Vahebraina 4:2 - KITABU KITAKATIFU

² Kigira kwinye kwilwadzwa ivangeli kuli yavo, navutswa likuva lya va hulira si lya va konya, kigira va vula ku tsuganya lisuuvira halala nelihulira.

Vahebraina 4:2 ပူးပေါင်းရင်းမြစ်များ

Vikolwa 13:46

Paulo na Baranaba va luvirira ni va vola, Li nigwa likuva lya Nyasaye li tanga kuvolwa ku mwinye, navutswa kigi ra mu li luguta ihale, kandi si mwelola mu veye avalahi kuduka livamwoyo li ta hera mba, mu henze, kwinye ku girunkanira Tsihiri.

Vikolwa 3:26

Ku mwinye Nyasaye ya tanga kusingeridza Mutumekiri wewe na a mu tuma kumuha ubugasu, kuhunzula mwinye vosi mu twule mu budamano bwenyu.

Varumi 2:25

Kigira likevwa li konya ligali, ive nu u londa lilaga: navutswa nu wononnya lilaga likevwa lilyo li gwiye li vula kukevwa.

Varumi 3:3

Avalala ni va vula kusuuvira, ki la va ki? Iivula ku suuvira lyavo li nyala kwononnya ubusuuvirifu bwa Nyasaye?

1 Vakorintho 13:3

Kandi ni mba ni mbaana vindu vyange vyosi kukonya avadaka, kandi ni mba ni mbaana mubiri gwange gu sa mbwe, navutswa ni nta va nobuyanzi, si vi nkonya kali hakuzu.

Vagalatia 3:2

Nyenya kuhulira ku mwinye kindu kilala, Mwa vugula Roho ku vikolwa vyelilaga, naho ku lihu lira lyelisuuvira?

Vagalatia 3:8

Kandi ma ng'oda ga tanga kulola Nyasaye a la vola ku ve Tsihiri ubulungi kigira lisuuvira, ga tanga kwilwadzira Abrahamu ivangeli, ni ga vola, Tsihiri tsyosi tsi la gasidzirwa ku ive.

Vagalatia 4:13

navutswa mu manya nda mwilwadzira ivangeli inyinga yokutanga kigira ubudedekere bwa nda li nabwo mu mubiri gwange.

Kwidzulitsa 1:32

Navutswa ku kindu yiki si mwa suuvira Yahova Nyasaye wenyu,

1 Vatesalonike 1:5

kigira ivangeli yetu si ya duka ku mwinye mu amakuva amere, navutswa mu tsingulu, nomu Roho Mutakatifu, nomu limanyiridza linyingi; kuli wa mu manya lugano lweliva lyetu ku mwinye kigira mwinye.

1 Vatesalonike 2:13

Kigira yaga kwinye kandi ku santidzanga Nyasaye bugira kulekera, kigira lwa mwa nyola ku kwinye likuva lyobutumwa nalyo ni likuva lya Nyasaye, mwinye si mwa li gumira kuli li veye likuva lyavandu, navutswa kuli li veye ligali likuva lya Nyasaye, li kola kandi mu mwinye ava suuvira.

1 Timoteo 4:8

kigira ku lyenalidza ku mubiri li konya hakekeke; navutswa litibwa lya Nyasaye li konyanga ku vindu vyosi, kigira li veye nelisuuviridza lyelivamwoyo lya kalunu, na yili lidzanga.

Vahebraina 11:6

kandi bugira lisuuvira si ga nyalika kuyanzeka kuye; kigira uyu uudzanga ku Nyasaye ga mu dukira kusuuvira a veye ho, kandi niye muhaani wa madanyi ga yavo ava mwenyanga.

Vahebraina 3:12

Henzi, avamitu, gase mwoyo mudamano gwelivula kusuuvira gu la va mu mulala ku mwinye, ku ligirunkana nokuleka Nyasaye u veye mwoyo.

Vahebraina 4:6

Kunangwa kigira ku litigala avalala va lingira, kandi kigira yava ava tanga kwilwadzirwa amakuva malahi si vingira kigira livula kuhulira lyavo,

Yakobo 1:21

Kigira yaga ku livika ha luvega kifwabwi kyosi, nobunyingi bwobudamano, mu vugule nobuhooma likuva li simikangwa li nyala kuhonnya myoyo gyenyu.

1 Petro 1:12

Aga lang'aminywa kuvo, si ga li kuvo avene, navutswa ku mwinye va tumekiranga mu vindu yivi vilwadzeywi kalunu na yavo ku mwinye, avilwadza ivangeli mu Roho Mutakatifu wa tumwa kutwula migulu; amakuva getsingelosi venyanga kuteveridza.