Vahebraina 6:9 - KITABU KITAKATIFU

⁹ Nawtswa, avayanze vetu, kali ni ku vola ndi, ku goonyerangwa vindu vilahi kuvita yaga ku mwinye, navyo vi veye vyobuhonnyi.

Vahebraina 6:9 ပူးပေါင်းရင်းမြစ်များ

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Marko 16:16

U suuvira na a batidzwe a la honnywa; u vula kusuuvira a la kyaywa.

Vikolwa 11:18

Kandi lwa va hulira yaga va kiring'ana, ni vidzominya Nyasaye, ni va vola, Kali ku Tsihiri, Nyasaye u mali kuvaha Iveganira li leta livamwoyo.

Vikolwa 20:21

nda loleki dzira Avayuda na Vagreki, lyeganira ku Nyasaye, nelisuuvira Mwami wetu Yesu Kristo.

1 Vakorintho 10:14

Kigira yaga, avayanze vange, mwiruke miima gyemisambwa.

2 Vakorintho 12:19

Mu ganagana kutwula inyinga yeyo kwevera ku mwinye. Navutswa ku vola imbiri wa Nyasaye mu Kristo. Navutswa vindu vyosi vi veye kigira lyombakwa lyenyu, avayanze vange.

2 Vakorintho 7:1

Kunangwa kigira ku v eye nelisuuviridza yili, avayanze vange, kwelombe kutwula ku ubudamano bwosi bwomubiri nobwomwoyo, mudukidze ubutakatifu mu ubutii bwa Nyasaye.

2 Vakorintho 7:10

Kigira liverera lyokuyeka ku Nyasaye li kola lyeganira kuduka ku lihonnywa, kigira li veye lyeganira li ta veye neliverera: navutswa liverera lyomukivala li leta likudza.

Vagalatia 5:6

Kigira mu Kristo Yesu likevwa si li konya kindu, kinga livula kukevwa; navutswa lisuuvira li kolanga miyinzi kigira ubuyanzi.

Vahebraina 10:34

Kigira mwa salira mu myoyo halala na yavo ava li mu buhambe, kandi mwa bugirira nobuyanzi kunuulwa vindu vyenyu, kigira mu manya mwinye avene mu veye nevindu vilahi kuvita yivyo navyo vi ta hera mba.

Vahebraina 10:39

Navutswa kwinye si ku veye mu yavo avirana inyima kuduka mu budivi; navutswa ku veye mu yavo ava veye nelisuuvira kuduka mu buhonnyi bwomwoyo.

Vahebraina 2:3

kwinye ku la hona ndi ni ku va ni ku legeridza ubuhonnyi ubunene ndi? Bwo Mwami ya tanga kuvola, kandi bwa yava ava bu hulira va bu kola bwetsingulu ku kwinye;

Vahebraina 5:9

lwa ya kolwa mudukiru ya gwa mulombi wobuhonnyi bwemihiga nemihiga, ku vosi ava mu huliranga,

Vahebraina 6:10

Kigira Nyasaye si a li nobudamano kuduka kwivirira miyinzi nobuyanzi bwenyu bwa mwa lang'aminya ku lieta lilye, ku litumekira avatakatifu, kandi mu va tumekiranga.

1 Petro 2:11

Avayanze, ng'oonya mwinye avamenyi kandi avageni, mwiyahule ku likayirwa lyomubiri, li hing'ana nomwoyo;

2 Petro 3:1

Avayanze, ibaruwa yiyi yange ni ya kaviri ya nng'odera mwinye; mu tsyombi mbukidzanga myoyo gyenyu gyeligali ku limwidzulitsa;

1 Yohana 2:7

Avayanze, si mmu ng'odera lilaga lihya, navutswa lilaga lya kale lya mwa hulira kutwula mu litanga: lilaga lya kale ni likuva lya mwa hulira.

Yudasi 1:3

Avayanze, lwa nda kola ubugulu bwosi kumung'odera amakuva gobuhonnyi bwa ku sangi, nda nigwa kumung'odera kumutsuva mu lwanire budinyu lisuuvira lya vatakatifu va hebwa lulala.