Vahebraina 6:7 - KITABU KITAKATIFU

⁷ Kigira lirova li nwedzanga imbula i kupanga hali kanyingi kulyo, kandi li meranga tsingutsa tsi dukiranga yava ava limirangwa, li nyolanga ubugasu bwa Nyasaye;

Vahebraina 6:7 ပူးပေါင်းရင်းမြစ်များ

Litanga 1:11

Na Nyasaye ya vola, Lirova li mere ubulimu, netsingutsa tsi letanga ubugutsa, nemisala gyamanga makuyu kuli lugano lwagyo, gyi veye netsinzoli tsyagyo ku lirova: na ga li ndiyo.

Litanga 27:27

Naye yisunda himbi m a mbusa: naye ya hulira malusu getsingubo tsitsye, na a mu gasidza, na a vola, Henza, malusu gomwana wange Gu veye kuli malusu gomulimi gwa Yahova a gasidzi:

Zaburi 126:6

Uyu u tsitsanga nelilira, na a ginga ubugutsa bwokumidza, Ligali a lirana nesango yobuyanzi, na a leta viganda vivye.

Zaburi 24:5

Uyu niye u li nyola ubugasu bwa Yahova, Na ubulungi bu twula ku Nyasaye wobuhonywi bwibwe.

Isaya 44:3

Kigira nda tsuka amadzi ku uyu u veye nobuluhu, noku tsuka tugera mu kivala kyumu: nda tsuka Roho wange ku kisukululwi kikyo, nobugasu bwange nda tsuka ku yavo avolwivulu Iwulwo:

Ezekieli 34:26

Na nda va kola, halala na hosi ha kumbiridza kigulu kyange kuva ubugasu; nda leta ulunyirira ku inyinga yalwo; lu la va ho tsinyirira tsyobugasu.

Hosea 10:12

Mwimidzere avene mbulungi, mu gese kuli tsimbabasi; mu lime mulimi gwenyu gu ta limangwa; kigira niyo inyinga yokwenya Yahova, a duke kukupidza ubulungi ku mwi nye.

Kyavalevi 25:21

hene yaho nda laga ubugasu bwange ku mihiga gwegyitano na mulala, nagwo gu lama makuyu gemihiga gyivaka.

Malaki 3:10

Mu lete izaka yosi mu gi vike mu kidera, kyokulia ki ve mu inyumba yange, mu ngeridze mu inkuva yiyi, Yahova wa mahe a vola, inze ni mbula kumwigulira madirisha gomigulu, nokutsuka ku mwinye ubugasu, ha la vula kuva nobwiyangu kubunyola.

Matayo 7:8

Kigira ku vosi u saala a hebwanga; nowenya a nyolanga; nowigulihidza yigulirwa.

2 Timoteo 2:6

Ga dukiranga uyu mulimi wa nyankana ku miyinzi a tange kunyola ku makuyu.

Yakobo 5:7

Kunangwa mwikudzire, avamitu, kuduka lidza lyo Mwami. Henzi, mulimi a lindiriranga lyama lyelirova lilahi, kandi yikudziranga kulyo kuduka li luhe li nyole imbula yokutanga neyenyima.