Vahebraina 6:2 - KITABU KITAKATIFU

² nogwamegidzo gamabatidza, nogwelivika makono, nogwelisimuguka lyavakudzu, nogwelikalagira lyemihiga nemihiga.

Vahebraina 6:2 ပူးပေါင်းရင်းမြစ်များ

Kohelethu 12:14

Kigira Nyasaye a la leta miyinzi sa mulala kukalagirwa halala nelikuva sa lilala lya viswa, ni li veye lilahi, ni li veye lidamano.

Isaya 26:19

Avakudzu vovo va la va mwoyo; mibiri mikudzu gyange gyi la vuka. Mu vuke, mwimbe, mwinye avamenyanga mu marova; kigira lime lilyo li veye kuli lime lyetsingutsa, na lirova li la twulidza avakudzu.

Danyeli 12:2

Kandi avanyingi ku yavo ava gonanga mu lugukyi lwelirova va la vuka, avalala kuduka mu buhindiri bu ta hera mba na avandu kuduka mu tsisoni na liiegwa li ta hera mba.

Matayo 28:19

Kigira yaga mu tsie kukola avegidzwi ku tsihiri tsyosi, mu va batidze mu lieta lya Dada, nomu lyo Mwana, nomu Iva Roho Mtakatifu:

Matayo 3:14

Navutswa Yohana yenya kumugaya, na a vola, Inze nobulahi mbatidzwe nive nkani udze ku inze?

Marko 16:16

U suuvira na a batidzwe a la honnywa; u vula kusuuvira a la kyaywa.

Marko 7:4

kandi lwa va twula mu kitu, ni va tisinga si va lagira mba. Kandi vi veho vindu vindi vinyingi vya va bugirira kugumira, kwogidza visanda, netsinyingu, nevifuria.)

Marko 7:8

Mu leka malago ga Nyasaye ni mu gumira miima gyavandu.

Luka 11:38

Mufarisayo lwa ya lola ya genya kigira si ya tanga kwisava na a kikiri kulia.

Luka 12:50

Navutswa mbeye nelibatidza lya ndi batidzwa nalyo; nigeywi ndi ku duka ku li nyole

Luka 14:14

na ive u la va nobugasu; kigira si va veye nekya va ku tunga: kigira ive u la tungwa mu lisimuguka lyavalungi.

Luka 3:16

Yohana ya tivula na a va volera vosi, Inze ligali mmu batidza namadzi; navutswa udzanga a veye netsingulu kuvita inze, wa nta duka kuboholola tsinkova tsyevilatu vivye: uyu a la mu batidza na Roho Mutakatifu nomuliru.

Yohana 1:33

Kandi si nda mu manya: navutswa uyu wa ntuma kubatidza mu madzi, ya mbolera, Wa u li lola Roho yika na a menya kuye, uyu niye a batidza mu Roho Mutakatifu.

Yohana 5:29

ma va twule mu, yavo va kola bulahi va duke ku lisimuguka lyelivamwoyo; navo ava kola ubudamano va duke ku lisimuguka lyelikalagirwa.

Vikolwa 10:47

Ibwaha a nyala kwambakannya amadzi va ta batidzwa avandu yava ava hebwa Roho Mutakatifu kuli kwinye?

Vikolwa 13:3

Hene yaho lwa va mala kuhonga lilia, ni va saala, ni va vika kuvo makono gavo, va va tuma va tsie.

Vikolwa 16:15

Kandi lwa ya batidzwa, halala navenyumba yeye, ya ku saala na a vola, Ni mu lola inze mbeye musuuviri ku Mwami, mwingiri mu inyumba yange mu menye. Kandi ya ku niga.

Vikolwa 16:33

Ku isaa zana yobudiku ya va vugula, na a vogidza ubukinduki bwavo; kandi ya batidzwa, uyu navenyumba yeye vosi.

Vikolwa 17:18

Kandi avalala ku Vaepikurio na Vasitoiko ava li vafilosofo, va mu nyola. Avalala va vola, Mudemanyi uyu yenya kuvola ki? Navandi va vola, A fwana mwilwadzi wamademone amageni: kigira ya li ni yilwadza Yesu nelisimuguka.

