Vahebraina 5:12 - KITABU KITAKATIFU

¹² Kigira lwa ga mu dukira kuva avegidzi kigira tsinyinga tsi viti, mwinye mu veye nelyenya mulala a mwegidze vindu vyokutanga vyamang'oda ga Nyasaye; mu gwiye avenya maveere, si mu ueye arenya vyokulia vidinyu.

Vahebraina 5:12 ပူးပေါင်းရင်းမြစ်များ

2 Samweli 16:23

Na madiku yago livola lya Ahithofeli lya li kuli mundu wokuteva likuva lya Nyasaye: ni ndiyo livola lyosi lya Ahithofeli halala na Daudi na halala na Abisalom.

Ezara 7:10

Kigira Ezara ya li ni ya yekidza mwoyo gwigwe a duke kwenya lilaga lya Yahova, nokuga kola, nokwegidza amalago nelikalaga mu Israeli.

Zaburi 34:11

Mwinye avana mudze, mu mbulire: Nda mwegidza litibwa lya Yahova.

Isaya 28:13

Kigira yaga likuva lya Yahova li la va kuvo ndi, lilaga ku lilaga, lilaga ku lilaga; luvaso ku luvaso, luvaso ku luvaso; yiyi kikekeke, na yiyi kikekeke; va duke kutsia, nokugwa mugongo, nokuvunanywa, nokuhambwa nomutego, nokuvugulwa.

Isaya 55:1

O, mwinye sa mulala u veye nobuluhu, hambi ku madzi, na u veye bugira ifetha; hambi, mu gule, mu lie; yee, hambi, mu gule iwaini namaveere bugira ifetha, na bugira buguli.

Matayo 17:17

Yesu ya tivula na a vola, Likula li ta li nelisuuvira nelyokuhinga, nda va na mwinye kuduka inyinga ki? Nda mu vererera kuduka inyinga ki? Mu mu lete hano ku inze.

Marko 9:19

Ya va tivulira na a vola, Likula li vula kusuuvira, nda va halala nemwinye kuduka inyinga ki? Ndekudzihidzira ku mwinye kuduka inyinga ki? Mu mu lete ku inze.

Vikolwa 7:38

Uyu niye wa li mu livugana mu kyangalangwi halala nengelosi wa volerana naye mu kigulu kya Sinai, kandi navaguga vetu: wa vugula livola lyeliva mwoyo kuha kwinye.

Varumi 3:2

Li konya ligali ku gosi. Lwambiri kigira va hebwa lilinda lyelivola lya Nyasaye.

1 Vakorintho 14:19

navutswa mu livugana nyenya kuvola amakuva gatano nobugeeri bwange, nduke kwegidza avandi, kuvita livola netsinimi amakuva tsielfu likumi.

1 Vakorintho 14:20

Avamitu, mu ta va avana mu bugeeri bwenyu: navutswa mu imbodoka mu ve kuli avana, navutswa mu ve avakulundu mu bugeeri.

Vagalatia 4:3

Kandi kwinye kwa li ndiyo, lwa kwa li avana, kwa tumannyangwa mu megidzo gembiri gomulirova:

Vafilipi 3:1

Lwenyima, avamitu vange, mu sangale mu Mwami. Kumung'odera vindu zana, ku inze si ndola ubudinyu, navutswa ku mwinye nu bulahi.

Vakolosai 3:16

Likuva lya Kristo li menye mu mwinye nobuhinda: mu bugeeri bwosi mwegidzane nokugerihidzana avene navene ku zaburi noku tsinyimbu noku tsinyimbu tsyomu roho, mwimbire Nyasaye nemyoyo milahi.

Vahebraina 10:32

Navutswa mwidzulire madiku ga vita, ga mwa kolerwa mu ubulavu, mwikudzira ku mahangali manene gobusaliri;

Vahebraina 5:11

Wa ku veye namakuva manyingi agokuvola, agelilungika lyago li veye nobudinyu, kigira mu gwiye ava amatu madinyu.

Vahebraina 5:13

Kigira ku vosi u nwedzanga maveere a veye mundu u ta manya ligali likuva lyobulungi; kigira a veye mwana mudoto.

Vahebraina 6:1

Kigira yaga ku leke likuva lyokutanga lya Kristo, kwisunde imbiri kuduka ku budukiru; ku ta tema kandi muse gundi gwelyeganira kutwula ku miyinzi mikudzo, nogwelisuuvira ku Nyasaye,

1 Petro 2:2

kuli avana vadoto avivuywi kalunu, mwenye ligali amaveere ageligali aga ta li nobusyemi, mu duke kuviruka kugo kuduka ku buhonnyi;

1 Petro 4:11

Mundu na a va na a vola, a role kuli livola lya Nyasaye; mundu na a va na a tumeka a fumeke kuli mu tsingulu tsya Nyasaye a mu leteye: kuduka mu vindu vyosi Nyasaye yidzominyirwe ku Yesu Kristo, wobukumi bu veye bwibwe halala netsingulu mihiga nemihiga. Amini.