Vahebraina 4:12 - KITABU KITAKATIFU

¹² Kigira likuva lya Nyasaye li veye mwoyo, kandi li veye netsingulu, kandi li veye nobwogi kuvita kivavi kyobwogi ku vyosi tsimbega tsyombi, kandi li tumitanga kuduka kwavukannya mwoyo na roho, nevyungu nobuhaali, kandi li veye liyangu ukumanya tsiganagani nobulaliri bwomwoyo.

Vahebraina 4:12 ပူးပေါင်းရင်းမြစ်များ

Zaburi 110:2

Yahova a la hila impimbo yetsingulu tsitsyo kutwula mu Zioni: Wamehe hagati ha avasigu vovo.

Zaburi 119:130

Livuula lyamakuva gogo li leta ubulavu Li hedza avasiru limanya.

Zaburi 139:2

Ive u manya likala lyange na lisingira lyange; Ive u manya tsiganagani tsyange ihale.

Zaburi 149:6

Agokwidzominya ligali Nyasaye ga ve mu minwa gyavo, Na kivavi kyetsimbega tsyombi mu mukono gwavo

Zaburi 45:3

Webohe kivavi kikyo ku kikenge kikyo, O ive wetsingulu, Na ubukumi bubwo na ubunene bubwo.

Tsing'ano 5:4

Navutswa ku kiheri a veye wobululu kuli liduha, Mwogi kuli kivavi kyetsimbega tsyombi.

Kohelethu 12:11

Makuva gavageeri ga veye kuli makangu; kandi kuli misumari gya kubangirirwa navanene vamavugano, ga twula ku mwayi mulala.

Isaya 11:4

navutswa a la kalagira avadaka nageligali, navegehidzi velirova a la va kalagira nobulungi; na a la kuya lirova nempi mbo yomunwa gwigwe; nokwiita avadamano nomwika gwomu minwa gyigye.

Isaya 49:2

na ya kola munwa gwange kuva kuli kivavi kyogi; ya mbisa mu kiriri kyomukono gwigwe, u nkoli kuva kivu kya siywa; u mbisi ligali mu imodia yeye:

Isaya 55:11

ni ndiyo likuva lyange li la va li twulanga munwa gwange: si li lirana ku inze lyere, navutswa li la dukidza aga nyenyanga, na li la gasidzwa mu inkuva ya nda li tuma ku.

Jeremia 17:10

Inze, Yahova nzidera mwoyo, ngeridza kikenge, nduke kuha sa mulala kuli tsinzira tsitsye, kuli amakuyu gelikola lilye.

Jeremia 23:29

Likuva lyange si li veye kuli muliru? Yahova a vola; kandi kuli inyundu yatanyannga ligina?

Luka 8:11

Yaga ne megidzo golugano: Ubugutsa ni likuva lya Nyasaye.

Yohana 12:48

Mundu u nyambakana, na a ta bugirira amakuva gange, a veye nomulala u mu kalagira: livola lya nda vola li la mu kalagira ku lidiku lyekiheri.

Yohana 6:51

Inze nibwo ubukima bwelivamwoyo bwa twula migulu: mundu na a lagira ku bukima yibu, a la va mwoyo mihiga nemihiga: yee kandi ubukima bwa ndi haanira livamwoyo lyavomukivala ni nyama yomubiri gwange.

Vikolwa 2:37

Lwa va hulira yaga, va tumitwa mu myoyo gyavo, ni va volera Petro navatumwa avandi, Avamitu, ku kola ndi?

Vikolwa 4:31

Lwa va mala kusaala, ha va vuganira ha degeridzwa; navo vizula Roho Mutakatifu vosi, ni va vola likuva lya Nyasaye nobuluviriri.

Vikolwa 5:33

Navutswa yava lwa va hulira yaga va vihirirwa ni venya kuviita.

Vikolwa 7:38

Uyu niye wa li mu livugana mu kyangalangwi halala nengelosi wa volerana naye mu kigulu kya Sinai, kandi navaguga vetu: wa vugula livola lyeliva mwoyo kuha kwinye.

Varumi 1:16

Kigira si mbeye soni nevangeli, kigira i veye tsingulu tsya Nyasaye i duke ku buhonnyi ku vosi ava suuvira, kutanga ku Vayuda kandi ku Vagreki.

1 Vakorintho 1:24

navutswa ku Vayuda na Vagreki ava langwa, a veye Kristo tsingulu tsya Nyasaye, nobugeeri bwa Nyasaye.

