Vahebraina 7:19 - KITABU KITAKATIFU

¹⁹ (kigira lilaga si lya dukidza kindu ku vyosi), kandi liletwa kulyo lisuuviridza li veye lilahi kuvita lyagira kwisunda himbi ku Nyasaye.

Vahebraina 7:19 ပူးပေါင်းရင်းမြစ်များ

Zaburi 73:28

Navutswa nubulahi ku inze kwisunda himbi ku Nyasaye: Nkoli Mwami Yahova kuva kyokwivisa mu kyange, Nduke kuvola miyinzi gyigyo gyosi.

Lisyoma lya Jeremia 3:57

Wesunda ku inze ku lidiku lya nda kwanira; na wa mbolera, U ta tia mba.

Yohana 1:17

Kigira lilaga lya leterwa ku Musa; tsimbabasi nageli gali ga leterwa ku Yesu Kristo.

Yohana 14:6

Yesu ya mu volera, Inze niyo inzira, nageligali, nelivamwoyo: si ha veye nomundu u duka ku Dada na a leki inze.

Vikolwa 13:39

kandi ku uyu, vosi va mu suuvira va hebwa ubulungi ku litwulidzwa lya vyosi vyelilaga lya Musa li ta nyala kutwulidza.

Varumi 5:2

Ku nyoleye ku uyu inzira kigira lisuuvira lyokvwingira mu tsimbabasi yitsyi tsya ku singiye mu; nokusangala mu lisuuviridzwa lyobukumi bwa Nyasaye.

Varumi 7:7

Kunangwa ku la vola ki? Lilaga li veye bwoni? Ga ta va ndiyo. Navutswa si nda li manye bwoni bugira lilaga: kigira si nda li manye likayirwa bugira lilaga kuvola, U ta kayirwa mba.

Varumi 8:3

Kigira agelilaga lya vula kunyala kukola, kigira lya li lidede kere kigira liva lyomubiri, Nyasaye ya tuma Mwana wewe ligali na a fwana mubiri gwobwoni, kandi kigira ubwoni, na a kalaga ubwoni mu mubiri:

Vagalatia 2:16

ni ku ma nya mundu si a volangwa kuva mulungi ku vikolwa vyelilaga, navutswa ku lisuuvira ku Yesu Kristo kali kwinye kwa suuvira Kristo Yesu ku duke kuvola kuva avalungi ku lisuuvira Kristo, si ga li vikolwa vyelilaga: kigira si ha veye nowomubiri u li volwa kuva mulungi ku vikolwa vyelilaga.

Vagalatia 3:21

Kunangwa lilaga li hing'ana nelisuuviridzwa lya Nyasaye? Auwa, ligali: kigira lilaga ni li va ni lya haanwa li nyala kuleta livamwoyo nkano ubulungi bu veye ku lilaga.

Vagalatia 3:24

Kunangwa lilaga ya li mwegidzi wetu kukuleta ku Kristo, ku duke kuvalidzwa kuva nobulungi kigira lisuuvira.

Vafeso 3:12

wa ku veye nobuluviriri nobwiyangu bwokuduka mu kilema mwoyo kigira lisuuvira kuye.

Vakolosai 1:27

Yavo ava Nyasaye ya li vanza kuvavuulira bwa li ubutugi bwobukumi bwobuvisi yibu mu Tsihiri, obu veye Kristo mu mwinye, a veye lisuuviridzwa lyobukumi.

1 Timoteo 1:1

Paulo, mutumwa wa Kristo Yesu kuli lilaga lya Nyasaye Muhonnyi wetu, na Kristo Yesu, lisuuviridzwa lyetu;

Vahebraina 10:1

Kigira lilaga li veye nekiriri kyevindu vilahi vidzanga, i vuli kuva nelifwana lyavyo, visyuviriru vi haanangwa ku muhiga nomuhiga, si vi nyala mihiga gyosi kukola avisunda himbi, avadukiru.

Vahebraina 11:40

kigira Nyasaye ya vikira kwinye kindu ki veye kilahi kuvita, yava bugira kwinye va ta duka kukolwa avadukanu.

Vahebraina 11:6

kandi bugira lisuuvira si ga nyalika kuyanzeka kuye; kigira uyu uudzanga ku Nyasaye ga mu dukira kusuuvira a veye ho, kandi niye muhaani wa madanyi ga yavo ava mwenyanga.

Vahebraina 3:6

navutswa Kristo kuli mwana ku inyumba yeye; wenyumba yeye i veye kwinye, ni ku va ni ku gumira ubuluviriri bwetu nelidzominya lyelisuuviridzwa lyetu netsingulu, kuduka ku kiheri.

Vahebraina 4:16

Kunangwa kwisunde himbi ku intebe yetsimbabasi nobuluviriri, ku duke kuvugula liverererwa nokunyola tsimbabasi tsyokukukonya mu inyinga i li duka.

Vahebraina 6:18

ku vindu viviri vi ta nyala kugirunkana, mu yivi si ga nyalika Nyasaye a vole ububehi, ku duke kunyola ubukonyi bwetsingulu, kwinye ava kwirukanga kunyagula kugumira lisuuviridzwa li vikeywi imbiri wetu.

Vahebraina 7:11

Kunangwa niva ubudukiru bwa nyolekira ku busalisi bwa Levi (kigira avandu va nyoye lilaga kubwo), ha veye nelyenya ki kandi musalisi wundi a singire ku lugano lwa Melikizedeki, u vula kuvolwa ku lugano lwa Haruni?

Vahebraina 7:20

Kandi kigira si ya kolwa musalisi bugira lyesuha

Vahebraina 7:25

Kigira yaga a nyala kuhonnya ligali yava avisunda ku Nyasaye kuvita ku uyu, kigira a veye mwoyo tsinyinga tsyosi kuvasaalira.

Vahebraina 8:6

Navutswa kalunu Kristo ya nyoye ubutumwa ubulahi kuvita, ku kigero kya a veye mudukidzi welilagana lilahi, kuvita aga volwa ku lisuuviridzwa lilahi kuvita.

Vahebraina 9:9

li veye lugano olwenyinga ya kalunu; mu lugano yilu tsisadaka nevisyuviriru vi haanangwa ivi ta nyala kukola mwoyo gwa u sigamiranga kuva mudukiru,

Yakobo 4:8

Mwisunde himbi ku Nyasaye, naye a lisunda himbi ku mwinye. Mu lavidze makono genyu, mwinye avoni; mu takase myoyo gyenyu, mwinye avemyoyo gyiviri.