Vikolwa 2:38

Petro ya va rolera, Mweganire, mu batdziwe mwosi mu lieta lya Yesu Kristo, mu nyole ubusamehi bwobwoni bwenyu; kandi mu la vugula kihaanwa kya Roho Mutakatifu.

Vikolwa 2:41

Yavo ava vugula likuva lilye, va batidzwa: kandi lidiku yilyo va daswa avandu kuduka himbi tsielfu tsivaka.

Vikolwa 23:6

Navutswa Paulo lwa ya lola kidieli kilala nekya Vasadukayo nekindi nekya Vafarisayo, ya hanzuka mu kyina na a vola, Avamitu, inze mbeye Mufarisayo, kandi mbeye mwana wa Vafarisayo: ku lisuuvira nelisimugu kidzwa lyavakudzi, yiki ni kigira ndetwa mu kyina.

Vikolwa 24:15

mbeye nelisuuvira ku Nyasaye lya yava kandi va linda, li la va lisimugukidzwa lyavalungi navo ava ta li valungi.

Vikolwa 24:21

navutswa kigira likuva lilala yili lya nda gamba imbiri wavo, Nzalirwa iinbiri wenyu lero kigira lisimugukidzwa lyavakudzi.

Vikolwa 24:25

Paulo lwa yilwadza ku bulungi, kandi ku kwelinda bulahi, nelikalaga lidzanga, ubutii bunyingi bwa gumira Felike, kandi ya tivula na a vola, Kalunu u tsie; na inze lwa na ndole ubwiyangu na nku lange.

Vikolwa 26:8

Nyasaye na a va na a simugukidza avakudzi, kigira ki mu vola ni kindu ki ta nyala kubu girirwa?

Vikolwa 4:2

ni va henda mwoyo ligali kigira vegidza avandu, ni vilwadza ku Yesu amakuva gokusimuguka kutwula mu vakudzi.

Vikolwa 6:6

ni va va vika imbiri wa vatumwa, navo lwa va mala kusaala Nyasaye va vika mikono gyavo kuvo.

Varumi 2:16

ku lidiku lya Nyasaye a li kalagira livisa lyavandu kuli ivangeli yange, mu Yesu Kristo.

1 Vakorintho 10:2

navo vosi va batidzwa va gwe ava Musa mu lilesi nomu inyanza;

1 Vakorintho 12:13

Kigira kwosi kwa bati dzwa mu Roho mulala ku duke kuva mubiri mulala, ni ku veye Avayuda naho Avagreki, naho avatugwa, naho avaboholole; kwosi kwa nwehidzwa ku Roho mulala.

2 Vakorintho 5:10

Kigira ga ku dukira kwinye kwosi kulang'aminywa imbiri wekisako kyelikalaga kya Kristo; ku vosi sa mulala a hebwe kuli kya ya kola ku mubiri kuli ga ya kola, ni ki va kilahi kinga kidamano.

Vafilipi 3:21

u li girunkannya mubiri gwobudamano bwetu, gu fwanane nomubiri gwobukumi bwibwe, kuli ikola lilye lya a nyalanga kugehidza vindu vyosi vi ve vike kuye.

Vakolosai 2:12

mu tebeywi halala naye mu libatidzwa, lya mwa simugukidzirwa mu halala naye kigira lisuuvira mu liyinzira lya Nyasaye, wa mu simugukidza kutwula mu vakudzu.

2 Timoteo 2:18

avandu ava goti ku geligali, va vola lisimuguka li mali kuvita, na va hinulanga lisuuvira lyavalala.

Vahebraina 11:35

Avakali va vugula avakudzu vavo mu lisimugukidzwa; navandi va saliridzwa nobudamano, va sula lihona lyavo, va duke kunyola lisimuguka lilahi kuvita.

Vahebraina 9:10

kigira vi veye mu butumwa bwoku lugano lwomubiri vutswa (mu vyokulia nomu vyokunwa nomu lisava luganolugano), vi nigangwa kuduka inyinga yeligiru nkanywa kuva vihya.

2 Petro 3:7

navutswa ligulu li veye ho kalunu, nelirova, kigira likuva zana li vikeywi kuduka mu muliru, li lindangwa kuduka ku lidiku lyelikalaga nokulidividzwa lyavandu ava vula kutia Nyasaye.