2 Vakorintho 2:17

Kigira kwinye si ku veye kuli avanyingi ava tsukannyi amakuva gandi mu makuva ga Nyasaye, navutswa ku veye kuli nageligali, imbiri wa Nyasaye, ku vola ku Kristo.

2 Vakorintho 4:2

navutswa ku suye vindu vya viswa vyetsisoni, ku ta genda mu bugeeri budamano, kinga ku ta tumekira likuva lya Nyasaye nobu gadi; navutswa ku livika habulavu ageligali kwelang'aminya mu myoyo gyavandu vosi imbiri wa Nyasaye.

Vafeso 5:13

Navutswa vindu vyosi lwa vyambakanwa vi lang'aminyangwa nobulavu: kigira ku vyosi ki lang'aminyeywi ki veye ubulavu.

Vafeso 5:26

a duke kulitakasa lwa a mali kula vidza nelyogidza lyamadzi mu likuva,

Vafeso 6:17

Kandi mu vugule igudwa yobuhonnyi, kandi kivavi kya Roho, nakyo ki veye likuva lya Nyasaye:

1 Vatesalonike 2:13

Kigira yaga kwinye kandi ku santidzanga Nyasaye bugira kulekera, kigira lwa mwa nyola ku kwinye likuva lyobutumwa nalyo ni likuva lya Nyasaye, mwinye si mwa li gumira kuli li veye likuva lyavandu, navutswa kuli li veye ligali likuva lya Nyasaye, li kola kandi mu mwinye ava suuvira.

1 Vatesalonike 5:23

Nyasaye mwene wemirembe a mu takase ligali; na mwinye mu sidzwe roho nomwoyo nomubiri bugira kindu kidamano, mu lidza lyo Mwami wetu Yesu Kristo.

Vahebraina 13:7

Mwidzulitse yavo ava mwimiranga, ava mu volera likuva lya Nyasaye; nokuluta lihera lyeligenda lyavo, mwege ku lisuuvira lyavo.

Vahebraina 6:5

nokutsatsama likuva lilahi lya Nyasaye, netsingulu tsyetsinyinga tsidzanga,

Yakobo 1:18

Ku liyanza lilye mwene u kwivuye nelikuva lyeligali, ku duke kuva kuli ubuhya bwevilombe vivye.

1 Petro 1:23

Mwivuywi hali kaviri, si li veye ku tsinzoli tsyonekanga, navutswa ku tsi toneka, ku likuva lya Nyasaye, li veye mwoyo nokuhindira.

Likunula 1:16

Kandi ya li netsing'ereng'ani tsitano na tsiviri mu mukono mulungi zwigwe: nekivavi kyogi tsimbega tsyombi kya twula mu munwa gwigwe: nommoni mwimwe mwa li kuli liuva li ng'ereng'ana mu tsingulu tsyalyo.

Likunula 19:15

Kandi kivavi kyogi ki twula mu munwa gwigwe, a duke kuduya tsihiri nakyo: kandi a la vameha nempimbo yekivya: kandi a duvaga kinu kyewaini yobululu bwobutima bwa Nyasaye, Wanyala Vyosi.

Likunula 19:21

navatigaye viitwa nekivavi kya uyu wikaye ku iparasi, nakyo kya twula mu munwa gwigwe: namanyonyi gosi giguta tsinyama tsyavo.

Likunula 2:16

Kunangwa weganire, kinga nu u va nu u teganira nda duka ku ive bwangu, nokukola lihe kuvo nekivavi kyomunwa gwange.

Likunula 2:23

Na inze ndiita avana veve nelikudza; kandi mavugano gosi ga la manya inze mbeye uyu u ligulanga mu vikenge nemyoyo: na inze nda ha mundu sa mulala ku mwinye kuli miyinzi gyenyu.

Likunula 20:4

Kandi nda lola tsintebe, navo avikala kutsyo, va hebwa likalaga; kandi nda lola myoyo gya yavo ava kalagwa mitwe kigira lilolekidza lya Yesu, kandi kigira likuva lya Nyasaye, kandi gya yavo ava vula kusigamira inyama, kinga kifwananyi kikye, kandi va vula kuvugula kyokumanyirwa mu bweni bwavo, kinga mu makono gavo; navo va veye mwoyo, nokwameha halala na Kristo mihiga elfu.

Vakalagi 3:16

Na Ehudu yelombera kivavi kyobwogi tsimbega tsyombi, ubutambi bwakyo bwa li mukono mulala; na yeboha kivavi zana musi mwetsingubo tsitsye ku ivadzwa yeye yo mukono mulungi.