Vahebraina 4:13 - KITABU KITAKATIFU

¹³ Kandi si ha li nekilombe ki ta li habulavu imbiri wewe: navutswa vindu vyosi vi veye kyahonyo nokulang'aminywa imbiri wetsimoni tsya uyu wa ku veye ku namakuva.

Vahebraina 4:13 ပူးပေါင်းရင်းမြစ်များ

1 Kyetsinyinga 28:9

Na ive, Solomoni mwana wange, u manye Nyasaye wa dada wowo, na u mu tumekire nomwoyo mudukiru, nomwoyo gwobulaliri; kigira Yahova yideranga myoyo gyosi, na a manyeri dzanga tsiganagani tsyosi tsyeligana gana. Nu u va nu u mwenya, a la loleka ku ive: navutswa nu u mu leka, a la ku syuva mihiga nemihiga.

2 Kyetsinyinga 16:9

Kigira tsimoni tsya Yahova tsi twulira yiyi neyiyi ku lirova lyosi, ku lyelanga minya kuva netsingulu ku luvega lwa yavo avemyoyo gyavo gyi veye midu kiru kuye. Mu yaga wa kola kuli musiru; kigira kutwula kalunu u la va nobulwani.

2 Kyetsinyinga 6:30

u hulire yaho mwigulu ha bumenyi bubwo, u samehe, nokutunga sa mulala kuli tsinzira tsitsye tsyosi, wa u manya mwoyo gwigwe (kigira u manyanga myoyo gyavandu, ive weng'ine),

Ayubu 26:6

Kihadisi ki veye kyere imbiri wewe, Ubwoneku si bu veve nelikunika.

Ayubu 34:21

Kigira tsimoni tsitsye tsi veye ku tsinzira tsyomundu, Na a lolanga ligenda lilye lyosi.

Ayubu 38:17

Viribwa vyelikudza vi mali kwigulwa ku ive? Kinga u loli viribwa vyekiriri kyelikudza?

Zaburi 139:4

Kigira si ha veye nelikuva mu lulimi lwange, Navutswa ive O Yahova, u li manya lyosi.

Zaburi 44:21

Nkano Nyasaye si a lidera inkuva yiyi? Kigira a manya viviswa vyomwoyo.

Zaburi 7:9

Ubudamano bwa avadamano bu heridzwe, navutswa u dinyeridze avalungi: Kigira Nyasaye mulungi a geridza tsiganagani na myoyo.

Zaburi 90:8

Ive u viki tsimbi tsyetu imbiri wowo, Ubwoni bwetu bu viseywi u viki mu bulavu bwommoni mumwo.

Tsing'ano 15:11

Kihadisi na ubwoneku vi veye imbiri wa Yahova: Nasindi myoyo gyavana va avandu

Tsing'ano 15:3

Tsimoni tsya Yahova tsi veye hosi, A lolanga madamano na malahi.

Tsing'ano 5:21

Kigira tsinzira tsyomundu tsi veye imbiri wetsimoni tsya Yahova; Naye a lungikidza tsinzira tsitsye tsyosi.

Kohelethu 12:14

Kigira Nyasaye a la leta miyinzi sa mulala kukalagirwa halala nelikuva sa lilala lya viswa, ni li veye lilahi, ni li veye lidamano.

Jeremia 16:17

Kigira tsimoni tsyange tsi lolanga tsinzira tsyavo tsyosi; si va visika mmoni mwange, kandi ubudamano bwavo si bu la visika imbiri wetsimoni tsyange.

Jeremia 17:10

Inze, Yahova nzidera mwoyo, ngeridza kikenge, nduke kuha sa mulala kuli tsinzira tsitsye, kuli amakuyu gelikola lilye.

Jeremia 23:24

Ku vosi mundu a nyahl kwivisa mbwivisi mbula kumulola? Yahova a vola. Si ndizula ligulu nelirova? Yahova a vola.

Jeremia 29:23

kigira va kola agobusiru mu Israeli, na va heya navakali va vakye vavo, na va vola makuva gobugadi mu lieta lyange, makuva ga nda vula kuvalaga; na inze mbeye uyu u manyanga, mbeye muloli Yahova a vola.

Danyeli 2:22

a vuulanga ivindu vi veye mu luliva nomu liviswa; a manyanga vi veye mu kisundi, na ubulavu bu menyanga halala naye.

Matayo 6:4

tsisadaka tsitsyo tsi ve mbuvisi: kandi Dada wowo u lola mbuvisi a la ku ha madanyi.

Yohana 2:24

Navutswa Yesu mwene si ya va suuvira mba, kigira ya manya avandu vosi

Yohana 21:17

Ya mu volera hali kavaka, Simoni wa Jona, U nyanza? Petro ya verera kigira ya mu teva hali kavaka, U nyanza? Ya mu volera, Mwami, ive u manya vindu vyosi; u manya nku yanza. Yesu ya mu volera, U lagiridze amagondi gange.

Yohana 4:16

Yesu ya mu volera, Tsia, u lange musatsa wowo, kandi udze hano.

Vikolwa 17:31

kigira u mali kulaga lidiku lyokukalagira avomkivala nobulungi, ku mundu wa ya tovola; naye ya ha vandu vosi kisuuviri kulyo kigira u mali kumusimugukidza mu vakudzi.

Varumi 2:16

ku lidiku lya Nyasaye a li kalagira livisa lyavandu kuli ivangeli yange, mu Yesu Kristo.

1 Vakorintho 4:5

Kunangwa mu ta kalaga likuva inyinga i kikiri kuduka, Mwami a luhe a duke, u li lang'aminya vindu vya viswa vyekisundi kandi a la lang'aminya lisaavira lyomu myoyo; kunangwa mundu sa mulala a la va nelidzominya lilye li twula ku Nyasaye.

2 Vakorintho 5:10

Kigira ga ku dukira kwinye kwosi kulang'aminywa imbiri wekisako kyelikalaga kya Kristo; ku vosi sa mulala a hebwe kuli kya ya kola ku mubiri kuli ga ya kola, ni ki va kilahi kinga kidamano.

Likunula 2:23

Na inze ndiita avana veve nelikudza; kandi mavugano gosi ga la manya inze mbeye uyu u ligulanga mu vikenge nemyoyo: na inze nda ha mundu sa mulala ku mwinye kuli miyinzi gyenyu.

1 Samweli 16:7

Navutswa Yahova ya volera Samweli, U ta henza ligondo lilye, kinga ubutambi bweliduka lilye; kigira inze suye uyu: kigira Yahova si a lola kuli umundu a lola; mundu a henzanga ligondo lyegulu, navutswa Yahova a henzanga mwoyo.