Vahebraina 6:1 - KITABU KITAKATIFU

¹ Kigira yaga ku leke likuva lyokutanga lya Kristo, kwisunde imbiri kuduka ku budukiru; ku ta tema kandi muse gundi gwelyeganira kutwula ku miyinzi mikudzo, nogwelisuuvira ku Nyasaye,

Vahebraina 6:1 ပူးပေါင်းရင်းမြစ်များ

Tsing'ano 4:18

Navutswa inzira yavalungi i fwanana nobulavu bu ng'ereng'ananga, Bu ng'ereng'ananga kuvita nokuvita, kuduka ku lidiku lidukiru.

Zekaria 12:10

Na nda tsuka roho gwetsimbabasi na lisaala ku inyumba ya Daudi, noku vamenyi Yerusalemi; na va la lola inze wa va tumita; na va la mu syomera, kuli mundu a syomeranga mwana wewe muderwa, na va la va mu busaliri kigira uyu, kuli mundu a veye mu busaliri kigira wa tanga kwivulwa wewe.

Matayo 21:29

Navutswa ya tivula na a vola, Si ntsia mba: navutswa inyima yeganira na a tsia.

Matayo 21:32

Kigira Yohana yadza ku mwinye ku inzira yobulungi, na mwinye si mwa mu suuvira mba; navutswa avasololi vobushutu navahevi va mu bugirira: na mwinye lwa mwa ga lola si mweganira inyima, mu duke kumusuuvira.

Matayo 3:2

Mweganire; kigira ubwami bwomigulu bu veye himbi.

Matayo 4:17

Kutwula inyinga yeyo Yesu va tanga kwilwadza na a vola, Mweganire; kigira ubwami bwomigulu bu veye himbi.

Matayo 5:48

Mu veye avadukanu kuli Dada wenyu womigulu a veye mudukanu.

Matayo 7:25

imbula ya kupa, na madzi gizulira, nembuudza ya huudza, vya kupa ku inyumba yeyo; navutswa si ya gwa mba: kigira ya handa ku lwanda.

Marko 1:1

Litanga lya ivangeli ya Yesu Kristo, Mwana wa Nyasaye.

Marko 6:12

Ku, va twula ni vilwadza ni va vola, avandu veganire.

Luka 6:48

A veye kuli mundu wombaka inyumba yeye, na a yava, ni yikidza hasi, na a vika muse ku lwanda. Kandi amadzi lwa gazula nomugera gwa kupa induta ku inyumba yeyo, si ya nyala kugidengeyidza: kigira ya li ni yombakwa bulahi.

Yohana 12:44

Yesu ya gamba na a vola, Uyu u suuvira inze, si a suuvira inze, navutswa uyu wa ntuma.

Yohana 14:1

Mu ta henda myoyo gyenyu: suuviri Nyasaye, mu suuvire inze kandi.

Yohana 5:24

Ligali, ligali, mmu volera, U hulira likuva lyange, na a suuvire wa ntuma, a veye nelivamwoyo li ta hera mba, kandi si a li nyala kwingira mu likalagirwa, navutswa u mali kutwula mu likudza kuduka mu livamwoyo.

Vikolwa 11:18

Kandi lwa va hulira yaga va kiring'ana, ni vidzominya Nyasaye, ni va vola, Kali ku Tsihiri, Nyasaye u mali kuvaha Iveganira li leta livamwoyo.

Vikolwa 17:30

Tsinyinga tsyobusiru Nyasaye si ya tsi henza; navutswa kalunu u mali kulaga avandu vosi, hosi ha va veye, veganire:

Vikolwa 2:38

Petro ya va rolera, Mweganire, mu batdziwe mwosi mu lieta lya Yesu Kristo, mu nyole ubusamehi bwobwoni bwenyu; kandi mu la vugula kihaanwa kya Roho Mutakatifu.

Vikolwa 20:21

nda loleki dzira Avayuda na Vagreki, lyeganira ku Nyasaye, nelisuuvira Mwami wetu Yesu Kristo.

Vikolwa 26:20

navutswa ku matsyambiri ndilwadza ku va Damasko, kandi mu Yerusalemi nomu kivala kyosi kya Buyuda kyosi, kandi ku vandu ve Tsihiri, veganire, va yeke ku Nyasaye nokukola miyinzi gyi dukana nobweganiri.

Vikolwa 3:19

Kigira yiki Mwe ganire, mwirane, ubwoni bwenyu bu twu'idzwe, tsi nyole kudza tsinyinga tsyokusosidza tsi twula imbiri wo Mwami;

1 Vakorintho 13:10

navutswa lwekidukiru ki li duka, ki veye kyoluvega lulala ki la heridzwa.

1 Vakorintho 2:6

Kwinye ku vola ubugeeri hagati havo ava veye avadukiru: navutswa si bu li ubugeeri bwenyinga yiyi, kandi si bu li bwavanene bwenyinga yiyi, ava li heridzwa.

