Vahebraina 7:18 - KITABU KITAKATIFU

¹⁸ Kigira li veye nelisulwa lilaga lya tanga, kigira ubudedekere bwalyo kandi livula kukonya lyalyo

Vahebraina 7:18 ပူးပေါင်းရင်းမြစ်များ

Vikolwa 13:39

kandi ku uyu, vosi va mu suuvira va hebwa ubulungi ku litwulidzwa lya vyosi vyelilaga lya Musa li ta nyala kutwulidza.

Varumi 3:31

Kunangwa kwononnya lilaga ku lisuuvira yili? Auwa, ga ta va ndiyo, navutswa ku dinyeridza lilaga.

Varumi 8:3

Kigira agelilaga lya vula kunyala kukola, kigira lya li lidede kere kigira liva lyomubiri, Nyasaye ya tuma Mwana wewe ligali na a fwana mubiri gwobwoni, kandi kigira ubwoni, na a kalaga ubwoni mu mubiri:

Vagalatia 3:15

Avamitu, mbola kuli avandu: Kali ga veye amalagano gavandu ni ga mali kusingeridzwa si ha veye nogononnya, kinga kugameda kindu.

Vagalatia 3:17

Kalunu mbola yaga: Amalagano ga Nyasaye ya tanga kusingeridza, lilaga lya duka inyima imihiga ni gyi viti tsimia tsine namakumi gavaka, si li nyala kwononnya, kuduka kuzangalalidza lisuuviridzwa.

Vagalatia 3:21

Kunangwa lilaga li hing'ana nelisuuviridzwa lya Nyasaye? Auwa, ligali: kigira lilaga ni li va ni lya haanwa li nyala kuleta livamwoyo nkano ubulungi bu veye ku lilaga.

Vagalatia 4:21

Mu mbolere mwinye, avenyanga kubofwa mu lilaga, si mu hulira lilaga zana?

Vagalatia 4:9

navutswa kalunu ni mu mali kumanya Nyasaye, navutswa kindu kinene Nyasaye na a mali kumanya mwinye, ga veye ndi mwinye kwirana kandi mu megidzo ku matsyambiri amadedekere agobudaka, aga mwenya kugwa avatugwa vago kandi?

1 Timoteo 4:8

kigira ku lyenalidza ku mubiri li konya hakekeke; navutswa litibwa lya Nyasaye li konyanga ku vindu vyosi, kigira li veye nelisuuviridza lyelivamwoyo lya kalunu, na yili lidzanga.

Vahebraina 13:9

Mu ta gotidzwa namegidzo tsing'ano tsindi megidzo mageni: kigira nu bulahi mwoyo gu dinyeridzwe netsimbabasi; si ku li ku vyokulia, vya yavo va genda navyo vya vula kuvaletera ubukonyi.

Vahebraina 7:19

(kigira lilaga si lya dukidza kindu ku vyosi), kandi liletwa kulyo lisuuviridza li veye lilahi kuvita lyagira kwisunda himbi ku Nyasaye.