Vahebraina 6:11 - KITABU KITAKATIFU

¹¹ Kandi kwenya mwinye sa mulala a lang'aminye ubugulu zana kuduka ku budukiru bwelisuuvira kuduka ku kiheri:

Vahebraina 6:11 ပူးပေါင်းရင်းမြစ်များ

Isaya 32:17

Na miyinzi gyobulungi Yi la va mirembe; nelikola lyobulungi li la va bwehodzeridzi nelisuuvira mihiga nemihiga.

Matayo 24:13

Navutswa uyu wikudzihidza kuduka ku kiheri, a la honnywa.

Luka 1:1

Kigira vanyingi va gumira miyinzi gyokung'oda amakuva gevindu vya kolwa mu kwinye,

Varumi 12:8

kinga uyu weganehidza a tumike mu lyeganehidza lilye: u haananga, a haane nobuhaani: uyu wamehanga, a kole nobugulu; uyu u vererera, a mu vererere nobusangali.

Varumi 15:13

Kalunu Nyasaye welisuuviridzwa a mwizulitse ubuyanzi bwosi nemirembe mu lisuuvira, mu duke kukira lisuuviridzwa, mu tsingulu tsya Roho Mutakatifu.

1 Vakorintho 13:13

Navutswa kalunu lisuuvira li menyanga, kandi lisuuviridzwa, nobuyanzi, yivi vivaka; navutswa kinene kuvyo nu buyanzi.

1 Vakorintho 15:58

Kunangwa avamitu ava yanze vange, mu dinye, mu ta nyalika kusundwa, mu kole miyinzi gye Mwami nobugulu tsinyinga tsyosi, kigira mu manya liyinzira lyenyu si li veye lya vutswa mu Mwami. Kalunu ku isadaka i vungidzi.

Vagalatia 5:5

Kigira kwinye ku lindiririra na Roho, lisuuviridzwa lyobulungi kigira lisuuvira.

Vagalatia 6:9

Kwinye ku ta kudza mwoyo ku likola bulahi: kigira ku la gesa ku tsinyinga tsyalyo, ni ku vula kukudza mwoyo.

Vafilipi 3:15

Kunangwa kwinye kwosi ava ku veye avadukiru, ku ganagane ndi: kandi mwinye ni mu ganagana vindi vindu, ku vyosi Nyasaye a la mu vuulira kindu zana yiki kandi:

Vakolosai 1:23

ni mu va ni mu menya mu lisuuvira, nokuvikwa muse kuli vikongo, nokuva nobwidinyiridzi, kandi mu ta girunkanywa mu myoyo kuleka lisuuviridzwa lyevangeli lya mwa hulira, yilwadzwa mu vilombe vyosi vi veye musi mweligulu; ya inze Paulo nda kolwa mutumwa.

Vakolosai 1:5

kigira lisuuviridzwa lya mwa vikirwa migulu. Lya mu mali kuhulira mu likuva lyeligali lyevangeli,

Vakolosai 2:2

va duke kuleminywa mwoyo gwavo, va hambanywe halala mu buyanzi, kuduka ubutugi bwosi bwobudukiru bwelimanya, va duke kumanya ubuvisi bwa Nyasaye, obu veye Kristo,

1 Vatesalonike 1:5

kigira ivangeli yetu si ya duka ku mwinye mu amakuva amere, navutswa mu tsingulu, nomu Roho Mutakatifu, nomu limanyiridza linyingi; kuli wa mu manya lugano lweliva lyetu ku mwinye kigira mwinye.

1 Vatesalonike 4:10

kigira mwinye mu kola likuva yili ligali ku vamwavo vosi va veye mu Makedonia. Navutswa kwinye ku mu tsuva mu kole kukira ligali;

2 Vatesalonike 3:13

Navutswa mwinye avamitu, mu ta kudza myoyo mu likola bulahi.

Vahebraina 10:22

kwisunde himbi nomwoyo gweligali nomu lisuuvira lyobudukiru, ku veye nemyoyo gyetu gyuheywi kutwulidza mwoyo mudamano; nomubiri gwetu gwogidzwa namadzi malahi,

Vahebraina 3:14

Kigira ku gwiye avasangi ku Kristo, ni ku va ni ku gumira ligali li tanga lyobuluviriri bwetu kuduka ku kiheri.

Vahebraina 3:6

navutswa Kristo kuli mwana ku inyumba yeye; wenyumba yeye i veye kwinye, ni ku va ni ku gumira ubuluviriri bwetu nelidzominya lyelisuuviridzwa lyetu netsingulu, kuduka ku kiheri.

Joshua 7:3

Ma virana ku Joshua, nokumuvolera, Avandu vosi va ta tsia mba; navutswa va tsie avandu kuli tsielfu tsiviri kinga tsivaka kwanegira nokuduya Ai; u ta dambidza avandu vosi kutsia yo; kigira va veye vakekeke.

1 Petro 1:21

ava mu vereye kuye, avasuuviri Nyasaye, wa mu simugukidza kutwula mu vakudzu, nokumuha ubukumi; lisuuvira lyenyu nelihenzerera vi duke kuva ku Nyasaye.

2 Petro 1:10

Kigira yaga, avamitu, mu kole ubugulu kuvita mu duke kukola lilangwa lyenyu nelitovolwa lyenyu li ve netsingulu ligali: kigira ni mu kola yaga mu la vula kwikigitala hosi:

2 Petro 3:14

Kunangwa, avayanze, kigira mu lindirira vindu yivi, mu kole ubugulu mu duke kunyolerwa mu mirembe, bugira kuva netsimbala kandi bugira kindu ku mwinye imbiri wewe.

1 Yohana 3:14

Ku manya kwinye ku mali kutwula mu likudza kwingira mu livamwoyo, kigira ku yanza avamitu. U ta yanza a menya mu likudza.

1 Yohana 3:19

Na ndiyo ku la manya kwinye ku veye ku ageligali, kandi ku la luviridza mwoyo gwetu imbiri wewe:

Likunula 2:26

Uyu u guutanga, kandi uyu u lindanga miyinzi gyange kuduka kiheri, nda mu ha tsingulu ku tsihiri;