Vahebraina 5:14 - KITABU KITAKATIFU

¹⁴ Navutswa vyokulia vidinyu vi veye vya vandu va duki, yavo kigira litumekira ubugeeri bwavo bu nalidzeywi kwavukannya ubulahi nobudamano.

Vahebraina 5:14 ပူးပေါင်းရင်းမြစ်များ

Litanga 3:5

kigira Nyasaye a manya ku lidiku lya mu lia ku, tsimoni tsyenyu tsi la kunulwa, na mu la va kuli Nyasaye, mu limanya ubulahi nobudamano.

2 Samweli 14:17

Hene yaho inze mukana mutugwa wowo lwa nda vola, Mwadza, likuva lyomwami li ve lyokuleta bwelemeridzi; kigira kuli ingelosi wa Nyasaye, ni ndiyo munene wange, mwami a veye kwavukannya amalahi namada mano: na Yahova Nyasaye wowo a veye halala nive.

1 Avami 3:11

Na Nyasaye ya mu volera, Kigira wenyanga inkuva yiyi, na si wenyanga ubuhindiri bwamadiku manyingi, kandi si weyenyeranga ubutugi, kandi si wenyanga livamwoyo lyavasigu vovo, navutswa wesaaliranga limanyeridza u duke kuhulira likalaga;

1 Avami 3:9

Kigira yaga u he mutumekiri wowo mwoyo gwelimanya nduke kukalagira avandu vovo, nduke kumanya hagati hobu lahi nobudamano; kigira ni bwaha u nyala kukalagira avandu vovo ava nene.

Ayubu 12:11

Ugutu si gu geridza makuva, Kuli tsintama tsi tsatsamanga vyokulia?

Ayubu 34:3

Kigira ugutu gu geridzanga amakuva, Kuli tsintama tsi tsatsamanga vyokulia.

Ayubu 6:30

Ubukyamu bu veye mu lulimi lwange? Tsintama tsyange si tsi nyala kumanya amakuva gobugadi?

Zaburi 119:103

Ga veye manolu ndi makuva gogo mu munwa gwange Yee, manolu kuvita ubwuki mmunwa gwange.

Lwimbu lwa Solomoni 1:3

Maguta gogo ga wevaki ga veye bulahi kuvita iwaini. Maguta gogo ga wevaki ga veye nomuhomo gu yanzidzanga; Lieta lilyo li veye kuli amaguta: malahi aga tsukwa; Kigira yaga avakana va ku yanza.

Lwimbu lwa Solomoni 2:3

Kuli muchungwa gu veye mu misala gyommulitu, Ni ndiyo muyanze wange a veye mu vayai. Ndikala hasi mu kiriri kikye nobusangali bunene, Na makuyu gege ga nda tsatsama ga li amanolu ligali.

Isaya 7:15

Maguta nobwuki a la lia, lwa a manya kusula ubudamano, nokutovola ubulahi.

Matayo 5:48

Mu veye avadukanu kuli Dada wenyu womigulu a veye mudukanu.

Varumi 14:1

Navutswa uyu u veye mudedekere mu lisuuvira, mu mu bugirire, navutswa ga ta va agelikalaga amakuva gelihayahayidza.

1 Vakorintho 2:6

Kwinye ku vola ubugeeri hagati havo ava veye avadukiru: navutswa si bu li ubugeeri bwenyinga yiyi, kandi si bu li bwavanene bwenyinga yiyi, ava li heridzwa.

Vafeso 1:18

tsimoni tsyemyoyo gyenyu tsi lavidzeywe, mu duke kumanya lugano lwelisuuvira lwelilanga lilye, kandi lugano lwobutugi bwobukumi bwemiyandu gyigye mu vatakatifu,

Vafeso 4:13

kwosi ku luhe ku duke ku buhambani bwelisuuvira, nobwokumanya Mwana wa Nyasaye, kali kuduka kuva mundu mudukiru, kali kuduka ku kigero kyobunene bwelizula lya Kristo:

Vafilipi 3:15

Kunangwa kwinye kwosi ava ku veye avadukiru, ku ganagane ndi: kandi mwinye ni mu ganagana vindi vindu, ku vyosi Nyasaye a la mu vuulira kindu zana yiki kandi:

1 Vatesalonike 5:21

mu henzeridze vindu vyosi; mu gumire ligali ki veye kilahi;

1 Timoteo 4:7

navutswa tsing'ano tsindamano netsyavutswa u leke tsi ve. Kandi wenalidze mu litibwa lya Nyasaye:

Vahebraina 6:1

Kigira yaga ku leke likuva lyokutanga lya Kristo, kwisunde imbiri kuduka ku budukiru; ku ta tema kandi muse gundi gwelyeganira kutwula ku miyinzi mikudzo, nogwelisuuvira ku Nyasaye,

Yakobo 3:2

Kigira kwosi kwikigitala ku vindu vinyingi. Mundu u tikigitala ku livola a veye mudukiru, u nyalanga kwigalira nelijamu, mubiri gwosi.