2 Vakorintho 7:1

Kunangwa kigira ku v eye nelisuuviridza yili, avayanze vange, kwelombe kutwula ku ubudamano bwosi bwomubiri nobwomwoyo, mudukidze ubutakatifu mu ubutii bwa Nyasaye.

2 Vakorintho 7:10

Kigira liverera lyokuyeka ku Nyasaye li kola lyeganira kuduka ku lihonnywa, kigira li veye lyeganira li ta veye neliverera: navutswa liverera lyomukivala li leta likudza.

Vafeso 2:1

Kandi mwinye, lwa mwa li avakudzu kigira lihyola lyenyu nobwoni bwenyu,

Vafeso 2:5

kali inyinga kwa li avakudzu kigira mahyolo getu, ya ku ha livamwoyo halala na Kristo (mu honnyeywi netsimbabasi),

Vafeso 4:12

ku budukiru bwavatakatifu, kuduka ku miyinzi gyobutumwa, ku lyombaka lyomubiri gwa Kristo:

Vakolosai 1:28

Uyu wa kwilwadza, nokweganehidza avandu sa mulala, nokwegidza avandu sa mulala mu bugeeri bwosi, ku duke kusingeridza mundu sa malala a ve mudukiru mu Kristo.

Vakolosai 3:14

nokuvita vindu yivi vyosi mu ve nobuyanzi, bu veye kiboheru kyobudukiru.

Vakolosai 4:12

Epafara, u veye mulala ku mwinye, mutugwa wa Kristo Yesu, a mu chelidza, weguluhidzanga mu lisaala madiku gosi kigira mwinye, mu duke kusingira avadukiru navekilema mwoyo ligali mu bulaliri bwosi bwa Nyasaye.

1 Timoteo 3:16

Kandi ni likuva li ta li nelihayahayidzwa, liviswa lyelihulira Nyasaye li veye linene; Uyu ya lang'aminywa mmubiri, Nokuvolwa kuva mulungi mu roho, Nokuloleka ku tsingelosi Nokwilwadzwa mu Tsihiri Nokusuuvirwa mu lirova, Nokuvugulwa migulu mu bukumi.

1 Timoteo 6:19

vivikire akiba yomuse mulahi kuduka tsinyinga tsidzanga, va duke kugumira livamwoyo li veye lyeligali.

2 Timoteo 2:19

Navutswa muse gwe tsingulu gwa Nyasaye gu singira, gu veye nekiloleru yiki: Mwami a manya yava ava veye aveve: kandi, Ku vosi u talanga lieta lyo Mwami yelehe ku budamano.

Vahebraina 11:6

kandi bugira lisuuvira si ga nyalika kuyanzeka kuye; kigira uyu uudzanga ku Nyasaye ga mu dukira kusuuvira a veye ho, kandi niye muhaani wa madanyi ga yavo ava mwenyanga.

Vahebraina 12:13

kandi mu lombere virenge vyenyu tsinzira tsinungi, ki veye kilema ki vule kuvetwa, navutswa nu bulahi ki honnywe.

Vahebraina 7:11

Kunangwa niva ubudukiru bwa nyolekira ku busalisi bwa Levi (kigira avandu va nyoye lilaga kubwo), ha veye nelyenya ki kandi musalisi wundi a singire ku lugano lwa Melikizedeki, u vula kuvolwa ku lugano lwa Haruni?

Vahebraina 9:14

nasindi masahi ga Kristo ga duka ndi, wehaana ku Roho wemihiga nemihiga, bugira kindu kuye, ni yeha Nyasaye, si ga la takasa myoyo gyenyu kuleka miyinzi mikudzu kuduka kutumekira Nyasaye welivamwoyo?

Yakobo 1:4

Mu leke ubwikudziri bu ve nemiyinzi gyabwo midukiru, mwinye mu duke kuva avadukiru, navagyima, ava ta daka kindu ku vyosi.

1 Petro 1:21

ava mu vereye kuye, avasuuviri Nyasaye, wa mu simugukidza kutwula mu vakudzu, nokumuha ubukumi; lisuuvira lyenyu nelihenzerera vi duke kuva ku Nyasaye.

1 Petro 5:10

Kandi Nyasaye wetsimbabasi tsyosi wa langa mwinye mu duke kunyola ubukumi bwibwe bwemihiga nemihiga mu Kristo, lwa mu mali kusaliridzwa inyinga inkekeke, mwene a la mu kola avadukanu, nokumusingeridza, nokumuvika tsingulu.

1 Yohana 4:12

Si ha li nomundu wa lola Nyasaye tsinyinga tsyosi: kwinye ni ku yanzana, Nyasaye a menya mu kwinye, nobuyanzi bwibwe bu dukidzeywi mu kwinye.