Vahebraina 6:18 - KITABU KITAKATIFU

¹⁸ ku vindu viviri vi ta nyala kugirunkana, mu yivi si ga nyalika Nyasaye a vole ububehi, ku duke kunyola ubukonyi bwetsingulu, kwinye ava kwirukanga kunyagula kugumira lisuuviridzwa li vikeywi imbiri wetu.

Vahebraina 6:18 ပူးပေါင်းရင်းမြစ်များ

Litanga 19:22

Kola bwangu, wirukire yo; kigira si nnyala kukola kindu kuduka lwa u veye yo. Kunangwa lieta lyelidala lya langwa Zoaru.

1 Avami 2:28

Makuva ga duka ku Joabu; kigira Joabu ya girunkana kulonda Adonija, navutswa si ya girunkana kulonda Abisalom mba. Na Joabu yirukira mu Lihema lya Yahova, na a gumira tsinziga tsyobwali.

Zaburi 110:4

Yahova yesuha, na si a leganira mba: Ive u veye musalisi mihiga nemihiga Ku lugano lwa Melikizedeki.

Zaburi 46:1

Nyasaye a veye kyo kwivisa mu kyetu, na tsingulu tsyetu, Mukonyi wa himbi ligali inyinga yekivi.

Zaburi 62:8

Mwinye avandu mu mu suuvire tsinyinga tsyosi; Mu tsuke mwoyo gwenyu imbiri wewe: Nyasaye a veye hokwivisa mu hetu. [Selaha

Tsing'ano 3:18

A veye musala gwelivamwoyo ku vosi ava mu gumira: Kandi sa mulala u hambana naye a veye nobugasu.

Tsing'ano 4:13

U gumire lyegidzwa ligali; u ta li leka li tsie: U li gumire; kigira li veye livamwoyo lilyo.

Isaya 27:5

Kinga a gumire tsingulu tsyange, a hambane ninze mmirembe; yee, a hambane ninze mmirembe.

Isaya 51:12

Inze, yee inze, niye u leminyanga myoyo gyenyu: ive u veye bwaha, u duke kutia umundu u li kudza, nokutia mwana womundu u li kolwa kuli bunyasi;

Isaya 56:4

Kigira Yahova a vola ku vitsiri ava lindanga amadiku gelisabato lyange, nokutovola vindu vi yanzidzanga inze, nokuhambana nelilagana lyange ligali:

Isaya 64:7

Kandi si ha veye nomulala waniranga lieta lilyo, wetsuvanga a gumire ive: kigira u visi mmoni mumwo ku kwinye, nokukudividza nobudamano bwetu.

Zekaria 9:12

Mwirane ku impinga mwinye avahambe velisuuvira: kali lero mbola nda ku tunga hali kaviri.

Livalidza 23:19

Nyasaye si a veye mundu, a vole ububehi, Kandi si a veye mwana womundu, yeganire: A vole, ma a vule kukola? Kinga u tivuye likuva, na a la vula kulidukidza?

Matayo 24:35

Ligulu nelirova li la vita, navutswa amakuva gange si ga li vita mba.

Matayo 3:7

Navutswa lwa ya lola vanyingi ku Vafarisayo na Vasadukayo vadza ku libatidza lilye, ya va volera, Mwinye avana vetsinzoka, ibwaha ya mgerihidza mwiruke ubuvihiridzi budza nga?

Luka 2:25

Henza, ya li ho mu Yerusalemi mundu, wa langwa lieta lilye Simeoni; mundu uyu ya li mulungi wa tia Nyasaye, wa linda lihodzeridzwa lya Israeli: kandi Roho Mutakatifu ya li kuye.

Varumi 15:5

Kalunu Nyasaye welyekudzira kandi welikiringannya a mu he mwoyo mulala mu Kristo Yesu:

Varumi 3:25

wa Nyasaye ya lang'a minya a ve kyokwisayasayira, ku lisuuvira mu masahi gege. Kigira yaga Nyasaye a lolekidza ubulung bwibwe ku litwulidza bwoni bwembiri ku mwoyo, mu bwikudziri bwibwe

Varumi 3:4

Auwa: leka Nyasaye a ve weligali, navutswa avandu vosi va ve avabehi; kuli ga ng'odwa, U hebwe ubulungi mu makuva gogo, Kandi u guute lwa u li duka mu likalaga.

Varumi 5:5

kandi ubuluviriri si bu leta tsisoni; kigira Roho Mutakatifu wa kwa hebwa, u tsuki ubuyanzi bwa Nyasaye mu myoyo gyetu.

Vafilipi 2:1

Kunangwa ni li ve ho litsuuva mu Kristo kali likekeke, kinga lileminya mwoyo mu buyanzi, kinga lisanga lya Roho kinga tsimbabasi tsyeligali kinga livererera,

Vakolosai 1:23

ni mu va ni mu menya mu lisuuvira, nokuvikwa muse kuli vikongo, nokuva nobwidinyiridzi, kandi mu ta girunkanywa mu myoyo kuleka lisuuviridzwa lyevangeli lya mwa hulira, yilwadzwa mu vilombe vyosi vi veye musi mweligulu; ya inze Paulo nda kolwa mutumwa.

Vakolosai 1:27

Yavo ava Nyasaye ya li vanza kuvavuulira bwa li ubutugi bwobukumi bwobuvisi yibu mu Tsihiri, obu veye Kristo mu mwinye, a veye lisuuviridzwa lyobukumi.

Vakolosai 1:5

kigira lisuuviridzwa lya mwa vikirwa migulu. Lya mu mali kuhulira mu likuva lyeligali lyevangeli,

1 Vatesalonike 1:10

no kulindirira Mwana wewe kutwula migulu wa ya simugukidza kutwula mu vakudzu naye ni Yesu, u honnya kwinye mu butima buudzanga.

1 Timoteo 1:1

Paulo, mutumwa wa Kristo Yesu kuli lilaga lya Nyasaye Muhonnyi wetu, na Kristo Yesu, lisuuviridzwa lyetu;

1 Timoteo 6:12

U dinye kulwana ubulwani bulahi bwelisuuvira, u gumire livamwoyo li ta here mba, lya wa langirwa, kandi weyama lyeyama lilahi imbiri wavaloli vanyingi.

2 Timoteo 2:13

ni ku vula kusuuvira mwene a la menya musuuvirifu, kigira si a nyala kweyambakana mwene.

Tito 1:2

mu lisuuviridzwa lyelivamwoyo li ta hera mba, lya Nyasaye a ta nyala kuveha, ya suuviridza imbiri wemihiga nemihiga;

Vahebraina 11:7

Ku lisuuvira Nuhu, lwa Nyasaye ya mu mannya amakuva gevindu vi kikiri kuloleka, ku litia lya ya tia Nyasaye, ya lomba liato a duke kuhonnya avenyumba yeye; ku yago ya kalagira avelirova va ve nekindu kuvo, kandi ya gwa wemiyandu gyobulungi bu veye ku lisuuvira.

Vahebraina 3:11

Kuli wa ndisuha mu livihirirwa lyange Si va lingira mu bwelemeridzi bwange.

Vahebraina 3:6

navutswa Kristo kuli mwana ku inyumba yeye; wenyumba yeye i veye kwinye, ni ku va ni ku gumira ubuluviriri bwetu nelidzominya lyelisuuviridzwa lyetu netsingulu, kuduka ku kiheri.

Vahebraina 6:17

Ku likuva yili, Nyasaye ya lalira kumannya ligali kuvita avemiyandu ava li lia miyandu gyelisuuviridzwa, kuli amakuva gege ga ta veye neligirunkana, ya vika lyesuha hagati havo;

Vahebraina 7:19

(kigira lilaga si lya dukidza kindu ku vyosi), kandi liletwa kulyo lisuuviridza li veye lilahi kuvita lyagira kwisunda himbi ku Nyasaye.

Vahebraina 7:21

(kigira ligali yavo va kolwa avasalisi bugira lyesuha; navutswa uyu ya kolwa nelyesuha ku uyu wa mu volera, Mwami yesuha, kandi si a la girunkana Ive u veye musalisi mihiga nemihiga);

Joshua 20:3

umulumindi wiita mundu ku vosi bugira lisaavira, na bugira limanya, a duke kwirukira yo: nago ga la va ahokwirukira henyu kwiruka uyu u vanzanga kisalya kyamasahi.

1 Yohana 1:10

Ni ku vola si kwa kola ubwoni, ku mu kola a ve mubehi, kandi likuva lilye si li veye mu kwinye.

1 Yohana 5:10

U suuvira Mwana wa Nyasaye a veye nelilolekidza muye; u ta suuvira Nyasaye u mali kumukola mubehi; kigira si ya suuvira lilolekidza lya Nyasaye a lolekidza ku Mwana wewe.

1 Samweli 15:29

Na kandi kuvita yaga, Munyali wa Israeli si a la veha kinga si a leganira; kigira si a veye umundu, a duke kweganira.