Vahebraina 5:2 - KITABU KITAKATIFU

² A nyala kwikudzira nobuhooma yava ava vula kumanya nava gota, kigira mwene u kumbiridzeywi nobudedekere.

Vahebraina 5:2 ပူးပေါင်းရင်းမြစ်များ

Kutwula 32:8

va girunkani bwangu kuleka inzira ya nda va laga: velombeye kifwananyi kyekimoli kyobunyinda, nokukisigamira, nokukiitira tsisadaka, na va voye, Yivi navanyasaye vovo, O Israeli, ava kwanegiridza kutwula mu kivala kya Egepeti.

Isaya 29:24

Na yavo ava hyolanga mu myoyo gyavo va la nyola li manya, na yavo va monyanga va legidzwa megidzo.

Isaya 30:11

mu twule ku inzira, mu girunkane mu twule ku katsira, mu heridze Uyu Mutakatifu wa Israeli, a vule kuva imbiri wetu.

Luka 22:32

navutswa inze mmali kukusaalira, lisuuvira lilyo li ta geha; kandi ive lwa u li mala kwirana, u luviridze avamwavo vovo.

2 Vakorintho 11:30

Ni ga ndukira kwiidzominya ndiidzominya mu vindu vyobudedekere bwange.

2 Vakorintho 12:5

Kigira mundu kuli uyu ndiidzominya: navutswa kigira inze mwene si nziidzominya, bugira ni ntiidzominya mu budede kere bwange.

Vagalatia 4:13

navutswa mu manya nda mwilwadzira ivangeli inyinga yokutanga kigira ubudedekere bwa nda li nabwo mu mubiri gwange.

Vafeso 4:18

limanya lyavo li koleywi kisundi, va sundeywi hale nelivamwoyo lya Nyasaye, kigira livula kumanya li veye muvo, kigira myoyo gyavo gyi koleywi midinyu;

1 Timoteo 1:13

kali ni nda li munyegi matsyambiri, nomudambidzi, nomukoli wobudamano: navutswa nda nyola tsimbabasi, kigira nda vi kola ni nta manya mu livula kusuuvira

Vahebraina 12:13

kandi mu lombere virenge vyenyu tsinzira tsinungi, ki veye kilema ki vule kuvetwa, navutswa nu bulahi ki honnywe.

Vahebraina 2:17

Kunangwa ga mu dukira kufwananywa navamwavo veve mu vindu vyosi, a duke kuva musalisi munene wetsimbabasi, musuuvirifu mu vindu vya Nyasaye, a lombe kyokwisayasayira kyobwoni bwavandu.

Vahebraina 2:18

Kigira mwene u saliye mu ligeridzwa, a veye netsingulu kukonya yava nva geridzwa.

Vahebraina 4:15

Kigira si ku veye nomusalisi munene u ta nyala kuverera ku budedekere bwetu; navutswa uyu wa geridzwa mu vindu vyosi kuli kwinye, navutswa bugira ubwoni.

Vahebraina 7:28

Kigira lilaga li viki avandu ava veye nobudedekere va ve avasalisi avanene: navutswa likuva lyelyesuha lya duka inyima welilaga, li tovola Mwana u veye mudukiru mihiga nemihiga.

Vahebraina 9:7

navutswa mu lihema lya kaviri, musalisi munene yingira yeng'ine, ku muhiga inyinga indala, si yingira bugira masahi, aga yehaanira mwene, na kigira mahyolo ga avandu.

Yakobo 5:19

Avamitu, mulala ku mwinye na a gota nokuleka ageligali, na wundi na a mu girunkannya;

1 Petro 2:25

Kigira mwa li mwa gota kuli magondi; navutswa kalunu mwirani ku Mwayi no Muhenzi wemyoyo gyenyu.

Vakalagi 2:17

Halala na yaga si va hulira avakalagi vavo; kigira va londa inzira yobuheyi ku vanyasaye vandi nokwinama imbiri wavo: ni va girunkana bwangu nokuleka inzira ya vaguga vavo va londa ku, lwa va huliranga amalago ga Yahova; navutswa va vula kukola ndiyo.