoni bwetu; kandi si a veye ku bwoni bwetu bweng'ine, navutswa kandi ku bwoni bwavomkivala vosi.

1 Yohana 3:5

Kandi mu manya ya lolekidzwa kutwulidza ubwoni bwetu; kandi ubwoni si bu veye muye.

Likunula 3:7

Kandi u ng'odere ingelosi welivugana li veye mu Filadelfia. Yivi nivyo vya uyu u veye mutakatifu, noweligali, kandi u veye nolufunguo lwa Daudi, nowigulanga kandi si ha veye nomuhani, no hananga kandi si ha veye nowigula, a volanga: