Vahebraina 6:17 - KITABU KITAKATIFU

¹⁷ Ku likuva yili, Nyasaye ya lalira kumannya ligali kuvita avemiyandu ava li lia miyandu gyelisuuviridzwa, kuli amakuva gege ga ta veye neligirunkana, ya vika lyesuha hagati havo;

Vahebraina 6:17 ပူးပေါင်းရင်းမြစ်များ

Litanga 26:28

Navo va vola, Kwa lola bulahi Yahova a veye halala nive: na kwa vola, Lyesuha li ve hagati hetu kalunu, kali hagati hetu na ive, ku lombe lilagana halala nive;

Zaburi 110:4

Yahova yesuha, na si a leganira mba: Ive u veye musalisi mihiga nemihiga Ku lugano lwa Melikizedeki.

Zaburi 33:11

Litovola lya Yahova li singiranga mihiga nemihiga, Tsiganagani tsyomwoyo gwigwe tsi duka ku visukululwi vyosi.

Zaburi 36:8

Va liguta ligali nobunetu bwenyumba yoyo; Na ive u la va nwehidza ku mugera gwobuyanzi bubwo.

Kutwula 22:11

lisuha lya Yahova li la va hagati havo vombi, na a va ni ya nyira mukono gwigwe kuvugula kindu kya wakye naho mba; na uyu mwene kindu a la bugirira, na si a la mwiranyira.

Tsing'ano 19:21

Liganagana linyingi li veye ho mu mwoyo gwomundu; Navutswa livola lya Yahova, yili li la singira.

Lwimbu lwa Solomoni 5:1

Mmali kwingira mmulimi gwange, mubotso wange, mukana mugima wange: Mmali kwagula manamane gange halala nevifunyanga mwayu vyange; Mmali kulia kemenye kyobwuki kyange halala nobwuki bwange; Mmali kunwa iwaini yange halala namaveere gange. Avalina vange, mu lie; Mu nwe, yee, mu nwe ligali, O vayanze vange.

Isaya 14:24

Yahova wa mahe yisuha, na a vola, Ligali, kuli nda saavira, vi la va ndiyo; kuli ndalalira, i la singira ndiyo:

Isaya 46:10

u lolekidzanga kiheri kutwula ku litanga, kandi kutwula ku matsyambiri nda vuula vindu vi kikiri kukolwa; ni mbola, Makuva gange ga la singira, na nda kola vyosi vya nyanzanga;

Isaya 55:11

ni ndiyo likuva lyange li la va li twulanga munwa gwange: si li lirana ku inze lyere, navutswa li la dukidza aga nyenyanga, na li la gasidzwa mu inkuva ya nda li tuma ku.

Isaya 55:7

mudamano a leke inzira yeye, nomundu u ta li mulungi a leke tsi ganagani tsitsye; yirane ku Yahova, naye a la mbererera; yirane ku Nya saye wetu, naye a la mu sameha ligali.

Malaki 3:6

Kigira inze, Yahova, si ngirunkannyangwa mba; kigira yaga mwinye, avana va Yakobo, si mu sambwa mba.

Yohana 10:10

Mwivi si yadza bugira kwiva, nokwiita, nokwononnya: inze ndadza va nyola livamwoyo, kandi va li nyole linyingi.

Varumi 11:29

Kigira vihaanwa nelilanga lya Nyasaye si li veye neligirunkana.

Varumi 8:17

ni ku va ni ku veye avana, ku veye ava nyola miyandu; ava nyola miyandu gya Nyasaye, kandi ava nyola miyandu halala na Kristo; ni ku va ni ku salira halala naye, ku duke kukuminywa kandi halala naye.

Vagalatia 3:29

Ni mu veye ava Kristo, hene yaho mu veye visukululwi vya Abrahamu, avemiyandu gyelisuuviridzwa.

Vafeso 1:11

Wa kwinye kandi kwa kolwa ku K miyandu gyigye, kigira kwa tanga kutovolwa kuli ubulaliri bwibwe wa kola vindu vyosi kuli ubulaliri bwibwe;

Vahebraina 11:7

Ku lisuuvira Nuhu, lwa Nyasaye ya mu mannya amakuva gevindu vi kikiri kuloleka, ku litia lya ya tia Nyasaye, ya lomba liato a duke kuhonnya avenyumba yeye; ku yago ya kalagira avelirova va ve nekindu kuvo, kandi ya gwa wemiyandu gyobulungi bu veye ku lisuuvira.

Vahebraina 11:9

Ku lisuuvira ya gwa mumenyi mu kivala kyelisuuviridzwa, kuli a veye mu kivala ki ta li kikye, nokumenya mu mahema halala na Isaka na Yakobo ava li vemiyandu gyelisuuviridzwa zana halala naye:

Vahebraina 6:12

mu ta va avagata, navutswa mu ue avegi ku yavo ava lia miyandu gyelisuuviridzwa kigira lisuuvira nobwikudziri.

Vahebraina 6:16

Kigira avandu visuhanga ku munene: kandi mu mahangali gavo lisuha li veye kiheri kuduka kulungikidza amakuva.

Vahebraina 6:18

ku vindu viviri vi ta nyala kugirunkana, mu yivi si ga nyalika Nyasaye a vole ububehi, ku duke kunyola ubukonyi bwetsingulu, kwinye ava kwirukanga kunyagula kugumira lisuuviridzwa li vikeywi imbiri wetu.

Yakobo 1:17

Vikululirwa vyosi vilahi kandi vihaanwa vyosi vilahi vi veye vidukiru vi twulanga migulu kwika hasi kutwula ku Dada wobulavu, weligirunkannya li ta veye kuye kali kiriri kyeligirunkana.

Yakobo 2:5

Mu hulire, avamitu avayanze; Nyasaye si ya tovola ava veye avadaka vomulirova, va ve avatugi velisuuvira, kandi va ve ava lia miyandu gyobwami bwa ya laga ava mu yanzanga?

1 Petro 1:3

A gasidzwe Nyasaye Dada wo Mwami wetu Yesu Kristo, u kwivuye hali kaviri, kuli tsimbabasi tsitsye tsinene, ku duke ku lisuuviridzwa li veye mwoyo, ku lisimugukidzwa lya Yesu Kristo kutwula mu vakudzu,

1 Petro 3:7

Mwinye avasatsa, ndiyo kandi mu menye navakali venyu kuli limanya lyenyu, nokuha mukali lidzominywa li mu dukanga, kuli kiju ki ta li netsingulu kuleng'ana nemwinye kuli mu veye ava nyola halala miyandu gyetsimbabasi tsyelivamwoyo; lisaala lyenyu li vule kwigalirwa.